Արմինֆո. "Տավուշը հանուն հայրենիքի" շարժումն իր զորակցությունն է հայտնել ադրբեջանական գերության մեջ ապօրինի պահվող Արցախի ռազմաքաղաքական ղեկավարությանը: Այդ մասին սեպտեմբերի 19-ին "Եռաբլուր" զինվորական պանթեոնում հայտարարել է "Տավուշը հանուն հայրենիքի" շարժման առաջնորդ Բագրատ Գալստանյանը՝ լրագրողների հետ զրույցում:
Վերջինս իր կողմնակիցների հետ եկել էր պանթեոն՝ հարգանքի տուրք մատուցելու մեկ տարի առաջ ի պաշտպանություն Արցախի գլուխ խոնարհածների հիշատակին։
"Այս օրը լցված է ցավով, ամոթով և խայտառակությամբ։ Մենք պետք է մաքրենք մեր կյանքը այս ամոթից և խայտառակությունից: Մեր զորակցությունն ենք հայտնում ապօրինի գերության մեջ գտնվող մեր հայրենակիցներին, մեր եղբայրներին և Արցախի ռազմաքաղաքական ղեկավարությանը: Նրանք դարձել են Ադրբեջանի իշխանությունների հետ Հայաստանի ղեկավարության հանցավոր համագործակցության պատանդ", - ընդգծել է Սրբազանը։
Նա նաև դատապարտել է միջազգային հանրությանը՝ անտարբերության և քաղաքական ինտրիգների համար, որոնք հանգեցրել են Բաքվի բանտերում հայերի անօրինական պահման: "Մենք միայն մեկ ճանապարհ ունենք։ Մենք պետք է նրանց վերադարձնենք տուն և հայրենիք վերադառնալու հնարավորություն ստեղծենք բոլորիս համար։ Թող Աստված ուժ տա մեր ժողովրդին, որ այս օրերին, երբ մեզնից գողացան ուրախությունը, պատիվը, պատմությունը, մենք մեր մեջ գտնենք բավարար ուժ և հնարավորություն ՝ վստահությամբ և հաստատուն հավատով տոնելու մեր հաղթանակը", - եզրափակել է Սրբազանը:
Հիշեցնենք, որ 2023 թվականի սեպտեմբերի 19-ին Ադրբեջանը "հակաահաբեկչական գործողության" պատրվակով հերթական ագրեսիան ձեռնարկեց Արցախի նկատմամբ։ Ողջ միջազգային հանրության անգործության ֆոնին՝ միայնակ մնալով թվով տասնյակ անգամ գերազանցող թշնամու առջեւ, Արցախը սեպտեմբերի 20-ին ընկավ։ Թշնամու ագրեսիայի հետևանքով հարյուրավոր արցախցիներ վիրավորվեցին, այդ ժամանակ հաղորդվում էր ավելի քան 200 զոհի մասին, այդ թվում ՝ խաղաղ բնակիչների շրջանում: Ադրբեջանը սկսեց ԼՂՀ բռնազավթումը։ Սեպտեմբերի 22-ին սկսվեց Արցախի պաշտպանության բանակի լուծարման գործընթացը: Սեպտեմբերի 21-24-ը որոնողական աշխատանքների ընթացքում ԼՂՀ ՆԳՆ-ն հայտնաբերել էր 105 արցախցու, այդ թվում ՝ դաժանաբար սպանված երեխաների և ծերերի դիակներ: Արցախն ամբողջությամբ հայաթափվեց, նրա ողջ բնիկ բնակչությունը՝ ավելի քան 120 հազար մարդ, ֆիզիկական հաշվեհարդարի սպառնալիքի տակ ստիպված էր փախչել Հայաստան։
Հավելենք նաև, որ զանգվածային արտագաղթի ժամանակ՝ սեպտեմբերի 25-ին, Ստեփանակերտի մոտակայքում վառելիքի պահեստում պայթյունի հետևանքով զոհվել է 218 մարդ, առնվազն, 120 մարդ ստացել է տարբեր աստիճանի մարմնական վնասվածքներ, հիմնականում, այրվածքների տեսքով: Այս պահի դրությամբ, քննության տվյալներով, 21 մարդու գտնվելու վայրն անհայտ է։
2020 թվականի աշնանը սկսված թշնամու ագրեսիայից հետո, որը 2023 թվականի սեպտեմբերին ավարտվեց Արցախի ամբողջական էթնիկ զտմամբ, ավելի քան 150 հազար արցախցիներ դարձան անօթևան։
Նշենք, որ մինչ օրս հայտնի չէ ադրբեջանական բանտերում պահվող հայ ռազմագերիների և պատանդների ճշգրիտ թիվը ։ Փորձագետների գնահատմամբ՝ նրանք մի քանի հարյուր են ։ Ադրբեջանական գերության մեջ պահվող անձանց թվում են նաև Արցախի ռազմաքաղաքական ղեկավարության նախկին և գործող 8 ներկայացուցիչներ. Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, արտաքին գործերի նախկին նախարար Դավիթ Բաբայանը, ինչպես նաև խորհրդարանի խոսնակ Դավիթ Իշխանյանը, Արցախի Պաշտպանության բանակի նախկին հրամանատար, գեներալ Լևոն Մնացականյանը, գեներալ Դավիթ Մանուկյանը և նախկին պետնախարար Ռուբեն Վարդանյանը:
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Կոբախիձե. Վրաստանը Հայաստանին եւ Ադրբեջանին առաջարկում է տարածաշրջանային համագործակցության ձեւաչափ՝ հարաբերությունների կարգավորման համար
Ինչպե՞ս է պատկերացնում Քամալա Հարիսը հայերի, այսպես կոչվող, արժանապատիվ վերադարձն Արցախ. Հակոբ Բադալյան
ՀՅԴ. Ադրբեջանի հետ սահմանագծման մասին դրույթը հակասահմանադրական է
Քամալա Հարիս. Լեռնային Ղարաբաղի հայերի՝ իրենց տներ վերադառնալու իրավունքը վճռորոշ նշանակություն ունի հայ ժողովրդի արժանապատվության վերականգնման և տարածաշրջանում կայունության համար
Հայաստանն ու Թուրքիան հայտարարել են առանց նախապայմանների հարաբերությունների կարգավորման գործընթացը շարունակելու պատրաստակամության մասին
Երևանի և Մոսկվայի կառուցողական երկխոսությունը բխում է երկու ժողովուրդների շահերից. Պուտինի և Միշուստինի ուղերձը Փաշինյանին
Աշխարհում չկա մի երկիր կամ ռազմական դաշինք, որը կարող է ապահովել ՀՀ անվտանգությունը, իսկ օկուպացված տարածքները Երևանին կհաջողվի վերադարձնել բանակցությունների ճանապարհով. վստահեցնում է Փաշինյանը
Փաշինյանը համոզված է. հայ ժողովուրդը շատ վաղուց է կատարել իր ընտրությունը՝ հօգուտ Իրական Հայաստանի
Արցախի Հանրապետության խորհրդարանի «մահվան» մասին լուրերը խիստ չափազանցված են. ԼՂ ԱԺ խոսնակի պաշտոնակատարը պատասխանել է Ալեն Սիմոնյանին
ՀՀ ԱԺ հանձնաժողովի նախագահը՝ արցախցիներին իրենց տներ վերադարձնելու մասին. խաղաղության պայմանագրի կնքումն առաջնային է
Փաշինյան. Արցախցիների վերադարձը Լեռնային Ղարաբաղ հակասում է Հայաստանի Հանրապետության պետական շահերին
Ադրբեջանին հրավիրել են Կազանում կայանալիք BRICS գագաթնաժողովին
Արդարադատության նախկին նախարարին կանչել են Գլխավոր դատախազություն
Սեպտեմբերին ԵՄ-ին Հայաստանի անդամակցության համար ստորագրահավաք կսկսվի. Արամ Սարգսյան
