Արմինֆո.Հայաստանում Շվեյցարիայի դեսպան Անդրեա Բարբարա Բաումանն առանձին հանդիպումներ է ունեցել Հայաստանի խորհրդարանի կառավարող "Քաղաքացիական պայմանագիր" և ընդդիմադիր "Հայաստան" և "Պատիվ ունեմ" խմբակցությունների ներկայացուցչի հետ:
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հունվարի 29-ին Անդրեա Բարբարա Բաումանի հետ հանդիպմանը արժեւորել է Հայաստան-Շվեյցարիա սերտ համագործակցությունը:
ԱԺ հաղորդագրության համաձայն, ՔՊ խմբակցության ղեկավարը բարձր է գնահատել մեր երկրում ժողովրդավարական ինստիտուտների զարգացմանն ու տարածաշրջանում երկարատեւ խաղաղության հաստատմանն ուղղված Շվեյցարիայի Կառավարության աջակցությունը: Զրուցակիցները քննարկել են տարածաշրջանային զարգացումներին առնչվող հարցեր: Անդրադարձ է կատարվել «Թրամփի ուղի՝ հանուն միջազգային խաղաղության եւ բարգավաճման» (ԹՐԻՓՓ) նախագծին:
ԱԺ «Հայաստան» խմբակցության ղեկավար Սեյրան Օհանյանը Շվեյցարիայի Համադաշնության դեսպանի հետ հանդիպմանը կարեւորել է Հայաստանի եւ Շվեյցարիայի միջեւ հարաբերությունների զարգացումը տարբեր մակարդակներում՝ այդ առումով ընդգծելով խորհրդարանական բարեկամական խմբերի առանձնահատուկ դերը: Խմբակցության ղեկավարը երախտագիտություն է հայտնել շվեյցարական կողմին Հայաստանի համար կարեւոր եւ զգայուն հարցերում մշտապես աջակցելու համար:
Ընդգծելով, որ իրենք տարածաշրջանում խաղաղության կողմնակից են` Սեյրան Օհանյանը, այնուամենայնիվ, անհամաձայնություն է հայտնել մի շարք հարցերում իշխանությունների վարած արտաքին եւ ներքին քաղաքականության առնչությամբ: Նա դեսպանի ուշադրությունն է հրավիրել Ադրբեջանում ապօրինի պահվող եւ անհետ կորած համարվող անձանց խնդրին, Լեռնային Ղարաբաղից տեղահանված հայերի վերադարձի իրավունքի իրացմանը:
Անդրեա Բարբարա Բաումանը եւս ընդգծել է, որ խորհրդարանական համագործակցության մակարդակում եւ հարաբերությունների ընդլայնման հարցում կշարունակվեն քայլեր ձեռնարկվել: Դեսպանն ընդգծել է, որ իրենք աջակցում են խաղաղության գործընթացին եւ ներկայացրել իր երկրի կառավարության դիրքորոշումը, ըստ որի՝ պետք է պաշտպանել Հայաստանի եւ Ադրբեջանի ինքնիշխանությունը միջազգային իրավունքի շրջանակում:
Մտքեր են փոխանակվել Հայաստանում ընթացող ժողովրդավարական գործընթացների, առաջիկայում կայանալիք խորհրդարանական ընտրությունների, Ադրբեջանում պահվող անձանց վերադարձի, Հայաստանի եւ Ադրբեջանի հարաբերությունների ու արտաքին եւ ներքին մի շարք մարտահրավերների շուրջ:
Հայաստանի Հանրապետությունում Շվեյցարիայի Համադաշնության արտակարգ եւ լիազոր դեսպան Անդրեա Բարբարա Բաումանի հետ հանդիպել է նաեւ ԱԺ «Պատիվ ունեմ» խմբակցության քարտուղար Տիգրան Աբրահամյանը: Խմբակցության քարտուղարը կարեւորել է Հայաստանի եւ Շվեյցարիայի միջեւ խորհրդարանական մակարդակում եւ տարբեր ոլորտներում հարաբերությունների զարգացումը:
Հանդիպման ընթացքում քննարկվել են Հարավային Կովկասում վերջին զարգացումներին առնչվող հարցեր:
Տիգրան Աբրահամյանն իր դիտարկումներն է ներկայացրել Հայաստանի ներքին եւ արտաքին քաղաքականության վերաբերյալ, խոսել Ադրբեջանի եւ Թուրքիայի հետ հարաբերությունների կարգավորման գործընթացներից, կարեւորել Ադրբեջանում պահվող անձանց վերադարձը:
Շնորհակալություն հայտնելով ընդունելության համար՝ դեսպանը կարեւորել է Հայաստանի հետ համագործակցությունը: Անդրեա Բարբարա Բաումանը նշել է, որ Շվեյցարիայի կառավարությունն աջակցում է տարածաշրջանում խաղաղություն հաստատելու գործընթացին:
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
