Հայաստանի քաղաքացիներին չի ոգևորել Փաշինյանին անվստահություն հայտնելու նախաձեռնությունը . հարցում

Արմինֆո. Հայաստանի քաղաքացիներին չի ոգևորել  գործող վարչապետ Նիկոլ Փաշինյանին անվստահություն հայտնելու նախաձեռնությունը։ Այդ մասին են վկայում MPG  խորհրդատվական ընկերության "ՔաղաքաՏփարան" խորագրով հարցման արդյունքները։

Այդ նախաձեռնության նկատմամբ վերաբերմունք արտահայտելու խնդրանքին ի պատասխան՝ հարցվածների 30% - ը նշել է, որ խիստ բացասական է վերաբերվում, 14.2% - ը՝ ավելի շուտ բացասական, 21% - ը՝ դրական, 37% - ը՝ ավելի շուտ դրական, ևս 17.9% - ը դժվարացել է պատասխանել:

Ընդ որում, հարցին, թե որն է Փաշինյանին իշխանությունից հեռացնելու ամենաարդյունավետ ճանապարհը, 36.4%-ը պատասխանել է՝ արտահերթ ընտրությունների անցկացում, 29.8%-ը՝ Փաշինյանի հրաժարականը, 10.1% - ը՝ փողոցի միջոցով, 5% - ը՝ իմփիչմենթ, 16.9%-ն ասել է, որ Փաշինյանը չպետք է հեռանա, 3.1% - ն այլ պատասխան է տվել, 7.6% - ը դժվարացել է պատասխանել։

Ընդ որում, հարցին, թե ում կտային իրենց ձայնը, եթե ԱԺ ընտրություններ կայանային առաջիկա կիրակի, հարցվածների 11.5%-ը նշել է Նիկոլ Փաշինյանի "Քաղաքացիական պայմանագիր", 8%-ը՝ Ռոբերտ Քոչարյանի "Հայաստան" դաշինք, 3,7%-ը՝ Սերժ Սարգսյանի  "Պատիվ ունեմ" դաշինք, 3,2%-ը՝ Գագիկ Ծառուկյանի  "Բարգավաճ Հայաստան" կուսակցություն, 2,9%-ը՝ բլոգեր Վարդան Ղուկասյանի ԴՕԿ կուսակցությունը, 2.2%-ը՝  ՀՅԴ, 23.7% - հայտարարել են, որ չեն մասնակցելու ընտրություններին, 18,5%-ը դժվարացել են պատասխանել, 6.4%-ը հրաժարվել են պատասխանել, 4.5%-ը հայտարարել են քվեաթերթիկը փչացնելու մտադրության մասինը, 5.5% - ը դեմ է բոլորին, 3.1%-ը՝ այլ կարծիք, եւս մի խումբ կուսակցություններ ստացել են 2% - ից պակաս աջակցություն։

Ինչպես պատմել է MPG-ի ղեկավար, սոցիոլոգ Արամ Նավասարդյանը, Փաշինյանի կուսակցության վարկանիշն աննշան նվազել է, մինչդեռ, Քոչարյանի կուսակցության վարկանիշը բավականինբաարձրացել է: Սակայն, ըստ սոցիոլոգի, իրական պատկերը կերևա ընտրություններից 2-3 ամիս առաջ։

Նշենք, որ հարցումն իրականացվել է Հայաստանի Հանրապետության բնակիչներին հեռախոսազանգերի միջոցով՝ այս տարվա ապրիլի 29 - ից միչեւ մայիսի 2-ն ընկած ժամանակահատվածում, ընտրանքի ծավալը կազմել է 1100, ընտրանքի սխալանքը ՝ + / - 3%:

2011 թվականին MPG - ն դարձել աշխարհում հասարակական կարծիքի ուսումնասիրման ամենահեղինակավոր և անկախ կազմակերպություններից մեկի՝ Gallup միջազգային ասոցիացիայի պաշտոնական ներկայացուցիչը Հայաստանում: 2003 թվականից ի վեր MPG-ն, աշխատելով սոցիոլոգիական և մարքեթինգային հետազոտությունների շուկայում, իրականացրել է տարբեր մասշտաբի ավելի քան 800 նախագիծ: