Օտարերկրյա լրագրողներն ու փորձագետները տագնապ են ազդարարում Ադրբեջանի կողմից Հայաստանի հասցեին պատերազմի նոր սպառնալիքների առնչությամբ

Արմինֆո. Օտարերկրյա լրագրողներն ու փորձագետները տագնապ են ազդարարում Ադրբեջանի կողմից Հայաստանին ուղղված պատերազմի նոր սպառնալիքների առնչությամբ:

Նշենք, որ շաբաթ օրն ադրբեջանական APA պետական գործակալությունը հրապարակել է հոդված, որում անթաքույց խոսվում է Հայաստանի նկատմամբ Ադրբեջանի նոր ագրեսիայի մասին, որը կոչնչացնի նրա պետականությունը: Սպառնալիքները հնչում են պաշտպանական ոլորտում հայ - ֆրանսիական համագործակցության ամրապնդման ֆոնին։

Այդ հոդվածը մեծ արձագանք է հաարուցել միջազգային փորձագիտական և լրագրողական միջավայրում։ Մասնավորապես, ֆրանսիական հեղինակավոր Le Figaro ամսագրի փոխտնօրեն, լրագրող Ժան-Քրիստոֆ Բյուիսոնը Twitter-ի (X) իր միկրոբլոգում այդ առնչությամբ գրել է. "Տագնապալի վերլուծություն է հրապարակվել է ադրբեջանական պաշտոնական լրատվամիջոցներում։ Երկու հակաֆրանսիական դիատրիբների միջև խոսում ենք Հայաստանի և Ադրբեջանի միջև "անխուսափելի" երրորդ պատերազմի մասին, որը կարող է ավարտվել "Հայաստանի ՝ որպես պետության գոյությունը կասկածի տակ դնելով":

Շվեդ լրագրող Ռասմուս Կանբեկն, իր հերթին, ուշադրություն է հրավիրել վերջին շաբաթներին դեպի Ադրբեջան իսրայելական ռազմական բեռների ավելացման վրա: "Հիմա էլ ուրվագծվել են իրավական պատումների ձևակերպումներ, ինչպես նաև սահմաններին գնդակոծությունների թվի ավելացում։ Սրանք չորս ցուցանիշներից երեքն են՝ նախապատրաստվող հարձակման մասին", - վստահ է լրագրողը։

Պետական կառավարման, միջազգային հարաբերությունների և անվտանգության ոլորտի մասնագետ Սոսի Թաթիկյանն այդ առնչությամբ ուշադրություն է հրավիրել, որ Ադրբեջանը լրջորեն վիճարկում է միջազգային իրավունքը և խախտում ՄԱԿ-ի կանոնադրությունը: "Սա նոր պատերազմի լեգիտիմացման համար նոր հորինված աննախադեպ արդարացում է։ "Ադրբեջանը երբեք թույլ չի տա Հայաստանին փոխել ռազմական հավասարակշռությունը", - ադրբեջանական հոդվածից մեջբերել է Թաթիկյանը:

Հավելենք, որ Ադրբեջանը 44-օրյա պատերազմից հետո իրեն իրավունք է համարում Հայաստանին ասել, թե ինչ կարելի է անել, ինչ՝ ոչ։ "Խաղաղության դարաշրջանի" սոուսի տակ Ադրբեջանն ավելացրել է իր ռազմական ծախսերը, ակտիվորեն սպառազինություն է գնում Իսրայելից, Պակիստանից, Թուրքիայից, եվրոպական մի շարք երկրներից, բայց , միևնույն ժամանակ, իրեն իրավունք է վերապահում սպառնալ Հայաստանին, որը լրացնում է իր պաշտպանական կարիքները՝ ներկայիս բարդ իրողություններում։ Մինչդեռ, միջազգային հանրությունը լուռ հետևում է Երևանի հասցեին Բաքվի սպառնալիքների հերթական չափաբաժիններին՝ այնպես, ինչպես  լուռ հետևում էր Արցախում էթնիկ զտմանը: