Խորհրդարանական ընդդիմության դիրքորոշումը տարակուսանք է հարուցում. ԱԺ փոխխոսնակ

Արմինֆո.Տարակուսանք է հարուցում խորհրդարանական ընդդիմության դիրքորոշումը Հայաստանի Ազգային ժողովի վավերացմանը ներկայացված Հայաստանի և Ադրբեջանի միջև պետական սահմանի մասին կանոնակարգի վերաբերյալ։ Այդ մասին հոկտեմբերի 22-ին խորհրդարանի ամբիոնից հայտարարել է ԱԺ փոխնախագահ Ռուբեն Ռուբինյանը։

"Հաճախ ենք լսում, որ ներկայացված օրենքը հակասահմանադրական բնույթ է կրում, որ կան ռիսկեր, որոնք կապված են Բաքվի կողմից փաստաթուղթը չվավերացնելու հետ և այլն: Բայց, եթե այդպես է, ապա ինչու՞ Բաքուն չպետք է վավերացնի այդ փաստաթուղթը",- հարց է ուղղել փոխխոսնակը։

Նա նշել է նաև, որ անընդունելի է փաստաթուղթը վերապահումներով վավերացնելու հնարավորությունը, քանի որ նման վերապահումներ կիրառվում են միջազգային պայմանագրերի և կոնվենցիաների նկատմամբ։

Այդ առնչությամբ ԱԺ "Հայաստան" խմբակցության քարտուղար Արծվիկ Մինասյանն ուշադրություն է հրավիրել այն փաստի վրա, որ երկրի խորհրդարանի ղեկավարների հիմնավորումները համապատասխանում են Ադրբեջանի իշխանությունների հայտարարություններին։ Մինասյանը հիշեցրել է, որ ժամանակին Հայաստանի վարչատարածքային բաժանման մասին օրենքի ընդունմանը կողմ էր քվեարկել նաև ՀՀ ներկայիս վարչապետ Նիկոլ Փաշինյանը: "Հարց. Նիկոլ Փաշինյանը, երբ 2014 թվին, լինելով ԱԺ պատգամավոր, կողմ է քվեարկել այդ փաստաթղթի ընդունմանը, այն ժամանակ կարծու՞մ էր, որ Արցախը Հայաստան է, և վերջ։ Եթե այո, դա նշանակում է, որ արդեն այն ժամանակ ներկայիս վարչապետը մտածում էր, թե ինչպես թողնել Արցախը Ադրբեջանի կազմում։ Իսկ եթե ոչ, ապա կաառավարող խմբակցության ներկայացուցիչների բոլոր թեզերը, պարզապես, փլուզվում են", - նշել է ընդդիմադիրը, հավելելով, որ երկրի իշխանությունների գործողությունները հակաիրավական բնույթ են կրում ։ Այդ իսկ պատճառով խմբակցությունը չի մասնակցի ներկայացված փաստաթղթի նախագծի քննարկումներին և քվեարկությանը ։

Քննարկումներին չմասնակցելու իր մտադրության մասին հայտարարել է նաև խորհրդարանական մեկ այլ ընդդիմադիր ուժ ՝ "Պատիվ ունեմ" խմբակցությունը, ինչի մասին տեղեկացրել է խմբակցության ղեկավար Հայկ Մամիջանյանը։

Օգոստոսի 30-ին Երևանն ու Բաքուն ստորագրել են պետական սահմանի սահմանազատման և սահմանագծման հանձնաժողովների համատեղ գործունեության մասին դրույթը: Կանոնակարգն ընդունվել է ՀՀ կառավարության սեպտեմբերի 5-ի նիստում: Այն, մասնավորապես, նախատեսում է սահմանազատման աշխատանքների կազմակերպում, համապատասխան փաստաթղթերի ընդունում, պետական սահմանի հատման արձանագրություն-նկարագրի կազմում, համապատասխան մասշտաբի սահմանազատման քարտեզի կազմում, ինչպես նաև փորձագիտական խմբերի աշխատանք: Նշվում է նաև, որ դրույթը և դրա հիման վրա ընդունվելիք փաստաթղթերը կլրացնեն սահմանազատման աշխատանքների լիարժեք ընթացքն ապահովելու իրավական հիմքերը ։ Կանոնակարգը նախատեսում է պետական սահմանի մասին պայմանագրի ստորագրումից հետո երկու երկրների միջև ընթացակարգային հարցերի կարգավորում: Սեպտեմբերի 26-ին Հայաստանի Սահմանադրական դատարանը կանոնակարգը ճանաչել է ՀՀ սահմանադրությանը համապատասխանող ։