Մայքլ Գյուրջյանի "Ամերիկացին» մրցանակի է արժանացել է Հայկական ազգային կինոակադեմիայի «Անահիտ» մրցանակաբաշխության մի քանի անվանակարգերում

Արմինֆո. Հայկական ազգային կինոակադեմիայի «Անահիտ» մրցանակաբաշխության "Լավագույն երաժշտություն ֆիլմում" անվանակարգում մրցանակը շնորհվել է կոմպոզիտոր, երաժշտական պրոդյուսեր Անդրանիկ Բերբերյանին՝ Մայքլ Գյուրջյանի "Ամերիկացին" Օսկարի առաջադրված ֆիլմում կատարած աշխատանքի համար (2022թ.):

Ֆիլմի երաժշտությունը հնչեցրել է Հայաստանի ազգային ֆիլհարմոնիկ նվագախումբը՝ մաեստրո Էդուարդ Թոփչյանի ղեկավարությամբ և մենակատար - ջութակահար Անուշ Նիկողոսյանի կատարմամբ: Բացի այդ, ֆիլմի երաժշտության մեջ կան մենանվագներ քանոնի, դուդուկի, ուդի, թառի, սրինգի, կիթառի, կլարնետի, ալտի եւ այլ գործիքների օգտագործմամբ:

"Լավագույն վավերագրական ֆիլմ" անվանակարգում հաղթել է Իննա Սահակյանի "Ավրորայի Արշալույսը" (2022թ.) ֆիլմը, որի երաժշտությունը նույնպես գրել է Բերբերյանը:

<Յուրաքանչյուր կինոնկար եզակի ճանապարհորդություն է դեպի մարդկային հույզերի չբացահայտված շրջադարձեր: Խորապես երախտապարտ եմ մրցանակաբաշխության ժյուրիի անդամներին կատարված աշխատանքը ըստ արժանվույն գնահատելու համար: Ինձ հատկապես հաճելի է, որ իմ և մեր ստուդիայի աշխատանքները ընդգրկվել են <Անահիտ> տարբեր անվանակարգերում և արժանացել մասնագետների բարձր գնահատականին: Շնորհակալություն եմ հայտնում թիմակիցներիս և բոլոր նրանց, ովքեր նպաստեցին այս հաղթանակին", - ասել է Անդրանիկ Բերբերյանը ։

Նշենք, որ «Լավագույն խաղարկային ֆիլմ» անվանակարգում  "Անահիտ" մրցանակի է արժանացել «Ամերիկացի»-ն (ռեժիսոր՝ Մայքլ Գյուրջյան, պրոդյուսեր՝ Արման Նշանյան);  «Լավագույն վավերագրական ֆիլմ» անվանակարգում՝ «Ավրորայի լուսաբացը» (ռեժիսոր՝ Իննա Սահակյան); «Լավագույն անիմացիոն ֆիլմ»՝ «Թռչող տերևների երգը» (ռեժիսոր՝ Արմինե Անդա); «Լավագույն կարճամետրաժ ֆիլմ»՝ «250 կմ» (ռեժիսոր՝ Հասմիկ Մովսիսյան); «Լավագույն ռեժիսորական աշխատանք» անվանակարգում մրցանակը շնորհվել է էդգար Բաղդասարյանին («Յաշան ու Լեոնիդ Բրեժնևը»); «Լավագույն օպերատորական աշխատանք»-ի համար՝ Սուրեն Թադևոսյանին («Յաշան ու Լեոնիդ Բրեժնևը»); «Լավագույն սցենար» անվանակարգում՝ էդգար Բաղդասարյանին («Յաշան ու Լեոնիդ Բրեժնևը»);  «Տղամարդու լավագույն դերակատարում»՝ Մայիս Սարգսյանին («Յաշան ու Լեոնիդ Բրեժնևը»); «Կնոջ լավագույն դերակատարում» անվանակարգում՝ Նարինե Գրիգորյանին («Ամերիկացի»); «Լավագույն նկարչական ձևավորում» անվանակարգում՝ Ներսես Սեդրակյանին, Ավետ Տոնոյանցին («Ամերիկացի»); «Լավագույն հնչյունային ձևավորում» անվանակարգում՝ Տիգրան Կուզիկյանին («Յաշան ու Լեոնիդ Բրեժնևը»): «Անահիտ» 4-րդ մրցանակաբաշխության Հատուկ մրցանակը շնորհվել է կոմպոզիտոր Ռոբերտ Ամիրխանյանին՝ կինոյի զարգացման գործում ունեցած նշանակալի ավանդի համար։

Նշենք, որ «Անահիտ» մրցանակը սահմանվել է 2017 թվականին Ազգային կինոակադեմիայի կողմից և հանձնվում է հայկական կինոյի բնագավառում լավագույններին: Կինոակադեմիան իրականացնում է այս կամ այն ֆիլմի ընտրությունը և ներկայացնում է աշխարհի ամենահեղինակավոր մրցույթներում և կինոփառատոններում, կազմակերպում է տարբեր սեմինարներ, հանդիպումներ և այլ նախագծեր ՝ ուղղված Հայաստանի կինոարտադրության զարգացմանը: Մրցանակի դափնեկիրներին որոշում են Ակադեմիայի 30-ից ավելի անդամներ ՝ հատուկ մշակված համակարգով քվեարկության միջոցով ։

Հիշեցնենք, որ Հայկական ազգային կինոակադեմիան հիմնադրվել է 2011 թվականին ՝ նպատակ ունենալով ներկայացնել հայկական կինոյի հարուստ ժառանգությունը և խթանել Հայաստանի ժամանակակից կինոարտադրությունը համաշխարհային շուկայում: Այն հասարակական կազմակերպություն է, որի անդամ են այսօր 30 պատվավոր ակադեմիկոսներ ՝ կինոգետներ, կինոքննադատներ, կոմպոզիտորներ, ռեժիսորներ, պրոդյուսերներ։ 2019թ. մարտից կինոակադեմիայի նախագահն է Ռուբեն Ջաղինյանը՝ պրոդյուսեր, ՀՀ պետական մրցանակի դափնեկիր, Հեռուստատեսության և ռադիոյի միջազգային ակադեմիայի ակադեմիկոս: