Թուրքիայում կսկսեն Հայաստանի Սյունիքի մարզով անցնող տրանսպորտային երթուղու գծերից մեկի կառուցումը

Արմինֆո.  Այսօր Թուրքիայում կդրվի Կարս-Իգդիր-Արալըք-Դիլուջու երկաթուղային գծի հիմքը, որը կդառնա Հայաստանի Սյունիքի մարզի տարածքով Ադրբեջանն իր էքսկլավ Նախիջևանին կապող երթուղու մի մասը։ Այդ մասին հաղորդում է CNN Turk-ը՝ հղում անելով Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուին։

Նախարարը նշել է, որ նոր գծի երկարությունը կկազմի մոտ 224 կմ և բաղկացած կլինի երկու ուղուց ՝ էլեկտրաֆիկացմամբ և ազդանշանային ժամանակակից համակարգերով, իսկ դրա թողունակությունը նախատեսված է տարեկան 5,5 միլիոն ուղևոր և 15 միլիոն տոննա բեռ տեղափոխելու համար:

Աղբյուրի համաձայն, նախագիծը ներառում է բարդ ինժեներական կառույցներ. հինգ թունել, կամուրջներ, վիադուկներ և տասնյակ անցումներ: Շինարարության ընդհանուր արժեքը գնահատվում է մոտ 110 մլրդ թուրքական լիրա, ընդ որում, միջոցների մի մասն ապահովված է 2,4 մլրդ եվրո արտաքին վարկի հաշվին: Գիծը նախատեսվում է շահագործման հանձնել 2029 թվականի վերջին։

Ադրբեջանաթուրքական տանդեմի կողմից Հայաստանի հարավով արտատարածքային միջանցք ստանալը ՝ որպես ռազմավարական տրանսպորտային զարկերակ, որը Նախիջևանով միացնում է Ադրբեջանը Թուրքիային և ապահովում ելք դեպի եվրասիական երթուղիներ, Բաքվի և Անկարայի առանցքային խնդիրներից է ։