Ապրիլի 18-19-ը Երևանում կանցկացվեն Ղազախստանի Հանրապետության մշակույթի օրերը Հայաստանի Հանրապետությունում

Արմինֆո.2025 թվականի ապրիլի 18-19-ը Երևանում կանցկացվեն Ղազախստանի Հանրապետության մշակույթի օրերը Հայաստանի Հանրապետությունում։

Ինչպես ԱրմԻնֆո-ին հաղորդել են Հայաստանի Հանրապետությունում Ղազախստանի Հանրապետության դեսպանությունից, Ղազախստանի Հանրապետության մշակույթի օրերի շրջանակում Երևանում կանցկացվեն Ղազախական կինոյի օրեր։

Ղազախական կինոփառատոնի պաշտոնական բացումը տեղի կունենա 2025 թվականի ապրիլի 18-ին՝ ժամը 16:00-ին, «Մոսկվա» կինոթատրոնում (հասցե՝ Խ. Աբովյան փողոց, 18):

«Ձեր ուշադրությանը կներկայացվեն ժամանակակից ղազախական կինեմատոգրաֆիայի լավագույն ֆիլմերը, որոնք արտահայտում են ղազախ ժողովրդի հարուստ պատմությունը, ավանդույթներն ու արժեքները։

Ֆիլմերի ցուցադրության ժամանակացույցը՝ ապրիլի 18-ին.

Ժամը 16:00 – 17:50 – պատմական դրամա՝ «Ղազախական խանություն. Ոսկե գահ»։

Ժամը 19:00 – 19:10 – մուլտֆիլմ՝ «Ինչու ծիծեռնակի պոչը եղջյուրի նման է»։

Ժամը 19:10 – 20:50 – ֆիլմ՝ «Կանգ առ, գիշեր»։

Ֆիլմերի ցուցադրության ժամանակացույցը՝ ապրիլի 19-ին.

Ժամը 16:00 – 16:10 – մուլտֆիլմ՝ «Ինչու ծիծեռնակի պոչը եղջյուրի նման է»։

Ժամը 16:10 – 18:00 – ֆիլմ՝ «Հայրենասերների ժամանակը»։

Ժամը 19:00 – 19:10 – մուլտֆիլմ՝ «Ինչու ծիծեռնակի պոչը եղջյուրի նման է»։

Ժամը 19:10 – 21:00 – ֆիլմ՝ «Բերկուտ»։

Համոզված ենք, որ այս միջոցառումը, որի նպատակն է հետագա խորացնել մեր երկրների միջև մշակութային կապերը, հրաշալի հնարավորություն կլինի Ղազախստանին ավելի մոտիկից ճանաչելու համար։

Սիրով սպասում ենք ձեզ։ Մուտքն ազատ է», - ասվում է դեսպանության հաղորդագրությունում։

Ղազախստանի մշակույթի օրերի շրջանակում տեղի կունենա Գալա համերգ (ապրիլի 19-ին՝ ժամը 19:00-ին, Արամ Խաչատրյանի անվան համերգասրահում):  Միջոցառմանը կմասնակցեն Ղազախստանի և Հայաստանի Հանրապետությունների մշակույթի վաստակավոր գործիչներ, արվեստի վարպետներ և հայտնի կատարողներ։ Տեղի կունենա Ղազախստանի ժամանակակից արվեստի լավագույն երաժշտական և պարային համարների ներկայացում։

Ապրիլի 19-ին՝ ժամը 10:00-ին, Ավան վարչական շրջանի Ալմաթի փողոցում տեղի կունենա Աբայ Կունանբայուլիի անվան այգու բացման հանդիսավոր արարողություն. միջոցառմանը կմասնակցեն Ղազախստանի Հանրապետության մշակույթի և տեղեկատվության նախարարության, Հայաստանի կրթության, գիտության, մշակույթի և սպորտի նախարարության, ինչպես նաև Երևանի քաղաքապետարանի ներկայացուցիչները։

Հյուրերի ուշադրությանը կներկայացվեն համերգային ծրագիր, ազգային մշակույթի տարրեր և Ղազախստանի ավանդական ուտեստներ։

«Համոզված ենք, որ այս միջոցառումները հրաշալի հնարավորություն կտան ավելի լավ ճանաչելու Ղազախստանը և կնպաստեն մեր երկրների միջև մշակութային համագործակցության հետագա զարգացմանն ու ամրապնդմանը։ Սիրով սպասում ենք ձեզ։ Մուտքն ազատ է», -  ընդգծվում է հաղորդագրությունում։