Մետրոյի վագոնները վնասած խուլիգանները ձերբակալվել են

Արմինֆո. Փետրվարի 1-ի երեկոյան Երեւանի մետրոյի վագոնները վնասած մի խումբ քաղաքացիներ ձերբակալվել են։ Այդ մասին Երեւանի քաղաքապետ Տիգրան Ավինյանին զեկուցել է Երեւանի մետրոպոլիտենի ղեկավարի պաշտոնակատար Բաբկեն Սեդրակյանը՝ փետրվարի 3-ին քաղաքապետարանի աշխատանքային նիստի ընթացքում:

Մասնավորապես, նշվել է, որ փետրվարի 1-ին, ժամը 21:12-ին արտակարգ իրավիճակ է եղել Երևանի մետրոպոլիտենում: Ուղևորներից մեկը սեղմել է մետրոյի վթարային կանգառի բռնակը՝ "Սասունցի Դավիթ" կայարանից դեպի "Զորավար Անդրանիկ" կայարան ընթացող վագոնում: Մինչ մեքենավարը դիսպետչերին զեկուցում էր տեղի ունեցածի մասին, դիմակավորված 5 անձինք վագոններն ներկ են փչել՝ դրսի կողմից։

 Սեդրակյանը հաղորդել է, որ խուլիգանության փաստի առնչությամբ հարուցվել է քրեական գործ, իսկ խուլիգանները ձերբակալվել են՝ Ազգային անվտանգության ծառայության, մետրոպոլիտենի իրավապահների և Քննչական կոմիտեի ջանքերի շնորհիվ արդեն:

Նշենք, որ ՀՀ ներքին գործերի նախարարության հաղորդագրության համաձայն՝ խուլիգաններն օտարերկրյա քաղաքացիներ են, որոնք ձերբակալվել են Բագրատաշենի սահմանային անցակետը հատելու փորձի ժամանակ: