Վաշինգտոնից և Փարիզից կոչ են անում Ադրբեջանին պատասխանատվության ենթարկել հայերի նկատմամբ դատավարության համար

Արմինֆո.Ժամանակն է, որ Պետդեպարտամենտը պատասխանատվության ենթարկի ադրբեջանական ռեժիմին մարդու իրավունքների խախտումների համար։ Այս մասին Twitter-ի իր միկրոբլոգում գրել է ամերիկացի կոնգրեսական Ադամ Շիֆը։

Նա հիշեցրել է, որ Ադրբեջանում հայ քաղաքական բանտարկյալները կանգնած են փակ դատավարության առջև: "Ոչ մի պատշաճ իրավական ընթացակարգ։ Ոչ մի մամուլ: Ժամանակն է, որ Պետդեպարտամենտը պատասխանատվության ենթարկի ադրբեջանական ռեժիմին մարդու իրավունքների խախտումների համար", - նշել է Շիֆը։

Իրավիճակը Twitter-ում մեկնաբանել է նաև ֆրանսիական հեղինակավոր Le Figaro ամսագրի փոխտնօրեն, լրագրող Ժան-Քրիստոֆ Բյուիսոնը, ով նշել է, որ այս երկուշաբթի՝ հունվարի 27-ին, Բաքվի ռազմական դատարանում կսկսվի Արցախի/ Լեռնային Ղարաբաղի նախկին պետական նախարար Ռուբեն Վարդանյանի նկատմամբ անարդար դատավարությունը ՝ առաջին նիստը հետաձգելուց հետո:

"Հավանաբար, ոչ ՀԿ-ները, ոչ լրագրողները, ոչ էլ օտարերկրյա դիվանագետները չեն կարողանա ներկա գտնվել", - նշել է լրագրողը:

Նա նաև հավելել է, որ չբավարարվելով, որ ադրբեջանական դրոշը ծածանվում է Արցախի/Լեռնային Ղարաբաղի հայկական հողերի վրա, Ալիևը Ադրբեջանի արյունոտ դրոշը փակցնում է ֆրանսիական հողի վրա ՝ Նումեայում:

Միևնույն ժամանակ, նա Ֆրանսիայի արտգործնախարարին կոչ է արել պայքարել ադրբեջանական այդ միջամտության դեմ ։ "Այս միջամտության դեմ պետք է պայքարել այլ կերպ, քան պարոն Ժան-Նոել Բարրոյի մեկ վիրավորած թվիթով",-գրել է Բյուիսոնը: