Եվրախորհրդարանում բարձր են գնահատում Ադրբեջանի հետ խաղաղության պայմանագրի ավարտին ուղղված Հայաստանի ջանքերը

Արմինֆո. Եվրոպական խորհրդարանում քվեարկության է դրվել երկու փաստաթուղթ՝ 2024 թվականին ընդհանուր արտաքին և անվտանգության քաղաքականության իրականացման մասին տարեկան զեկույցը, որը պատրաստել է Եվրախորհրդարանի պատգամավոր Դեյվիդ Մք՝Ալիսթերը, և 2024 թվականին անվտանգության և պաշտպանության ընդհանուր քաղաքականության իրականացումը՝ Եվրախորհրդարանի պատգամավոր Նիկոլաս Պասկուալ դե լա Պարթեի հեղինակությամբ։

Երկու փաստաթղթերում էլ հղումներ կան նաև Հայաստանին։ Զեկույցներում, մասնավորապես, հաստատվում է եվրոպացի խորհրդարանականների սկզբունքային դիրքորոշումը Հայաստանի վերաբերյալ ։ Փաստաթղթերում բարձր են գնահատվում Հայաստանի ջանքերը Ադրբեջանի հետ խաղաղության պայմանագրի կնքման ուղղությամբ։ Դրանք նաև պահանջում են Ադրբեջանից պաշտպանել Լեռնային Ղարաբաղի հայկական մշակութային և կրոնական ժառանգությունը և ազատ արձակել 23 հայ պատանդներին: Եվրախորհրդարանի պատգամավորները կոչ են անում պատժել բոլոր նրանց, ովքեր սպառնում են Հայաստանի տարածքային ամբողջականությանը: