Չորեքշաբթի, 7 Փետրվարի 2024 19:32

Արմինֆո. ՀՀ վարչապետ Նիկոլ Փաշինյանը հայտարարում է, որ Հայաստանի և Վրաստանի միջև ռազմավարական գործընկերության մասին փաստաթուղթն արտացոլում է երկու երկրների կառավարությունների ՝ հարաբերությունների ողջ օրակարգով առաջ շարժվելու կամքը: Այդ մասին նա հայտարարել է փետրվարի 7-ին խորհրդարանում կառավարական ժամի ընթացքում, պատասխանելով ռազմավարական գործընկերության մասին համաձայնագրի վերաբերյալ հարցին, որը նա ստորագրել է իր վրացի գործընկեր Իրակլի Ղարիբաշվիլիի հետ՝ հունվարի վերջին Վրաստան կատարած պաշտոնական այցի ընթացքում:

 

Փաշինյանի խոսքով՝ ժամանակակից աշխարհն այլևս այն չէ, ինչ մի քանի տարի առաջ էր։ Նրա ասելով, մեզ շրջապատող աշխարհը փոխվել է, ինչպես նաև՝ տարածաշրջանի երկրների հետ Հայաստանի հարաբերությունների բնույթը, և՝ հենց տարածաշրջանը։ "Շատ իրողություններ փոխվել են մեր տարածաշրջանում, դրանցից մեկն այն է, որ անցյալ տարի Վրաստանը պաշտոնապես ստացել է ԵՄ-ին անդամակցության թեկնածուի կարգավիճակ", - նշել է վարչապետը:

 

Փաշինյանի կարծիքով՝ ուզենք, թե չուզենք, դա օբյեկտիվորեն ազդում է մեր տարածաշրջանի վրա։ <Հարևան չորս երկրներից երկուսը ԵՄ անդամակցության թեկնածու են: Եվ, եթե նախկինում մենք կարող էինք ասել, թե որտեղ է Եվրամիությունը, իսկ որտեղ ենք մենք, ապա այժմ իրականությունն այն է, որ ԵՄ-ը մեր տարածաշրջանն է։ Այս համատեքստում շատ կարեւոր եմ համարում Վրաստանի հետ ռազմավարական երկխոսությունը", - հայտարարել է Հայաստանի վարչապետը ։