Նուբար Աֆեյան. մեծ աշխատանք է տարվում Ադրբեջանի բանտերում պահվող հայ ռազմագերիների խնդրի շուրջ

Արմինֆո.Մեծ աշխատանք է տարվում Ադրբեջանի բանտերում պահվող հայ ռազմագերիների խնդրի շուրջ։ Այդ մասին հոկտեմբերի 14-ին լրագրողներին հայտարարել է ամերիկահայ գործարար, Moderna կենսատեխնոլոգիական ընկերության համահիմնադիր Նուբար Աֆեյանը։

Նրա ասել՝ արդեն 2 տարի ակտիվ մշտական աշխատանք է տարվում ՝ ուղղված նրանց ազատ արձակմանը։ "Այլ երկրներ նույնպես փորձում են գտնել լուծում, հուսանք, որ արդարությունը կհաղթանակի", - ասել է Աֆեյանը, հույս հայտնելով, որ խաղաղության գործընթացի ընթացքում այդ խնդիրը կգտնի իր լուծումը։

Նշենք, որ, պաշտոնական տվյալներով, Բաքվում գերության մեջ է գտնվում 23 հայ, որոնց թվում ՝ Արցախի ռազմաքաղաքական ղեկավարության 8 նախկին ներկայացուցիչներ․ Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, արտաքին գործերի նախկին նախարար Դավիթ Բաբայանը, ինչպես նաև խորհրդարանի խոսնակ Դավիթ Իշխանյանը, Արցախի Պաշտպանության բանակի նախկին հրամանատար, գեներալ Լևոն Մնացականյանը, գեներալ Դավիթ Մանուկյանը և նախկին պետնախարար Ռուբեն Վարդանյանը: Նրանք գերեվարվել են 2023 թվականի սեպտեմբերի 19-20 - ը Լեռնային Ղարաբաղի Հանրապետության օկուպացումից հետո։ Այժմ նրանց նկատմամբ բեմադրված դատավարություններ են ընթանում՝ ալիևյան վարչակազմի կողմից