Հայաստանի ընդդիմությունը դրական է գնահատում ֆրանսիական սպառազինության մատակարարումների շուրջ համաձայնագրի կնքումը

Արմինֆո. Ընդդիմությունը դրական է գնահատում Հայաստանին ֆրանսիական սպառազինության մատակարարումների շուրջ համաձայնագրի կնքումը։

Լրագրողների հետ զրույցում ԱԺ ընդդիմադիր "Հայաստան" խմբակցության պատգամավոր Արթուր Խաչատրյանը նշել է, որ հինգ տարվա ընթացքում առաջին անգամ հաջողվել է պայմանավորվածություն ձեռք բերել հակաօդային պաշտպանության համակարգերի համար երեք ռադիոտեղորոշիչ կայանների և հրթիռների մատակարարման վերաբերյալ: <Հուսով եմ, որ այս ռադիոտեղորոշիչ կայանները կկիրառվեն: Դա պետք էր վաղուց անել, այլ ոչ թե լացակումած տեսքով գալ Ազգային ժողով, հայտարարելով, թե փող կա, սպառազինություն չկա։ Դա նույնն է, եթե ես գամ տուն և կնոջս ասեմ, որ փող ունեմ, բայց խանութում հաց չի վաճառվում։ Եթե չես կարող ապահովել պետության անվտանգությունը, գնա եւ շարունակիր աշխատել որպես թերթի խմբագիր", - ընդգծել է խորհրդարանականը։

Պատասխանելով այն հարցին, որ Ռուսաստանը Հայաստանին անհրաժեշտ քանակությամբ սպառազինություն չի մատակարարել՝ ավելի վաղ կնքված համաձայնագրերի շրջանակներում, Խաչատրյանը նշել է, որ հայկական կողմից համապատասխան արձագանքի բացակայության դեպքում այդ նախագծի մասին խոսելու հարկ չկա: <Եթե տեսնում ես, որ սպառազինությունը չի մատակարարվում, դիմիր այլ արտադրողների։ Չգիտես ինչու, մինչ այդ սպառազինության մատակարարումներն իրականացվում էին ինչպես Արևմուտքից, այնպես էլ Արևելքից, այնպես էլ Հյուսիսից կամ Հարավից ։ Ես 1991 թվականին, երբ դեռ պաշտպանության նախարարություն չկար, այլ Պաշտպանության կոմիտե էր, ես ռադիստ էի, եւ համարձակվում եմ ձեզ հավաստիացնել, որ տեխնիկան, որով ես աշխատել եմ, ռուսական արտադրության չէր", - ընդգծել է խորհրդարանականը։

Այսօր ավելի վաղ ԱրմԻնֆո-ն հաղորդել է, որ երկուշաբթի Հայաստանը պայմանագիր է ստորագրել  Thales արտադրության երեք Ground Master 200 ռադարների գնման վերաբերյալ, այն նույնը, որոնք առաքվել են Ուկրաինա՝ ռուսական ագրեսիան հետ մղելու համար, և հեռադիտակներ և Safran-ի տվյչներ: Հայաստանն ու Ֆրանսիան ստորագրել են նաև MBDA-ի արտադրության "Միստրալ" փոքր հեռահարության ՀՕՊ համակարգերի գնման գործընթաց սկսելու մտադրության մասին արձանագրություն: