Սամվել Կարապետյանի կալանքի ժամկետը երկարացնելու միջնորդություն է ներկայացվել

Արմինֆո.  "Տաշիր գրուպի" նախագահ Սամվել Կարապետյանի կալանքի ժամկետը երկարացնելու միջնորդություն է ներկայացվել: Այդ մասին հաղորդում է Սամվել Կարապետյանի պաշտպանության խորհուրդը:

Նշվում է, որ միջնորդության քննությունը տեղի կունենա օգոստոսի 14-ին, ժամը 17:00-ին՝  ՀՀ հակակոռուպցիոն դատարանում:

Հիշեցնենք, որ բարերար եւ "Տաշիր" ընկերությունների խմբի նախագահ Սամվել Կարապետյանը ձերբակալվել էր հունիսի 18-ի գիշերը Երեւանում Հայաստանի իրավապահ մարմինների կողմից՝ այն բանից հետո, երբ Հայ Առաքելական Եկեղեցուն աջակցություն էր հայտնել: Դրան ի պատասխան՝ բացահայտ սպառնալիքներ էին հնչել վարչապետի կողմից։ Հունիսի 19-ի գիշերը Երևանի ընդհանուր իրավասության դատարանը երկու ամսով կալանավորել է Սամվել Կարապետյանին: Նա պահվում է "Երևան - Կենտրոն" ՔԿՀ-ում (հայտնի "ՊԱԿ-ի նկուղը" ՝ ԱԱԾ շենքում) ։ Նրան մեղադրում են երկրում իշխանությունը զավթելու հրապարակային կոչերի համար։ Դրան հաջորդել է "Տաշիր" ԸԽ-ին պատկանող ՀԷՑ-ի ազգայնացմանն ուղղված օրենսդրական փոփոխությունների փաթեթի ընդունումը ՀՀ ԱԺ-ի կողմից, իսկ հուլիսի 18-ին ՀԾԿՀ նախագահի որոշմամբ Ռոմանոս Պետրոսյանը նշանակվել է ՀԷՑ-ի ժամանակավոր կառավարիչ՝ վարչական վարույթի և ՀԷՑ-ի նկատմամբ կանխարգելիչ միջոցառումների կիրառման շրջանակներում: Պետրոսյանի լիազորությունները կպահպանվեն մինչև վարչական վարույթի արդյունքների մասին ակտի ուժի մեջ մտնելը:

Հուլիսի 16-ին Կարապետյանի պաշտպանական կողմը հաղորդել էր, որ քրեական վարույթը կարճելու և

կալանքը վերացնելու փոխարեն, հայտնի գործարար և բարերար Սամվել Կարապետյանին վերջերս ակնհայտ անհիմն նոր մեղադրանք է առաջադրվել ՝ առանց որևէ տվյալների "մի քանի ընկերությունների գործունեության արդյունքում փողերի լվացման" համար: