Պետք է տարբերել այն, ինչ տեղի է ունենում իրական աշխարհում, և այն, ինչ պարտադրվում է մեդիայի տեղեկատվական օրակարգում.  Ալեքսեյ Օվերչուկ

Արմինֆո. Մենք տեսնում ենք, թե ինչպես է աճում և զարգանում  Հայաստանի տնտեսությունը, այն ցույց է տալիս ՀՆԱ-ի աճի լավագույն տեմպերը Եվրասիական տնտեսական միությունում։ Այդ մասին հայտարարել է ՌԴ փոխվարչապետ Ալեքսեյ Օվերչուկը՝ Լոռու մարզի Ախթալա կայարանում տեղի ունեցած ճեպազրույցի ժամանակ։

"Մենք՝ բոլորս, հասկանում ենք, որ նման տնտեսական հաջողություններն, առաջին հերթին, ապահովված են Եվրասիական տնտեսական միության հետ ինտեգրացիոն կապերի շնորհիվ", - հայտարարել է Օվերչուկը:

Այդ առնչությամբ նա ընդգծել է Ռուսաստանի և Հայաստանի միջև երկկողմ հարաբերությունների կարևորությունը ։ <ՀՀ վարչապետ Նիկոլ Փաշինյանի հետ հանգամանալից քննարկեցինք մեր երկկողմ օրակարգը, տնտեսական արդյունքները, ՌԴ-ի և Հայաստանի միջև ապրանքաշրջանառությունը, որն աճում է: Անցյալ տարի այն կազմել է 7.3 մլրդ դոլար, այս տարի առաջին կիսամյակում գերազանցել է 8.4 մլրդ դոլարը ։ Դա հսկայական պլյուս է", - նշել է Ռուսաստանի փոխվարչապետը։

Օվերչուկը նաև ուշադրություն է հրավիրել 2024 թվականի մայիսին տեղի ունեցած մեծ ջրհեղեղից հետո երկաթուղային գծի հաջող վերականգնման վրա: <Այստեղ, ՀԿԵ-ի, Ռուսական երկաթուղիների ուժերով, Հայաստանի իշխանությունների և տեղական իշխանությունների լիակատար աջակցությամբ, հսկայական գործ է արվել։ Ռեկորդային կարճ ժամանակահատվածում հաջողվել է վերականգնել երկաթուղային գծի այն հատվածները, որոնք վնասվել էին տարերային աղետից։ Մայիսի 25-ից մինչեւ հունիսի 14-ն արվել է անհնարինը՝ վերականգնվել է Հայաստանն արտաքին աշխարհի հետ կապող միակ երկաթուղային ճանապարհը։ Դա այն ճանապարհն է, որով անցնում են հիմնական բեռները, վառելիքը, պարենը", - ասել է Օվերչուկը։

Նա նաև նշել է, որ անհրաաժեշտ է տարբերել իրական իրավիճակը և այն տեղեկատվությունը, որը տարածվում է ԶԼՄ-ներում: <Մենք այսօր անցանք իրական երկաթուղով, տեսանք իրական աշխատանքը, որը կատարվել է: Մենք ունենք ապրանքաշրջանառության իրական աճ, ինչը խոսում է մեր երկրների միջև կապի ամրապնդման մասին։ Ուստի, պետք է տարբերել այն, ինչ տեղի է ունենում իրական աշխարհում, և այն, ինչ պարտադրվում է մեդիայի տեղեկատվական օրակարգում, որը հաճախ, պարզապես, չի համապատասխանում իրականությանը", - ընդգծել է Օվերչուկը։

Խոսելով հաղորդակցությունների ապաշրջափակման մասին՝ նա նշել է, որ ապաշրջափակումը հնարավոր է այն պայմանավորվածությունների շրջանակում, որոնք ձեռք են բերվել երեք պետությունների ղեկավարների կողմից և որոնք իրենց արտացոլումն են գտել 2020 թվականի նոյեմբերի 9-10-ի համատեղ հայտարարության մեջ ։ "Ինչպես գիտեք, Ռուսաստանը միշտ պատրաստ է միանալ այդ գործընթացին և պատրաստ է այստեղ օգնել ՝ ելնելով Հայաստանի ինքնիշխանության, տարածքային ամբողջականության և իրավասության սկզբունքներից", - ասել է Օվերչուկը:

Նա նաև նշել է Հայաստանի ակտիվ դերակատարությունը Եվրասիական տնտեսական միությունում: "Այս միության շրջանակներում Հայաստանը շատ ակտիվ, դրական դեր ունի, այս տարի Հայաստանը Եվրասիական տնտեսական միության նախագահն է":

Օվերչուկը խոսել է նաև Հայաստանի կառավարության նախագահի հետ հանդիպման արդյունքների մասին: "Մենք Հայաստանի վարչապետի հետ քննարկել ենք ապագայի ծրագրերը, շատ լավ բովանդակալից զրույց է տեղի ունեցել։ Բացի այդ, եղել է ռուս-հայկական միջկառավարական հանձնաժողովի համանախագահների հանդիպում, այնտեղ մանրամասն անդրադարձել ենք մեր երկկողմ ողջ օրակարգին։ Հանդիպումը տևել է մոտ հինգ ժամ, ինչն ապացուցում է, որ մենք շատ համատեղ աշխատանք ունենք։ Մենք քննարկել ենք նաև տրանսպորտային հաղորդակցության, փոխադարձ առևտրի, հումանիտար ոլորտում համագործակցության, ավիացիայի, զբոսաշրջության հետ կապված հարցեր", - ամփոփել է Օվերչուկը։