Արմինֆո. Հայաստանում տեղական ինքնակառավարման մարմինների ավագանիների անդամներն իրավունք կստանան հետ վերցնել իրենց հրաժարականի դիմումները՝ դրանք ներկայացնելուց հետո երեք օրվա ընթացքում: Ազգային ժողովի տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի հանձնաժողովը փետրվարի 5-ի նիստում դրական եզրակացություն է տվել հանձնաժողովի նախագահ Վահե Ղալումյանի ներկայացրած "Տեղական ինքնակառավարման մասին" եւ "Երեւանում տեղական ինքնակառավարման մասին"օրենքների փոփոխություններին:
Օրենսդրական նախաձեռնության հեղինակի խոսքով ՝ "Տեղական ինքնակառավարման մասին" օրենքի 26-րդ հոդվածը սահմանում է այն դրույթները, որոնք վերաբերում են համայնքի ղեկավարի լիազորությունների վաղաժամկետ դադարեցման մասին: Նույն հոդվածի 3.1-ին մասով նախատեսվում է, որ համայնքի ղեկավարը կարող է հետ վերցնել հրաժարականի մասին իր դիմումը՝ երեք օրվա ընթացքում: Մինչդեռ, նույն օրենքի 70-րդ հոդվածը սահմանում է ավագանու անդամի լիազորությունների վաղաժամկետ դադարեցմանը վերաբերող դրույթներ, սակայն օրենսդրորեն չի կանոնակարգում նրա հրաժարականի դիմումը հետ վերցնելու հնարավորությունը:
Նմանապես, ինչպես նշել է Ղալումյանը, "Երեւան քաղաքում տեղական ինքնակառավարման մասին" օրենքի 20-րդ հոդվածը սահմանում է Երեւանի ավագանու անդամի լիազորությունների վաղաժամկետ դադարեցմանը վերաբերող դրույթներ եւ չի նախատեսում ավագանու անդամի հրաժարականի դիմումը հետ վերցնելու հնարավորություն:
"Ազգային ժողովի կանոնակարգ" սահմանադրական օրենքի 155-րդ հոդվածը սահմանում է պատգամավորի հրաժարականի կարգը:
Մասնավորապես, նույն հոդվածի 2-րդ մասում սահմանվում է պատգամավորի հրաժարականի դիմումը հետ վերցնելու կարգը: Համայնքի ղեկավարի, Ազգային ժողովի պատգամավորի և ավագանու անդամի պաշտոնները ընտրովի պետական պաշտոններ են: Իրավունքի ընդհանուր սկզբունքից ելնելով, եթե համայնքի ղեկավարը և Ազգային ժողովի պատգամավորն իրավունք ունեն հրաժարականի դիմումը ներկայացնելուց հետո հետ վերցնել, ապա ավագանու անդամը նույնպես պետք է ունենա նույն իրավունքը և նույն հնարավորությունը: Գործող օրենքներում առաջարկվող փոփոխությունները նրանց հնարավորություն կտան, ինչը թույլ կտա վերացնել երկրի գործող օրենսդրության բացը։
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Քաղաքագետ. ընտրողների բավականին բարձր մասնակցությունը վկայում է այն մասին, որ Հայաստանի քաղաքացիներն ակտիվորեն և գիտակցաբար մասնակցում են երկրի ապագայի ձևավորմանը
Սթենֆորդի համալսարանի պրոֆեսորը Հայաստանի խորհրդարանի ընթացիկ ընտրությունները որակել է ամենակեղտոտը երկրի պատմության մեջ
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
Ռուսաստանը փորձում է Հայաստանին հասցնել, որ ԵՄ-ը, գործնականում, արդեն փոխակերպվել է ռազմաքաղաքական դաշինքի․ Օվերչուկ
Հայաստանի ԱԳ նախարար․ Հայաստանի եւ Ռուսաստանի հարաբերություններն առողջացման կարիք ունեն
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում