Արմինֆո. Եթե դիտել եք Մարիա Զախարովայի վերջին բրիֆինգը, որը երկու ժամ ջանասիրաբար ուղիղ եթերով հեռարձակել են նաեւ որոշ հայկական լրատվամիջոցներ, դժվար թե չեք հասկացել, ինչպիսի հերթական «կոմբինացիա» են խաղարկում Երեւանի դեմ Մոսկվան եւ Բաքուն։ Այդ մասին Facebook-ի իր էջում գրել է քաղաքագետ, Երևանի մամուլի ակումբի նախագահ Բորիս Նավասարդյանը ՝ անդրադառնալով Հայաստանի հասցեին ՌԴ ԱԳՆ պաշտոնական ներկայացուցիչ Մարիա Զախարովայի հարձակումներին:
«Ադրբեջանը սպառնալիքների միջոցով ստիպում է Նիկոլ Փաշինյանին հայտարարել Տավուշի չորս գյուղերի հանձնման մասին։ Իսկ ՌԴ ԱԳՆ խոսնակը, պատասխանելով «Բաքու» հեռուստաալիքի ակնհայտորեն պայմանավորված հարցին, զգուշացնում է, որ ՌԴ-ն այդ «գործարքի» հետ ոչ մի կապ չունի եւ որ նման քայլի Փաշինյանին հուշել է գնալ Արեւմուտքը... Այն, որ Ռուսաստանի, ՀԱՊԿ-ի աչքի առաջ մի քանի ուղղություններով Ադրբեջանի ներխուժմանը ՀՀ տարածք հետեւել է մեր «ռազմավարական դաշնակցի» կողմից Բաքվում հորինված «պայմանական հայ-ադրբեջանական սահման» հասկացության շրջանառումը (հենց Զախարովան է առավել ակտիվ դրանով զբաղվում), ինչը փաստորեն լեգիտիմացնում է ցանկացած ադրբեջանական ագրեսիան՝ ոչինչ։ Այն, որ Տավուշի գյուղերի հանձնումը Բաքուն եւ Մոսկվան նախատեսում էին ներառել 2020-ի նոյեմբերի 9-ի եռակողմ հայտարարությունում՝ էլի ոչինչ։ Էականը, ըստ ՌԴ ԱԳՆ խոսնակի, ժամանակային համընկնումն է նույն գյուղերի մի մասի հանձնման եւ ԵՄ-ի հետ ՀՀ-ի մերձեցման միջեւ... Հույսը նրա վրա է, որ մեր հասարակությունը շատ բան չի նկատում, չի հիշում, ինչից օգտվելով կարելի է փորձել ցանկացած կորուստի համար մեղքը գցել Մակրոնի, Շոլցի, Միշելի, Բլինքենի եւ Ստոլտենբերգի վրա, վարկաբեկելով Հայստանի եվրոպականացման հեռանկարը։ Համապատասխան ուղերծը տեղ հասցնելուն նպաստում են, ինչպես երեւում է, ադրբեջանական եւ որոշ հայկական լրատվամիջոցները։ Սխալ կհասկացվեն, եթե գրածս ընկալվի որպես տեղեկությունները քողարկելու կոչ։ Բայց եթերի հսկայական չափաբաժնի հատկացումը, Զախարովայի ոչ մի բառ բաց չթողնելու եւ առանց ուշացնելու վախեցած ու շշկռված լսարանին հասցնելու ձգտումը չեն կարող հարցեր չառաջացնել։
Երեւանը հայտնվում է ցուգցվանգում. չես ենթարկվում Բաքվի պահանջներին մեծացնում ես նոր էսկալացիայի վտանգը, ենթարկվում ես՝ կասկածի տակ ես դնում Արեւմուտքի հետ համագործակցության, այդ թվում անվտանգության ոլորտում, արդյունավետությունը։ Եւ հակառակը՝ Մոսկվան հայտնվում է "win-win" վիճակում՝ էսկալացիան մեծացնում հերթական անգամ «խաղարարի» կարգավիճակ ձեռք բերելու հնարավորությունը, իսկ Հայաստանի միակողմանի զիճումը թուլացնում է երկրի դիմադրողականությունը նմանատիպ նոր «կոմբինացիաների» առջեւ։ Ցավոք, սա արդյունք է ոչ միայն մեր դեմ դավադրությունների, այլ նաեւ սեփական ոչ հետեւողական, արկածախնդիր քաղաքականության։ Արդյոք կարողացել ենք դրանից դասեր քաղել, ցույց կտան հետագա զարգացումները... Կներեք, գրառման ավելի օրիգինալ ավարտ չգտա։», - ամփոփել է Երեւանի մամուլի ակումբի նախագահը:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
