Երևանի քաղաքապետը՝ Նոր Նորքի թաղապետարանում տեղի ունեցած միջադեպի մասին. պետք է սահմանել վարքագծի նորմեր մեր թիմի համար

Արմինֆո.   Մեզ համար անընդունելի է ռնության ցանկացած դրսևորում ՝ ինչպես ֆիզիկական, այնպես էլ բանավոր՝ վիրավորանքի, սադրանքի տեսքով։ Այդ մասին մայիսի 5-ին հայտարարել է քաղաքապետ Տիգրան Ավինյանը՝ քաղաքապետարանի աշխատանքային նիստի ժամանակ, մեկնաբանելով վերջերս Նոր Նորքի թաղապետարանում տեղի ունեցած միջադեպը թաղապետ Տիգրան Տեր-Մարգարյանի եւ ակտիվիստ Արթուր Չախոյանի մասնակցությամբ։

"Երևանի քաղաքապետարանի յուրաքանչյուր աշխատակից, հատկապես, վարչական շրջանների ղեկավարները, որոնք տվյալ շրջանում քաղաքապետի ներկայացուցիչներն են, պարտավոր են ցանկացած պարագայում ցուցաբերել զսպվածություն", - ասել է քաղաքապետը:

Այս առումով Ավինյանը նշել է իր թիմի համար վարքագծային օրենսգրքի հաստատման անհրաժեշտությունը։ Նշելով, որ սադրանքները կյանքի անբաժանելի մասն են լինելու տեխնոլոգիաների դարաշրջանում, հատկապես, հաշվի առնելով  Տիկ-Տոկ հարթակում հիթ ստեղծելու շատերի մոլուցքը, նա նշել է իրեն զսպելու ունակության կարևորությունը:

Միաժամանակ, քաղաքապետը նշել է, որ չի պարտավորվում գնահատականներ տալ, քանի որ այդ ամենը դրված է քրեական հետաքննության և դատարանի վրա:

Նա նշել է, որ քաղաքապետարանը մանկապարտեզների հետ կապված 100-ից ավելի նախագիծ ունի, որոնցից 40-ն արդեն ավարտվել են, 4-5-ը խնդրահարույց են, որոնք, նրա հավաստմամբ, անպայման կկարգավորվեն: "Դեռ չի եղել դեպք, որ քաղաքապետարանն ընդունի նախագիծ, որը պատշաճ չի կատարվել", - նշել է Ավինյանը։ Ընդ որում, նա ընդգծել է, որ ակտիվիստի կողմից նման արարքը սադրանք է, քանի որ Նոր Նորք վարչական շրջանի ղեկավարը որևէ կապ չունի այդ խնդրահարույց նախագծերի, աշխատանքների ընդունման հետ: <Ամեն օր ինչ-որ մեկը վիրավորում է ինձ, իմ թիմի անդամներին, բայց մենք չենք գնում նրանց ծեծելու։ Նման մոտեցումը չի կարող լինել մեր վարքագծի կանոնագիրքը", - ասել է Ավինյանը։

Նոր Նորք վարչական շրջանի ղեկավար Տիգրան Տեր-Մարգարյանն էլ համաձայնել է, որ տեղի ունեցածը բավական տհաճ տեսարան էր: <Եվ, կարծում եմ, որ որպես վարչական շրջանի ղեկավար չպետք է տեղի տար սադրանքի։ Ես պետք է զսպվածություն ցուցաբերեի, ցավում եմ կատարվածի համար և ներողություն եմ խնդրում քաղաքապետից և մեր հասարակությունից։ Վստահեցնում եմ, որ այսքանից հետո ես՝ ինքս, բազմաթիվ հետեւություններ եմ արել", - նիստի ընթացքում նշել է Տեր - Մարգարյանը։

Նշենք, որ օրեր առաջ ակտիվիստ Արթուր Չախոյանը Երևանի քաղաքապետարանի ավագանու "Մայր Հայաստան" խմբակցության անդամ Մեսրոպ Մանուկյանի հետ ուղիղ եթեր էին մտել Երևանի մանկապարտեզներից մեկի տարածքում, որի բարեկարգման համար քաղաքապետարանը 300 մլն դրամ էր հատկացրել: Սակայն աշխատանքներն անորակ են կատարվել։ Նման եթերից հետո Տիգրան Տեր-Մարգարյանը հեռախոսազրույցում վիրաավորանք էր հնչեցրել Արթուր Չախոյանի հասցեին, ինչը նա ինքն է հաստատել լրատվամիջոցներից մեկին տված հարցազրույցում, հավելելով, որ ամենևին չի զղջում ասածի համար։ Տեր-Մարգարյանը, միաժամանակ, նշել էր, որ Չախոյանի և Մեսրոպյանի կողմից արվածը սադրանք է, քանի որ քաղաքապետարանը դեռևս ակտ չի ընդունել այդ աշխատանքների վերաբերյալ, համապատասխանաբար, միջոցները դեռ չեն փոխանցվել, քանի որ շինարարների հետ կապված որոշակի խնդիրներ կան:

Հնչեցված վիրավորանքներից հետո Չախոյանը Մեսրոպյանի հետ ակցիա էին իրականացրել և Տեր-Մարգարյանի պատկերով պաստառի վրա յոգուրթ լցրել: Այնուհետև ակտիվիստը ցանկություն էր հայտնել թաղապետի հետ ԶԼՄ - ների ներկայությամբ սեղանի շուրջ քննարկել մանկապարտեզին առնչվող իրավիճակը՝ ներկայանալով Նոր Նորքի թաղապետարան: Սակայն աշխատակիցները հայտարարել էին, որ Չախոյանն իր արարքով վիրավորել է իրենց բոլորին, ինչի արդյունքում լեզվակռիվ էր սկսվել, որը վերաճել էր ծեծկռտուքի. մի քանի աշխատակիցներ հարձակվել են Չախոյանի վրա, որոնց միացել էր նաև թաղապետ Տիգրան Տեր-Մարգարյանը։ Արդյունքում՝ Չախոյանը հոսպիտալացվել է Գրիգոր Լուսավորիչ բժշկական կենտրոն։ Հարուցվել է քրեական գործ։