Արմինֆո. Կառավարությունն այսօրվա նիստում հվանություն է տվել «Աղետների նկատմամբ դիմակայուն ենթակառուցվածքի կոալիցիայի» (ԱԴԵԿ) կանոնադրությունը վավերացնելու մասին» ՀՀ օրենքի նախագծին:
Ինչպես նշվում է փաստաթղթի հիմնավորման մեջ, Աղետների նկատմամբ դիմակայուն ենթակառուցվածքի կոալիցիան (ԱԴԵԿ) գլոբալ գործընկերություն է, որը նպատակ ունի բարելավել ենթակառուցվածքային համակարգերի դիմակայունությունը կլիմայի փոփոխության և աղետների ռիսկերի հանդեպ, ինչն ուղղակիորեն կապված է աղետների ռիսկի նվազեցման (այսուհետ՝ ԱՌՆ) Սենդայի գործողությունների շրջանակային ծրագրի իրագործման հետ։ Այն աջակցում է կայուն զարգացման նպատակների իրագործմանը՝ ամրացնելով ծառայությունների մատչելիությունը և նվազեցնելով ռիսկերը։ Այս առումով, այն անմիջական առնչություն ունի ԱՌՆ-ի ազգային ռազմավարության և նրա գործողությունների ծրագրում ներառված միջոցառումների որակյալ և արդյունավետ իրականացման հետ։
ԱԴԵԿ-ն ընդգրկում է ազգային կառավարություններ, ՄԱԿ-ի գործակալություններ, մասնավոր հատված, գիտական և կրթական հաստատություններ։ ԱԴԵԿ-ի գործունեությունը ղեկավարվում է Հնդկաստանի Նյու Դելիում գտնվող քարտուղարության միջոցով, որն աջակցում է ռազմավարական ծրագրերի իրագործմանը, ներառյալ տեխնիկական աջակցություն, հետազոտություններ և կարողությունների զարգացում։
ԱԴԵԿ-ն առանձնահատուկ կարևորություն է տալիս այն սկզբունքներին, որոնք ուղղված են ամենախոցելի բնակչությանը, ազգային ու տեղական առաջնահերթություններին և ռիսկերի համակողմանի նվազեցմանը։ Այն կազմակերպում է համաշխարհային մակարդակի գիտելիքների փոխանակում, աջակցում տեխնոլոգիական նորարարություններին և նպաստում կլիմայի փոփոխության դեմ պայքարին։
ԱԴԵԿ-ի կառավարման համակարգը ներառում է ղեկավարների խորհուրդը, գործադիր կոմիտեն և քարտուղարությունը։ ԱԴԵԿ-ի ֆինանսավորումն իրականացվում է անդամ պետությունների և բազմակողմ դոնորների միջոցով, ներառյալ քարտուղարության և հավատարմագրային հիմնադրամների միջոցով։
ԱԴԵԿ-ն իրականացնում է տարբեր ծրագրեր՝ ներառյալ տեխնիկական աջակցության, հետազոտությունների, քարոզչական արշավների և գործընկերային համագործակցությունների խթանում։ Այս գործողությունները նպատակ ունեն մեծացնել դիմակայունությունն աղետների դեմ և աջակցել անդամ երկրներին ենթակառուցվածքի կայունացման գործում։
Հիմնված լինելով ՄԱԿ-ի գլխավոր քարտուղարի ԱՌՆ հարցերով հատուկ ներկայացուցիչ պարոն Կամալ Կիշորի անմիջական մասնակցությամբ՝ այս համեմատաբար երիտասարդ կոալիցիան աղետների ռիսկի կառավարման և դիմակայուն ենթակառուցվածքների ստեղծման ուղղությամբ բացառիկ հարթակ է, որին միանալու Հայաստանի Հանրապետության կողմից ստացված առաջարկը պարոն Կիշորը սատարել է 2024 թվականի նոյեմբեր ամսին Մոնտենեգրոյի Բուդվա քաղաքում ԱՌՆ Եվրոպայի և Կենտրոնական Ասիայի տարածաշրջանային պլատֆորմի ընթացքում։ Ավելի վաղ, Կորեայի Ինչեոն քաղաքում ԱՌՆ ֆինանսավորման գործիքակազմերի վերաբերյալ ՄԱԿ-ի ԱՌՆ գրասենյակի կազմակերպած դասընթաց-աշխատաժողովի ժամանակ Հայաստանի Հանրապետության պատվիրակության ներկայացուցիչներին ԱԴԵԿ-ի ներկայացուցիչները ներկայացրել են աշխատանքային հիմնական գործիքակազմերը, ճշգրիտ տվյալների հավաքագրման, մշակման, նորարարական մոտեցումների կիրառման արդյունավետ համակարգերը, որոնք կարող են հայաստանյան ԱՌՆ գործընթացների համար լինել և ուսանելի, և կիրառելի՝ միաժամանակ լայն հնարավորություններ ստեղծելով գիտատեխնիկական համագործակցության և ենթակառուցվածքների բարելավման համար։
Հաշվի առնելով, որ ԱԴԵԿ-ին միացած անդամների ներդրումները կամավոր են և կարող են իրականացվել նաև ոչ ֆինանսական ձևաչափով՝ ժամանակակից ԱՌՆ մարտահրավերների համատեքստում Հայաստանի Հանրապետությունը անդամակցությունը գտնում է նպատակահարմար։
Քաղաքագետ․ Ձայների իրական վերահաշվարկը Փաշինյանին կզրկի ցանկացած տեսակի սահմանադրական մեծամասնությունից
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
