Հայաստանի իշխանությունները գաղափարական հիմք են ստեղծում իրենց պաշտոնավարումը երկարաձգելու համար․Աշոտյան

Արմինֆո.Ակնհայտ է, որ ՀՀ վարչապետ Նիկոլ Փաշինյանը ցանկանում է գաղափարական հիմք ստեղծել իր իշխանության ժամկետը երկարաձգելու և Հայաստանը թուրքական աշխարհին վաճառելու համար: Այս մասին փետրվարի 4-ին լրագրողներին հայտարարել է ՀՀԿ փոխնախագահ Արմեն Աշոտյանը։

Նա նշել է, որ, ելնելով Փաշինյանի ՝ ԱՄՆ-ում մամուլի ասուլիսի ժամանակ և ավելի վաղ արած հայտարարություններից, կարելի է եզրակացնել, որ երկրում փորձ է արվում գաղափարական հիմք ստեղծել ներկայիս վարչապետի պաշտոնավարումը երկարաձգելու համար։

Խոսելով Եվրամիությանն անդամակցելու Հայաստանի ձգտման մասին՝ քաղաքական գործիչը հիշեցրել է այդ կառույցի հետ Ադրբեջանի առավել քան ակտիվ համագործակցության մասին: Նա նշել է, որ մի քանի օր առաջ Վերակառուցման և զարգացման եվրոպական բանկն Ադրբեջանի հետ ստորագրել է մի ծրագիր, որը գնահատվում է միլիարդավոր դոլարներ: Իրենց հերթին՝ ԵՄ պաշտոնյաները նախօրեին հայտարարել են 2025 թվականին Բաքվի հետ էներգետիկ ոլորտում համագործակցության բուռն զարգացման նախագծի մասին։ «ԵՄ-ը պատժամիջոցներ է սահմանել մարդու իրավունքները խախտող անձանց նկատմամբ: Վստահ եմ, որ այդ ցուցակում Բաքվի ներկայացուցիչներ չկան։ Ավելին, ԵՄ կառույցներից մեկը կսկսի ավելի ակտիվ զբաղվել Արևելյան գործընկերության երկրներով։ Հայաստանն այդ ցուցակում Բելառուսի և Ադրբեջանի հետ է, այնպես որ գնացեք եւ մտածեք", - հայտարարել է Արմեն Աշոտյանը։

Հիշեցնենք, որ սեպտեմբերի 11-ից Աշոտյանը կալանքի տակ է, իսկ մինչ այդ նա մոտ 1,5 տարի անցկացրել է մեկուսարանում: Քաղաքական գործչին արգելվում է շփվել որևէ մեկի հետ, բացի իր հարազատներից և մմմերձաավորներից:

Նշենք, որ Աշոտյանին մեղադրում են կրթության և գիտության նախարար եղած ժամանակ Երևանի բժշկական համալսարանում, որտեղ նա հոգաբարձուների խորհրդի նախագահն էր, յուրացումներ կատարելու մեջ ։ Ինքը ՝ քաղաքական գործիչը, հերքում է բոլոր մեղադրանքները ՝ տեղի ունեցածը համարելով քաղաքական հալածանք ։