ՀԱՊԿ գլխավոր քարտուղար. Հայկական կողմը չի առարկում կազմակերպությունում սահմանափակ ձեւաչափով որոշումների ընդունմանը

Արմինֆո.Հայկական կողմը դեռևս նիստից առաջ հայտարարել էր, որ չի առարկում սահմանափակ ձևաչափով որոշումների կայացմանը: Այդ մասին հայտարարել է ՀԱՊԿ գլխավոր քարտուղար Իմանգալի Տասմագամբետովը՝  Cronos.Asia-ի մեկնաբանության մեջ անդրադառնալով ՀԱՊԿ անվտանգության խորհուրդների քարտուղարների կոմիտեի երեկվա նիստում ընդունված որոշումներին, որն անցել է առանց Հայաստանի մասնակցության:

Տասմագամբետովը պատմել է, որ հանդիպմանը հատուկ ուշադրություն է դարձվել "տաջիկա-աֆղանական սահմանի ամրապնդմանն ուղղված ՀԱՊԿ միջպետական նպատակային ծրագրի" նախագծին: Ճշտմանը, թե որն է եղել նիստի ամենածանր հարցը, ՀԱՊԿ գլխավոր քարտուղարը խոստովանել է, որ բուն բանակցությունները ծանր չեն եղել: "Ծանր էր "ՀԱՊԿ-ի նպատակային միջպետական ծրագրի" հարցը, որը նախաձեռնվել էր 2013 թվականին և 10-11 տարվա ընթացքում չի իրականացվել՝ օբյեկտիվ պատճառներով ։ Բայց չնայած ընդհանուր աշխարհաքաղաքական իրավիճակին, որը ստեղծվել է մեր կազմակերպության պատասխանատվության գոտում, և Պաշտպանության նախարարների խորհրդում, և Անվտանգության խորհրդի քարտուղարների հետ մենք կարողացանք որոշում կայացնել, որպեսզի Հավաքական անվտանգության խորհուրդը վերջնականապես ստորագրի այդ ծրագիրը", - ասել է նա։

Անդրադառնալով հարցին, թե արդյոք դրան չի խանգարել հանդիպմանը Հայաստանի չմասնակցելը, Տասմագամբետովն ուշադրություն է հրավիրել այն հանգամանքին, որ հայկական կողմը դեռեւս նիստից առաջ հայտարարել է, որ չի առարկում սահմանափակ ձեւաչափով որոշումների ընդունմանը:

Ընթացիկ տարվա հունիսի 3-ին Ալմաթիում կայացած ՀԱՊԿ Խորհրդարանական վեհաժողովի խորհրդի նիստում գլխավոր քարտուղար Իմանգալի Տասմագամբետովն ընդգծել է, որ Հայաստանի Հանրապետությունը շարունակում է մնալ ՀԱՊԿ լիիրավ անդամ՝ չնայած վերջին մեկ տարվա ընթացքում զգալիորեն կրճատել է իր մասնակցությունը կազմակերպության միջոցառումներին: Սակայն վերջում Տասմագամբետովն, այնուամենայնիվ, նշել է, որ Հայաստանի քաղաքական ղեկավարության կողմից ՀԱՊԿ շրջանակներում համագործակցության հեռանկարների վերաբերյալ հստակություն մտցնելը օգտակար կլիներ միավորման բոլոր մասնակիցներին: