Թբիլիսիում ներկայացվել են Վրաստանի, Հայաստանի և Ադրբեջանի ԱԳ փոխնախարարների հանդիպման մանրամասները

Արմինֆո.Վրաստանի ԱԳՆ-ը ներկայացրել են Վրաստանի, Հայաստանի և Ադրբեջանի փոխարտգործնախարարների հանդիպման մանրամասները:

Վրաստանի ԱԳՆ հաղորդագրության  համաձայն,  հանդիպման նախաձեռնողներն են Վրաստանի արտաքին գործերի նախարար Մակա Բոչորիշվիլին, Հայաստանի արտաքին գործերի նախարար Արարատ Միրզոյանը և Ադրբեջանի արտաքին գործերի նախարար Ջեյհուն Բայրամովը:

Ինչպես հաղորդում է գերատեսչությունը, հանդիպումը բացել է Վրաստանի արտաքին գործերի նախարար Մակա Բոչորիշվիլին, այնուհետեւ այն շարունակվել է փակ ձևաչափով՝ Ադրբեջանի, Վրաստանի և Հայաստանի փոխարտգործնախարարների մակարդակով:

"Հանդիպումը վարում են Վրաստանի փոխարտգործնախարար Լաշա Դարսալիան, Ադրբեջանի փոխարտգործնախարար Էլնուր Մամեդովը և Հայաստանի փոխարտգործնախարար Վահան Կոստանյանը ։ Հանդիպման հիմնական նպատակը երեք երկրների տեսակետների և կարծիքների փոխանակումն է հնարավոր ուղղությունների վերաբերյալ, որոնք կարող են հիմք դնել եռակողմ համագործակցության գործընթացի համար:

Այս հանդիպումն ուղղված է ընդհանուր շահերի փոխանակմանը, ինչը հետագայում կնպաստի երկրների միջև փոխշահավետ գործնական եռակողմ համագործակցության զարգացմանը, ինչն էլ, իր հերթին, կնպաստի տարածաշրջանի բարեկեցությանը, կայունությանը և կայուն զարգացմանը: Այսօրվա եռակողմ հանդիպումը չի հակասում եւ չի փոխարինում համագործակցության արդեն գոյություն ունեցող ձեւաչափերից ոչ մեկին, այլ իրենից ներկայացնում է երեք հարեւան երկրների լրացուցիչ ջանքերը կառուցողական եւ փոխշահավետ փոխգործակցություն ձեւավորելու համար", - հայտարարել են Վրաստանի ԱԳՆ-ում, հաղորդում է Վրաստանի Առաջին ալիքը