Փաշինյանը «տոռմուզներ» չունի։ Միակ ճանապարհն իմփիչմենթն է. Աբրահամյան

Արմինֆո.  Ազգային ժողովի "Պատիվ ունեմ" խմբակցության քարտուղար Տիգրան Աբրահամյանը գործող վարչապետ Նիկոլ Փաշինյանին անվստահություն հայտնելու հարցը համարում է ներքաղաքական փակուղուց դուրս գալու միակ ելքը:

«Փաշինյանի կառավարման ուժը քաոսն է, քաղաքական ամայությունն ու անբովանդակությունը և նա անընդհատ փորձելու է պրոցեսներն այդ դաշտ տանել: Այդ հարթության մեջ իրեն դիմադրելն ու հաղթելը շատ դժվար է, որովհետև չունի սկզբունքներ և «տոռմուզներ»:

Կառավարությանն այս տապալումների կասեցման հիմքում հանրային-քաղաքական կոնսեսուսն ու համերաշխությունը պետք է դառնա` հիմքում ունենալով օրակարգ, ծրագիր և ծանր աշխատանք:

ՀՀԿ-ն այս փուլում այդ ամենը տեսնում է կառավարությանն անվստահության հայտնելու շրջանակներում, ինչը նշանակում է, որ դաշտի մյուս ակտորներն ունեն 2 ճանապարհ. կա´մ քաղաքական քննարկումներ սկսել դրա շուրջ` համախմբման հրամայականով, կա´մ առաջարկել ներընդդիմադիր այլ օրակարգ:

3-րդ ճանապարհը սպասելն է, մաշվելն է ու քայքայվելն է` ճանապարհ հարթելով գործող կառավարչի վերընտրմանը», - գրել է Աբրահամյանը՝ «Ֆեյսբուքի» իր էջում:

Հիշեցնենք, որ հունիսի 7-ին ՀՀ 3-րդ նախագահ Սերժ Սարգսյանի օրոք կառավարող Հայաստանի հանրապետական կուսակցությունը (ՀՀԿ)՝ ի դեմս ՀՀ Ազգային ժողովի "Պատիվ ունեմ" ընդդիմադիր խմբակցության (ԱԺ 6 պատգամավոր) իմփիչմենթի գործընթացի շրջանակում վարչապետի թեկնածու էր առաջադրել Արարատի մարզի Մասիս համայնքի ղեկավար, ՀՀԿ խորհրդի անդամ Դավիթ Համբարձումյանին:

Ընդդիմադիր "Հայաստան" խմբակցությունը հայտարարել է, որ իրենք պատրաստ են 28 ստորագրություն տրամադրել, եթե ի լրումն համապատասխան ձևաթղթի ստորագրմանը զուգահեռ փողոցային պայքար սկսեն: "Որպեսզի մենք արձանագրենք արդյունք, այլ ոչ թե 34 ստորագրությամբ փաստաթուղթ, որն առանց այդ էլ ունեցել ենք անցած 4 տարիների ընթացքում։ Ուստի, մենք մեր գործընկերներին ("Պատիվ ունեմ" - ից) առաջարկել ենք ջանքերը կենտրոնացնել անհրաժեշտ քանակությամբ ստորագրություններ հավաքելու համար", - ավելի վաղ նշել էր "Հայաստան" խմբակցության պատգամավոր, ՀՅԴ Գերագույն մարմնի ներկայացուցիչ Իշխան Սաղաթելյանը:

Նշենք, որ գործող վարչապետին անվստահություն հայտնելու հարցը ԱԺ-ում կարող է քննարկվել միայն այն դեպքում, եթե առնվազն 36 պատգամավոր ներկայացնի գործընթացը սկսելու համար անհրաժեշտ ստորագրությունները: Ընդդիմադիր երկու խմբակցությունները ("Հայաստան" և "Պատիվ ունեմ") միասին կազմում են 34 պատգամավոր ։ Եվս չորսն ունեն անկախ կարգավիճակ։ Կառավարության ղեկավարին անվստահություն հայտնելու համար իմփիչմենթի օգտին պետք է քվեարկի 107 պատգամավորներից առնվազն 54-ը:

Միեւնույն ժամանակ, ավելի վաղ անկախ պատգամավոր Հովիկ Աղազարյանը հայտարարել էր, որ ինքը և Հակոբ Ասլանյանը (նույնպես անկախ, նախկինում "Քաղաքացիական պայմանագրի" պատգամավոր, ինչպես Աղազարյանը-խմբ.) չեն պաշտպանելու Համբարձումյանի թեկնածությունը, քանի որ իրենք էլ ունեն իրենց թեկնածուն ՝ Փաշինյանի հատուկ հանձնարարություններով նախկին դեսպան Էդմոն Մարուքյանը: Վերջինս հունիսի 27-ին հայտարարել էր Նիկոլ Փաշինյանին անվստահության քվեի շրջանակներում Միքայել արքեպիսկոպոս Աջապահյանի օգտին իր թեկնածությունը չառաջադրելու պատրաստակամության մասին ։ Սակայն ինքը ՝ Աջապահյանը, ՔԿ շենքում հայտնվելուց հետո հրաժարվել է առաջադրել իր թեկնածությունը։