Արմինֆո.Հայաստանը նախկինում երբեք սուբյեկտայնության այնքան բարձր մակարդակ չի ունեցել, որքան հիմա։ Այդ մասին ապրիլի 3-ին լրագրողներին հայտարարել է ՀՀ Ազգային ժողովի "Քաղաքացիական պայմանագիր" խմբակցության պատգամավոր Արմեն Խաչատրյանը՝ մեկնաբանելով Ռուսաստանի ԱԳՆ պաշտոնական ներկայացուցիչ Մարիա Զախարովայի հայտարարությունները։
Հիշեցնենք, որ մեկ օր առաջ ռուս դիվանագետը հայտարարել էր, թե ձևավորվել է Հայաստանի սոցիալ-տնտեսական բարեկեցությունը քայքայելու "ճանապարհային քարտեզ": Նրա ասելով՝ ողջ աշխարհը Եվրամիությանը նայում է որպես փլուզվող կառույցի, որն իրեն չի արդարացրել, քանի որ կորցրել է ինքնիշխանությունը: "Հենց դա են ուզում արևմտյան կուրատորները Հայաստանից ՝ սեփական ինքնիշխանության կորուստ, ուրիշ ոչինչ", - ասել էր ՌԴ ԱԳՆ պաշտոնական ներկայացուցիչը ։
Մինչդեռ, ինչպես կարծում է կառավարող խմբակցության պատգամավորը, այն փաստը, որ Երեւանի շահերը հաշվի են առնում ինչպես Եվրամիության երկրները, այնպես էլ ԱՄՆ-ը, որի հետ շատ հարցեր են քննարկվում, շատ բանի մասին է խոսում: Նախկինում, ինչպես ընդգծել է Խաչատրյանը, Հայաստանի հետ կապված հարցերը լուծվում էին Մարիա Զախարովայի բնակության երկրում։ Սուբյեկտայնության աճի օրինակներից մեկը, խորհրդարանականի ասելով, անվտանգության բազմաշերտ համակարգի ձեւավորումն է։ "Երկրի իշխանություններն իրենցից կախված ամեն ինչ անում են, որպեսզի երկրի անվտանգության համակարգը համապատասխանի այսօրվա պահանջներին։ Ոմանց դա դուր է գալիս, մյուսներին՝ ոչ, դա էական չէ, մենք գնում ենք մեր ճանապարհով", - ասել է պատգամավորը, մատնանշելով Հայաստանի մասնակցությամբ անվտանգության նախկին համակարգերի խնդիրները, որոնք միայն թղթի վրա էին և չէին աշխատում։ Այդ համակարգի անգործության արդյունքում այսօր Ադրբեջանը վերահսկողության տակ է պահում երկրի ավելի քան 150 քառ.կմ ինքնիշխան տարածք։ "Այսուհետ մենք անհիմն վստահության իրավունք չունենք՝ քայլեր ձեռնարկելով մեր անվտանգության ապահովման ուղղությունները դիվերսիֆիկացնելու ուղղությամբ։ Դա տեղի է ունենում և քաղաքական, և դիվանագիտական, և ռազմական մակարդակներում", - ասել է Խաչատրյանը։
Նա հավելել է, որ երբ Հայաստանը դաշնակիցների ռազմական աջակցության խիստ կարիք ուներ, ոչնչով չօգնեց նաև երկրում տեղակայված 102-րդ ռուսական ռազմակայանը։ Ֆիզիկապես ռուս զինվորականները ներկա են սահմաններին, բայց, փաստորեն, նրանք անգործության են մատնված։ "Դաշնակիցների կողմից հաճախ հնչում են ամոթալի հայտարարություններ՝ "կոչ ենք անում դադարեցնել ռազմական գործողությունները", "զսպվածություն ցուցաբերել", բայց՝ ոչ ավելին։ Անգամ Հայաստանի դեմ Ադրբեջանի ագրեսիայի ժամանակ մեղադրանքներ էին հնչում երկու կողմերի հասցեին։ Ավելին, նույնիսկ, պնդումներ են հնչել, թե չգիտեն, թե ով ում վրա է հարձակվել։ Նրանք, պարզվում է, չգիտեն՝ Ջերմուկը, Գորիսը, մյուս բնակավայրերն ում տարածքում են գտնվում", - նշել է պատգամավորը։
Խորհրդարանականը նշել է, որ մինչ օրս որևէ արձագանք չկա նաև Հավաքական անվտանգության պայմանագրի կազմակերպության կողմից: Երևանի պահանջներին ՝ մատնանշելու, թե որտեղ են սկսվում և որտեղ են ավարտվում Հայաստանի սահմանները, հատկապես, կազմակերպության պատասխանատվության գոտու համատեքստում, ՀԱՊԿ-ում բավարարվել են լղոզված հայտարարությամբ, որն այլ կերպ չես անվանի, քան՝ հերթական մանևր։ "Սա ոչ օբյեկտիվ և անընդունելի հայտարարություն է ։ Հայաստանի Հանրապետությունն ունի միջազգայնորեն ճանաչված պետական սահմաններ, որոնցով երկիրը անդամակցել է ՀԱՊԿ-ին։ Դրանով իսկ կազմակերպությունը ճանաչել է այդ սահմանները, իսկ այժմ հրաժարվում է այդ փաստից", - ասել է Խաչատրյանը, հավելելով, որ, ըստ էության, ՀԱՊԿ-ը ճանաչում է միայն Երևանի սահմանները։
Հիշեցնենք, որ ապրիլի 1-ին ՀԱՊԿ-ը հանդես էր եկել հայտարարությամբ, որում նշել էր, որ Հայաստանում իր պատասխանատվության գոտին է համարում նրա ինքնիշխան տարածքը՝ կարգավորված սահմաններում: "Պատասխանատվության գոտու մասին ձևակերպումը բավականին բարդ է, և այն ավելի շատ նպատակ ունի ուշադրություն հրավիրել հանրապետությունում տիրող իրավիճակի վրա, քան առարկայական պատասխան ստանալ ։ Քանի որ 2010թ. համագործակցության սկզբունքների մասին համաձայնագրին համապատասխան, որը ստորագրել են ՀԱՊԿ-ում, պատասխանատվության գոտին անդամ պետությունների ինքնիշխան տարածքն է", - ասել են կազմակերպությունում ։ ՀԱՊԿ-ում նշել են, որ "ՀԱՊԿ պատասխանատվության գոտին ավարտվում է այնտեղ, որտեղ անցնում է պետական սահմանը, որը երկկողմանի կարգավորվել է Հայաստանի և նրա հարևանների միջև":
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
