Արմինֆո. Վարչապետ Նիկոլ Փաշինյանի և տասը խռովարար եպիսկոպոսների ստորագրած փաստաթուղթն իրավական ուժ չունի, հակասում է ՀՀ սահմանադրության 17-րդ հոդվածին և խախտում է պետության և Եկեղեցու տարանջատման սկզբունքը, ինչն անհնարին է դարձնում որևէ իրավաչափ հետևանքների առաջացումը: Այդ մասին Facebook-ի իր էջում գրել է փաստաբան Լևոն Բաղդասարյանը:
«Բազմիցս արձանագրել եմ, որ հաճախ իրավապաշտպաններն իշխանության այս կամ այն գործառույթների ժամանակ սպիտակ ագռավի կարգավիճակ են ձեռք բերում, երբ արձանագրում են պետական մարմինների կողմից իրավունքի խախտումներ։ Իսկ իշխանությունը, փոխարենն ականջալուր լինելու և ձեռնպահ մնալու, շարունակում է՝ բխող բոլոր իրավական հետևանքներով։ Ինքս ժամանակին բարձրաձայնել եմ եկեղեցի-իշխանություն հարաբերությունների հետ կապված, տվել եմ մասնագիտական կարծիք։ Ցավոք, մատնվել է անուշադրության։ Այնպիսի տպավորություն է, որ և եկեղեցու, և իշխանության այրերը, թողած իրենց բան ու գործը, պատրաստվում են ճակատամարտի՝ մանիպուլացնելով հավատավոր ժողովրդին, խաղալով այնպիսի զգայուն թեմայի շուրջ, ինչը վերաբերում է հավատին, որը բնական իրավունքի նորմ է։ Մեկ անգամ ևս դիմում եմ Հայաստանի կառավարությանը, ի դեմս Բարձր Դռանը, հորդորելովով ձեռնպահ մնալ ուղղակի կամ անուղղակի միջամտել ոչ իրեն վերաբերելի գործերին, որի հետագա հետևանքնռերի կրողն ու պատասխանատուն ինքն է լինելու։ Ավելին, դրանից օգտվելու են տարբեր մեծ ու փոքր վնասատուներ, ցնցելու են պետական համակարգը։ Ստորև ներկայացվող մասնագիտական գնահատականը ցանկալի է, որպեսզի քննարկվի իշխանական բուրգի մասնագետ իրավագետների կողմից և զեկուցվի Բարձր Դռանը։
"Աշխատանքային քարտեզ" իրավական եզրույթը՝ Հիմնական Օրենքով, ՀՀ օրենքներով,
ՀՀ կառավարության իրավական ակտերի համակարգում սահմանված չի որպես իրավական ակտի տեսակ։ Ուստի Վարչապետի և տասը բարձրաստիճան հոգևորականների կողմից ստորագրված փաստաթուղթը՝ չի հանդիսանում նորմատիվ իրավական ակտ, չի հանդիսանում անհատական վարչական ակտ, չի ստեղծում իրավական հետևանքներ,
ունի առավելագույնը քաղաքական կամ գաղափարական բնույթ։
Եզրակացություն․ փաստաթուղթը չունի իրավական ուժ։
ՀՀ Հիմնական Օրենքի Ուժով.
Հայ Առաքելական Սուրբ Եկեղեցին առանձնացված է պետությունից։ Սա նշանակում է, որ՝
պետական իշխանության որևէ մարմին կամ պաշտոնատար անձ չի կարող միջամտել Եկեղեցու ներքին կառավարմանը, չի կարող ազդել եկեղեցական բարձրագույն պաշտոնների ձևավորման կամ դադարեցման վրա, չի կարող մասնակցել այդ գործընթացների պլանավորմանը կամ համակարգմանը։
Վարչապետի մասնակցությունը նման փաստաթղթին հանդիսանում է՝ պետական իշխանության անմիջական ներգործություն կրոնական ինստիտուտի վրա։
Եզրակացություն․ առկա է Հիմնական Օրենքի խախտում։
Ամենայն Հայոց Կաթողիկոսը՝ չի հանդիսանում պետական պաշտոնյա, չի նշանակվում պետական մարմնի կողմից, չի ենթարկվում գործադիր իշխանությանը, հաշվետու չէ վարչապետին կամ կառավարությանը։
Կաթողիկոսի ընտրությունը և պաշտոնավարման դադարեցումը իրականացվում են բացառապես՝ Հայ Առաքելական Սուրբ Եկեղեցու կանոնական իրավունքի և Ազգային-եկեղեցական ժողովի միջոցով։
Ուստի՝ վարչապետի կամ որևէ պետական մարմնի մասնակցությունը այդ հարցին իրավասության բացակայության պայմաններում է։
Այն հանգամանքը, որ փաստաթուղթը ստորագրված է մի շարք հոգևորականների կողմից՝
չի փոխում փաստաթղթի իրավական բնույթը, չի վերացնում վարչապետի մասնակցության հակասահմանադրականությունը, չի փոխարինում Ազգային-եկեղեցական ժողովի լիազորություններին։
Բացի այդ, վարչապետի համատեղ ստորագրությունը փաստաթուղթը դարձնում է պետական իշխանության կողմից կրոնական կառույցի ներքին գործերին միջամտության ակտ։ Նման փաստաթուղթը հակասում է նաև՝ Կրոնի ազատության սկզբունքին, Կրոնական կազմակերպությունների ինքնավարության միջազգային ստանդարտներին, Մարդու իրավունքների եվրոպական կոնվենցիայի 9-րդ հոդվածին։ Հետևաբար, այն կարող է դառնալ միջազգային դատական և իրավական գնահատման առարկա։
Վարչապետի գլխավորությամբ և առանձին հոգևորականների կողմից ստորագրված
«աշխատանքային քարտեզ» անվանված փաստաթուղթը՝ չունի իրավական ուժ, հակասում է ՀՀ Սահմանադրության 17-րդ հոդվածին, խախտում է պետություն–եկեղեցի տարանջատման սկզբունքը, կազմում է պետական միջամտություն եկեղեցու ներքին գործերին, չի կարող առաջացնել որևէ իրավաչափ հետևանք ,իսկ դրանից կարող են օցտվել այնպիսի ուժեր, ովքեր թքած ունեն պետության ու պետականության վրա», - ընդգծել է Լևոն Բաղդասարյանը։
Հիշեցնենք, որ մայիսին Հայաստանի վարչապետը քարոզարշավ էր սկսել Հայ Առաքելական Եկեղեցու դեմ։ Այդ քարոզարշավի շրջանակում հունվարի 5-ի գիշերը վարչապետ Նիկոլ Փաշինյանը 10 խռովարար եպիսկոպոսների հետ ստորագրել է Հայ Առաքելական Եկեղեցու, այսպես կոչված, բարեփոխման ճանապարհային քարտեզ: "Ճանապարհային քարտեզը" բաղկացած է 5 կետից․ բարեփոխումների ծրագրի հրապարակային հայտարարում, գործող Կաթողիկոսի հեռացում, պատրիարքական աթոռի տեղապահի ընտրություն; եկեղեցու կանոնադրության ընդունում, որը պետք է սահմանի "սահմանված սկզբունքների պահպանման, ֆինանսական թափանցիկության և հոգևորականության պատշաճ վարքագծի ապահովման մեխանիզմներ", Ամենայն հայոց կաթողիկոսի ընտրություն ՝ "սահմանված ընթացակարգին համապատասխան": Նկատենք, որ, ՀՀ սահմանադրության համաձայն, Հայ Առաքելական Եկեղեցին անջատ է պետությունից և ունի հատուկ առաքելություն։
Իրավաբան. Նախնական արդյունքների համաձայն՝ Փաշինյանի կուսակցությունը չունի երկրի Սահմանադրությունը փոփոխելու համար անհրաժեշտ 2/3 մեծամասնությունը
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Քաղաքագետ. ընտրողների բավականին բարձր մասնակցությունը վկայում է այն մասին, որ Հայաստանի քաղաքացիներն ակտիվորեն և գիտակցաբար մասնակցում են երկրի ապագայի ձևավորմանը
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
