Արմինֆո. Հայաստանի վարչապետ Նիկոլ Փաշինյանը չի կարող վերարտադրվել 2026 թվականին՝ չդիմելով համատարած բռնաճնշումների։ Այդ մասին Երևանում կայացած մամուլի ասուլիսում հայտարարել է քաղաքագետ, "Դեմոկրատական այլընտրանք" կուսակցության առաջնորդ Սուրեն Սուրենյանցը:
Ինչպես նշել է քաղաքագետը, բռնաճնշումները դարձել են Հայաստանի քաղաքական կյանքում առավել տարածված երևույթ և միակ գործիքը, որի օգնությամբ Փաշինյանը փորձում է պահել իշխանությունը: Փաշինյանի հակաեկեղեցական արշավը, ներառյալ դեկտեմբերի 28-ին նախատեսվող ներխուժումը Մայր Աթոռ, ըստ փորձագետի, նույնպես տեղավորվում է այդ տրամաբանության մեջ: "Այսօր Հայ Առաքելական Եկեղեցին այն փոքրաթիվ կառույցներից է, որը չի գտնվում իշխանությունների ենթակայության տակ", - նշել է Սուրենյանցը:
Միևնույն ժամանակ, քաղաքական գործիչը կարծում է, որ նախընտրական գործընթացը երկրում հասել է իր կրիտիկական կետին, երբ ԵՄ արտաքին գործերի և անվտանգության քաղաքականության գծով ներկայացուցիչ Կայա Կալասը հայտարարել է, որ "Եվրամիությունում պատրաստ են աջակցել Հայաստանին 2026 թվականի ընտրություններին ընդառաջ Ռուսաստանի բխող հիբրիդային սպառնալիքների դեմ պայքարում": «Այսպիսով, Եվրամիության պաշտոնյաները, փաստորեն, աջակցել են Փաշինյանի բռնաճնշումներին, ինչը նրան հնարավորություն է տվել վերահաստատելու երկրում ընտրական ավտորիտարիզմը: Գործող իշխանության PR-ի ևս մեկ գործիք էր 2026 թվականի մայիսի 4-ին Հայաստանում Եվրոպական քաղաքական համայնքի 8-րդ գագաթնաժողովի անցկացման մասին հայտարարությունը", - կարծում է Սուրենյանցը։
Սակայն, քաղաքագետը համոզված է, որ դրան դեռ կարելի է հակազդել։ Փորձագետի խոսքով ՝ ընդդիմությունը ստեղծված պայմաններում պետք է ամեն ինչ անի, որպեսզի ապահովի ընտրողների 50 տոկոսից ավելի մասնակցություն ընտրություններին, այսինքն ՝ հասարակությանը դարձնի առաջիկա գործընթացների սուբյեկտ: "Եթե ընտրողների թիվը գերազանցի այդ շեմը, Մոլդովայի ընտրությունների սցենարը չի կրկնվի։ Չէ որ Փաշինյանը հույսը դրել է հենց ապատիկ և հույսը կորցրած հասարակության վրա, որը չի գնա ընտրությունների", - պարզաբանել է քաղաքագետը։
Սուրենյանցը նաև ենթադրել է, որ ընտրություններից առաջ սպասվում է մոտ 5 նշանակալի ընդդիմադիր կենտրոնների առաջացում: Նա կարծում է, որ ընտրությունները կարող են նպաստել այդ կենտրոնների հաամախմբմանը, թեև խոստովանել է, որ ընդդիմությունն առայժմ բավականաչափ ակտիվ քայլեր չի ձեռնարկում այդ ուղղությամբ, մինչդեռ, գործող իշխանությունն արդյունավետ է աշխատում:
"Որակական փոփոխությունների հասնելու համար ընդդիմությունը պետք է հաղթահարի իր ներքին հակասությունները, այդ թվում ՝ լուծի քաղբանտարկյալների ազատ արձակման հարցը և կանխի իշխանությունների հակաեկեղեցական արշավը։ Այս երկու բաղադրիչները կարևոր մարտահրավեր են օրինական և մրցակցային ընտրություններ անցկացնելու համար: Եթե այդ խնդիրները չլուծվեն, Փաշինյանի վերարտադրության հավանականությունը կմնա բարձր", - ամփոփել է Սուրենյանցը։
Հիշեցնենք, որ Հայաստանում հերթական խորհրդարանական ընտրությունները կանցկացվեն 2026 թվականի հունիսի 7-ին։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
