Երկուշաբթի, 3 Հունիսի 2024 11:58

Արմինֆո.Այսօրվանից "Տավուշը հանուն հայրենիքի" բողոքի շարժմանը միացած նախկին և ներկա դիվանագետները կսկսեն այցելել երկրում հավատարմագրված դիվանագիտական ներկայացուցչություններ՝ ներկայացնելու Հայաստանում տիրող իրական իրավիճակը: Այդ մասին հունիսի 3-ին լրագրողներին հայտարարել է շարժման առաջնորդ, արքեպիսկոպոս Բագրատ Գալստանյանը։

 

Նա նշել է, որ այցերը կսկսվեն հանրապետությունում Եվրոպական միության ներկայացուցչության գրասենյակից, որից հետո համանման հանդիպումներ կանցկացվեն բոլոր դեսպանատներում: Հանդիպումների շուրջ  արդեն պայմանավորվածություն է ձեռք է բերվել։ "Այդ հանդիպումների ընթացքում օտարերկրյա դիվանագետներին կներկայացվեն երկրի առջեւ ծառացած բոլոր խնդիրները", - ընդգծել է արքեպիսկոպոսը:

 

Նշենք, որ իրավապահ մարմինների կողմից ցուցարարների նկատմամբ անհամաչափ ուժի կիրառման բազմաթիվ դեպքերի ֆոնին դեսպանատների ներկայացուցիչները լիակատար լռություն են պահպանում, կարծես, չնկատելով կատարվածը, ինչը լրացուցիչ հաղթաթուղթ է տալիս իշխանություններին ՝ շարունակելու ցուցարարների նկատմամբ ճնշումների և ուժի կիրառման քաղաքականությունը: Հատկապես նկատելի է լիակատար լռություն հավաքական Արևմուտքի դիվանագիտական ներկայացուցչությունների կողմից, որոնք աչք են փակել մարդու իրավունքների, ժողովրդավարության և օրենքի գերակայության հետ կապված խնդիրների վրա։