Արմինֆո. Արցախ վերադառնալու համար կա երկու կարեւորագույն հանգամանք. առաջինը՝ պահպանել արցախահայության միասնությունը, անկախ նրանից, թե որտեղ է նա ապրում, երկրորդը՝ ամեն գնով պահել Արցախի պետականությունը: Այդ մասին հայտարարել է Արցախի թեմի առաջնորդ Վրթանես Աբրահամյանը՝ Արցախի կառավարության անդամների հետ հանդիպմանը:
Ինչպես հաղորդում է Արցախի թեմի մամուլի ծառայությունը, մայիսի 20-ին Հայ Առաքելական Եկեղեցու(ՀԱԵ) Արցախի թեմի (ԱԹ) առաջնորդ գերաշնորհ Տեր Վրթանես եպիսկոպոս Աբրահամյանի նախաձեռնությամբ և թեմական խորհրդի անդամների մասնկացությամբ կայացել է հանդիպում ԱՀ կառավարության անդամների հետ։ Ներկա էին ԱՀ պետնախարար Արամ Սարգսյանը, տարբեր գերատեսչությունների ղեկավարներ, ներկայացուցիչներ, հրավիրյալներ։
Ողջունելով ներկաներին՝ Տեր Վրթանես եպիսկոպոս Աբրահամյանը Տերունական աղոթքով սկսեել է իր խոսքը։ Շնորհակալություն հայտնելով հրավերն ընդունելու համար՝ Վրթանես եպիսկոպոս Աբրահամյանը կարևորել է նման հանդիպումները, ընդգծելով, որ եկեղեցին միշտ եղել է պետության կողքին և գործել հանուն մեր ազգային պետականության։ Սրբազանը իր խոսքում ընդգծել է նաև 2 կարևորագույն հանգամանք՝ մեր առաքելությունը՝ տունդարձը, իրականացնելու ճանապարհին․ առաջինը՝ պահպանել արցախահայության միասնությունը՝ անկախ նրանից, թե որտեղ է նա ապրում, երկրորդը՝ ամեն գնով պահել մեր պետականությունը։
Արցախի թեմի թեմական խորհրդի անդամ, Արցախի թեմի գրասենյակի ղեկավար Մելանյա Բալայանը ներկայացրել է Արցախի թեմի գրասենյակի կազմավորման նախապատմությունը, մասնավորապես, նշելով, որ գրասենյակը իր գործունեությունը սկսել է 2024 թ․ հունիսից՝ Վրթանես եպիսկոպոս Աբրահամյանի նախաձեռնությամբ և «Դիալոգ» կազմակերպության ղեկավար Յուրի Նավոյանի աջակցությամբ։ Ստեղծման պահից գրասենյակը ձեռնամուխ է եղել մի շարք կարևոր ու արդիական ծրագրերի իրականացմանը։ Գրասենյակն ունի արտաքին կապերի, պատմամշակութային ժառանգության պահպանության և տեղեկատվական քարոզչական բաժիններ։ Այս ընթացքում արդեն իսկ իրականացվել են մի շարք ծրագրեր։ Շուտով Մայր Աթոռի համապատասխան սրահում կբացվի «Արցախ․ վտանգված ժառանգություն» թեմայով ցուցահանդես՝ նախատեսված ՀՀ-ում օտարերկրայ դեսպանների, միջազգային համապատասխան կառույցների ներկայացուցիչների և պատմամշակութային ժառանգության պահպանությամբ շահագրգիռ ու մտահոգ բոլոր կազմակերպությւոնների ու անհատների համար։ «Դիալոգ» կազմակերպության հովանավորությամբ հրատարակության է ներկայացված նաև ցուցահանդեսը բովանդակող պատկերագիրքը, որ նաև Արցախի թեմի մատենաշարի առաջին գիրքն է։
Մ. Բալայանը ընդգծել է նաև, որ «Դիալոգ» կազմակերպության ղեկավար Յուրի Նավոյանի աջակցությամբ սկսում են Արցախի թեմի մատենաշար։ Առաջիկայում կհրատարակվի նաև «Աղվանից կաթողիկոսական նստավայրերը» եռալեզու աշխատությունը։
Ներկայացվել են նաև ինչպես նախատեսված, այնպես էլ արդեն իսկ իրականացվող մի շարք ծրագրեր, որոնք միտված են արցախցիների ինչպես կրթամշակութային ու սոցիալական խնդիրներին, այնպես էլ տունդարձի վերջնական նպատակին, որոնց իրականացումը հնարավոր կդառնա միայն համատեղ ուժերով։
ԱՀ պետնախարար Ա․ Սարգսյանն իր խոսքում, երախտագիտություն հայտնելով Արցախի թեմի առաջնորդին՝ հանդիպման նախաձեռնման և արցախահայությանը մտահոգող հարցերի շուրջ քննարկման համար, իր հերթին ևս կարևորել է հետագա համագործակցությունը ավելի գործնական դարձնելու անհրաժեշտությունը։
Արցախի թեմի խորհրդի ատենապետ Լեռնիկ Հովհաննիսյանը անդրադարձել է թեմի գործունեությանը, նախկին և ներկա խնդիրներին, ընդգծելով, որ թեմի աշխատանքներին արտերկրի մեր հայրենակիցների, բարեկամների մասնակցությունը ևս կարևոր է ու ցանկալի։
ԱԹ խորհրդի անդամ Արմինե Ալեքսանյանը նույնպես անդրադարձել է Արցախի մշակութային ժառանգության միջազգային համապատասխան հարթակներում ոչ միայն քննարկումների նյութ դարձնելու, այլև դատական գործընթացներ սկսելու անհրաժեշտությանը։ Ըստ Ա․ Ալեքսանյանի՝ պատմամշակութային ժառանգության պահպանման համար կա երկու ուղղություն՝ դատական և տարբեր կառույցների հետ համագործակցելով։
ԱԹ խարհրդի անդամ ԱՀ արտաքին գործերի նախկին նախարար Կարեն Միրզոյանը կարևորել է Արցախի պետական ինստիտուտների պահպանությունը, որը ոչ թե ինքնանպատակ է, այլ կենսական անհրաժեշտություն։
Եղել են այլ ելույթներ ևս։ Ամփոփելով հանդիպումը, Արցախի թեմի առաջնորդը ընդգծել է համատեղ աշխատանքներ իրականացնելու կարևորությունը, որը միտված է արցախահայության խնդիրների լուծմանը։ Հանդիպումն ավարտվել է Տերունական աղոթքով և օրհնանքի խոսով։
Փորձագետ. Այսօր մենք խոսում ենք ոչ թե խաղաղության, այլ Հայաստանի կողմից Ադրբեջանի ցանկությունների ցանկի իրականացման գործընթացի մասին
Փորձագետ․ Չի կարելի խոսել խաղաղության մասին, քանի դեռ Հայաստանի և Ադրբեջանի միջև համաձայնագիր չի ստորագրվել և չի վավերացվել
Քաղաքագետ. TRIPP-ի Իրանի սահմանին մոտ լինելը կարող է դանդաղեցնել դրա իրականացումը
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
"Բաքվում արժանի հակահարված ենք տվել մեր ժողովրդի անցյալի և ներկայի մասին ստահոդ պնդումներին". Արցախի խորհրդարանի նախկին խոսնակը` Բաքվի բանտից
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
