Արցախի օմբուդսմեն. Հայաստանի Կառավարությունն Արցախի բնակչությանը զրկել է ՀՀ քաղաքացիությունից  

Արմինֆո. Հայաստանի կառավարությունը, փաստորեն, Արցախի 120 հազար տեղահանված բնակչությանը զրկել է Հայաստանի քաղաքացիությունից։ Այդ մասին հայկական ԶԼՄ-ների հետ հարցազրույցում հայտարարել է Արցախի մարդու իրավունքների պաշտպան, իրավապաշտպան Գեղամ Ստեփանյանը, հղում անելով կառավարության որոշմանը, որի համաձայն, արցախցիները կամ "նորովի" քաղաքացիություն են ընդունում, կամ ստանում են ժամանակավոր պաշտպանության կարգավիճակ:

Ընդ որում, ինչպես նշել է Ստեփանյանը, արցախցիները Հայաստան են մուտք գործել 070 կոդով ՀՀ անձնագրերով և բազմիցս այդ նույն անձնագրով դիմել են օտարերկրյա հյուպատոսություններ վիզա ստանալու համար՝ առ այսօր չբախվելով խնդիրների: Անդրադառնալով արցախցիների կողմից ՀՀ իշխանությունների այդ պահանջը կատարելուց հրաժարվելու մյուս պատճառներին՝ Ստեփանյանը պարզաբանել է, որ, հաշվի առնելով հայրենիք վերադառնալու իրական հեռանկարների բացակայությունը, 070 կոդով անձնագիրը միակ փաստաթուղթն է, որը կապում է Արցախի բնակչությունը հայրենիքի հետ ։ Իրավապաշտպանը միաժամանակ ուշադրություն է հրավիրել այն հանգամանքի վրա, որ դրա հետ է կապված նաև կառավարության ծրագրով բնակարանների ձեռք բերման հավաստագրեր ստանալու համար դիմումների քիչ քանակը:

Ինչպես շարունակել է Ստեփանյանը, շատ արցախցիներ այսօր նույնպես բախվում են Երևանում բնակարան գտնելու դժվարությունների՝ շուկայական բարձր արժեքի պատճառով: Սակայն, նա ուշադրություն է հրավիրեց այն հանգամանքի վրա, որ արցախցիներն ի վիճակի չեն տեղափոխվել այլ շրջաններ, քանի որ հիմնական աշխատաշուկան կենտրոնացած է հենց մայրաքաղաքում: "Արցախցիների մի մասը, հնարավոր է, կարողանա բնակարան ձեռք բերել գյուղական վայրերում, սակայն մոտ 60 տոկոսն արդեն աշխատանք է գտել և ինտեգրվել Երևանում կամ մոտակա մարզերում", - նշել է Ստեփանյանը։

Բացի այդ, նրա ասելով, արցախցիների մեծ մասը խնդիրների բաախվում բանկային ոլորտում։ Իրավապաշտպանը պարզաբանել է, որ Ադրբեջանի կողմից Արցախի շրջափակման ժամանակ արցախցիներն ի վիճակի չեն եղել վճարել վարկերը, ինչի պատճառով հայտնվել են "սև ցուցակներում"։ Այդ առնչությամբ նա ուշադրություն է հրավիրել այն հանգամանքին, որ բնակարանային հավաստագրեր ստացած 900 մարդուց ընդամենը 100 արցախցիներ են կարողացել օգտվել դրանցից։ "Պատճառը հենց այն է, որ մարդիկ բանկային "սև ցուցակներում" են և չեն կարողանում օգտվել այդ հավաստագրերից", - պարզաբանել է Արցախի օմբուդսմենը:

Այս համատեքստում Ստեփանյանը նշել է, որ, ընդհանուր առմամբ, այս փուլում բնակարանային ծրագրի շահառու է 4000 մարդ, որոնք հավաստագիր ստանալու համար պետք է ընդունեն ՀՀ քաղաքացիություն: Բայց կառավարությունը կրճատում է ֆինանսական օգնությունը ավելի քան 50 հազար մարդու համար, ովքեր կարող են մնալ առանց վարձակալության:

Ստեփանյանի խոսքով՝ ակնհայտ է, որ արցախցիները շահագրգռված են իրենց խնդիրների շուտափույթ լուծմամբ և բնակարանների ձեռք բերմամբ, սակայն դրա համար անհրաժեշտ է վերանայել կառավարության ծրագիրը: <Մենք բազմիցս առաջարկել ենք բոլոր 52 000 արցախցիներին չզրկել օգնությունից։ Բացառություն կարող են կազմել միայն փախստականներից նրանք, ովքեր արդեն հաջողությամբ ինտեգրվել են և բարձր եկամուտներ են ստանում։ Իսկ մնացածներին անհրաժեշտ է երկարաձգել ֆինանսական օգնությունը՝ մինչև բնակարանային հարցի լուծումը", - նշել է Արցախի օմբուդսմենը։