Արմինֆո.2024 թվականին Ադրբեջանի և Հայաստանի միջև ռազմական գործողությունների վերսկսման ռիսկը շարունակում է շատ բարձր մնալ։ Այդ մասին ԱրմԻնֆո-ին հայտարարել է Ազգային ժողովի նախկին պատգամավոր, քաղաքագետ, Ադրբեջանի գծով փորձագետ Տաթևիկ Հայրապետյանը' ներկայացնելով ընթացիկ տարում երկու պետությունների միջև խաղաղության պայմանագրի կնքման հնարավորության վերաբերյալ իր կանխատեսումը:
Փորձագետի խոսքով՝ Բաքուն, ժամանակ ձգելով, շահագրգռված չէ պայմանագրի կնքմամբ, առավել ևս, որ իրավիճակը "գետնի վրա" անընդհատ փոխվում է: Իսկ դա, ինչպես ընդգծել է Հայրապետյանը, թույլ է տալիս Ադրբեջանին նորանոր պայմաններ առաջադրել Հայաստանին։ Ըստ էության, նա կարծիքով, փաստաթուղթը կոչված է լինելու Հայաստանի և Արցախի դեմ Բաքվի իրականացրած ռազմական ագրեսիայի արդյունքների ամրագրումը։ "Այդ համատեքստում խաղաղության մասին խոսելու հարկ չկա։ Պատմության մեջ չի եղել դեպք, երբ հաղթողը սահմանափակվի ռազմական ագրեսիայի ընթացքում ձեռք բերված արդյունքներով, նա ավելի ու ավելի շատ է պահանջելու", - ասել է Հայրապետյանը։
Փորձագետը նշել է, որ ստեղծված իրավիճակում Երևանին չի հաջողվում հասնել, նույնիսկ, նվազագույն պայմանների՝ կապված տարածքային ամբողջականության և սահմանների անձեռնմխելիության հետ: Դրա վկայությունն են Հայաստանը "Արևմտյան Ադրբեջան" հռչակած Ադրբեջանի նախագահ Իլհամ Ալիևի հայտարարությունները։ "Նրանք ոչ միայն հանդես են գալիս նման հայտարարություններով, այլև պատրաստվում են հնարավոր նոր ռազմական գործողությունների, և որևէ միտում, որը վկայում է Բաքվի խաղաղության ձգտման մասին, գործնականում, չկա։ Ադրբեջանը, այսպես կոչված, խաղաղության գործընթացը շատ լավ օգտագործում է իր շահերի համար՝ ձգտելով օրինականացնել իր ագրեսիվ գործողությունների արդյունքները", - ընդգծել է Հայրապետյանը։
Խոսելով, այսպես կոչված, "Զանգեզուրի միջանցք" ստեղծելու Բաքվի պահանջների մասին՝ փորձագետը մատնանշել է խնդրի բարդությունը տարածաշրջանային և աշխարհաքաղաքական զարգացումների տեսանկյունից: Նա նշել է, որ Ադրբեջանը ռազմական միջոցներով այդ խնդիրը լուծելու իր ձգտումներում այդ քայլերին չի դիմել բացառապես Իրանի կողմից հնարավոր արձագանքի առաջացրած մտավախություններից ելնելով: "Թեհրանն այս առիթով բազմիցս նախազգուշացումներ է արել Բաքվի հասցեին։ Իրանը, նույնիսկ, իր տարածքն է առաջարկել այլընտրանքային միջանցք ստեղծելու համար։ Ընդ որում, այդ ճանապարհը գործելու է միջազգային նորմերին և սահմանին բեռների համապատասխան ստուգումներին համապատասխան ։ Ադրբեջանը ռիսկ չի անում Իսլամական պետությանը որևէ պայման առաջադրել այդ միջանցքով անարգել երթևեկություն ապահովելու համար, ինչը չի կարելի ասել Երևանի դեպքում։ Կարծում եմ ՝ Բաքուն կփորձի առավելագույնս օգտագործել, այսպես կոչված, միջանցքի մասին այս կետը՝ խաղաղության պայմանագրում։ Իսկ Հայաստանի իշխանությունները պատրաստ են գնալ ցանկացած զիջման։ Համենայնդեպս, դեռևս չեն արձանագրվել հայկական կողմի առաջ քաշած պայմանները, որոնց համաձայներ Ադրբեջանը։ Նույնիսկ Լեռնային Ղարաբաղի դեպքում, չնայած մեր երկրի պաշտոնատար անձանց կողմից նրա բնակիչների անվտանգության ապահովման վերաբերյալ բազմաթիվ հավաստիացումներին, դա չի հաջողվել անել, ինչին մեծապես նպաստել են նաեւ Արցախի կարգավիճակի նշաձողի իջեցման մասին Երեւանի հայտարարությունները, ինչից չի զլացել օգտվել Ադրբեջանը", - նշել է փորձագետը։
"Բուն բանակցային գործընթացը խոսում է մարտական գործողությունների վերսկսման վտանգի առկայության մասին։ Եթե նկատի ունենանք, որ ՀՀ վարչապետ Նիկոլ Փաշինյանը Հայաստանի կենսական նշանակության շատ տարածքներ ճանաչել է որպես Ադրբեջանի տարածքի մաս, ապա պետք է ակնկալել, որ Բաքուն կգնա մինչև վերջ ՝ իր նպատակին հասնելու համար, և այդ հնարավորությունը նրա համար բացել է ինքը՝ ՀՀ կառավարության ղեկավարը ՝ Հայաստանի Հանրապետության համար բացարձակապես ոչինչ չստանալով։ Իրականում, ռազմական գործողությունների վերսկսման ռիսկը շատ մեծ է։ Իրադարձությունների նման զարգացումը կանխելու համար անհրաժեշտ է շատ խելացի դիվանագիտական աշխատանք տանել, որպեսզի թույլ չտալ ղարաբաղյան սցենարը, որը տեղի ունեցավ նաև որոշակի միջազգային կոնսենսուսի շնորհիվ։ Իսկ դա խոսում է այն մասին, որ հայկական կողմը ոչ մի դիվանագիտական աշխատանք չի տանում այդ կոնսենսուսը թույլ չտալու համար", - եզրափակել է Հայրապետյանը։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
