Սկսվել է մրցավազք "առաջին ընդդիմադիրի" կոչման համար. Հայկ Կոնջորյանը՝ վարչապետին անվստահության նախաձեռնության մասին

Արմինֆո.Ազգային ժողովի "Քաղաքացիական պայմանագիր" խմբակցության ղեկավար Հայկ Կոնջորյանը վարչապետ Նիկոլ Փաշինյանին անվստահություն հայտնելու "Արթուն ենք" շարժման նախաձեռնությունը համարում է ընդդիմադիր կուսակցությունների թայֆայամոլություն  և մրցավազք "լավագույն ընդդիմադիրի" կոչման համար: Նա նաև բացառում է այդ նախաձեռնությանը կառավարող խմբակցության պատգամավորների միանալը։

<Դա միանգամայն անիմաստ օրակարգ է։ Նույնիսկ "Հայաստան" խմբակցության ղեկավարը հայտարարեց, որ վարչապետ Նիկոլ Փաշինյանին անվստահություն հայտնելու որևէ հիմք չկա։ Ես հակված եմ կարծելու, որ ընդդիմության ներսում մրցավազք է սկսվել, որի նպատակն է հաշվեհարդար տեսնել միմյանց հետ և միմյանց պարտադրել որոշակի քաղաքական գործընթացներ ՝ այդպիսով իրեն ներկայացնելով որպես լավագույն ընդդիմադիր կուսակցություն։ Թող մրցեն իրենց մրցավազքում, տեսնեն՝ ով է առջևում, ով ՝ հետևում", - ասել է Կոնջորյանը՝ մայիսի 7-ին խորհրդարանում կայացած ճեպազրույցի ժամանակ։

Կառավարող խմբակցության պատգամավորի կարծիքով՝ որքան մոտենում են ընտրությունները, այնքան ավելի ակտիվորեն են ընդդիմադիրները պայքարելու միմյանց դեմ, պարզելու համար, թե նրանցից ով է ավելի ընդդիմադիր:

Ընդ որում, Կոնջորյանը Նիկոլ Փաշինյանին համարում փայլուն կառավարիչ. <Ես համոզված եմ, որ բոլոր երկրներում, բոլոր կառավարիչները, բոլոր կառավարություններն ունենում են ինչպես հաջողություններ, այնպես էլ դժվարությունները։ Եւ մենք մշտապես զբաղվում ենք ինքնավերլուծությամբ>, - ասել է նա:

Ավելի վաղ հասարակական ակտիվիստներ Էդգար Ղազարյանը և Նարեկ Մալյանը նամակներ էին հղել ԱԺ բոլոր պատգամավորներին ՝ կոչ անելով նախաձեռնել ՀՀ վարչապետ Նիկոլ Փաշինյանին անվստահություն հայտնելու գործընթաց, որը սկսելու համար նրանց անհրաժեշտ է 36 պատգամավորի ստորագրություն: Հայաստանի օրենսդիր մարմնի երկու ընդդիմադիր խմբակցությունների ("Հայաստան" և "Պատիվ ունեմ") պատգամավորների ընդհանուր թիվը 34 է: "Հայաստան" խմբակցությունը հայտարարել է, որ պատրաստ է միանալ գործընթացին, եթե նախաձեռնողները ապահովեն բացակայող ձայներն ու ժողովրդական աջակցությունը: