"Հանրապետություն" կուսակցության ներկայացուցիչ. Մենք քվեարկել ենք հօգուտ Հայաստանի անկախության եւ ինքնիշխանության

Արմինֆո.Երևանի ավագանու "Հանրապետություն" կուսակցության խմբակցությունը քվեարկել է մայրաքաղաքում իշխանության ձևավորման օգտին: Այդ մասին հոկտեմբերի 10-ին լրագրողներին հայտարարել է  խմբակցության անդամ, ՀՀ արդարադատության նախկին նախարար Արտակ Զեյնալյանը։

Նրա խոսքով ՝ կուսակցության գլխավոր նպատակն ավագանիում ստեղծված իրավիճակի հանգուցալուծման խնդիրն էր։ "Մենք քվեարկել ենք Հայաստանի անկախության և ինքնիշխանության օգտին", - հայտարարել է Զեյնալյանը: Նա խուսափել է պատասխանել հարցին, թե արդյոք իրեն կառաջարկվի փոխքաղաքապետի պաշտոնը ։ "Այդ ամենի մասին ճեպազրույցի ժամանակ", - նշել է "Հանրապետություն" խմբակցության անդամը:

Նշենք, որ այսօր "Հանրապետություն" և "Քաղաքացիական պայմանագիր" խմբակցություններն ստորագրել են համագործակցության հուշագիր, որով կողմերը պարտավորվում են Հայաստանի մայրաքաղաքը վերածել եվրոպական մոդելի քաղաքի, այն դարձնել հարմար և հարմարավետ:

"Մենք միասին ենք կառավարելու քաղաքը և կիսելու ենք պատասխանատվությունը", - փաստաթղթի ստորագրումից հետո ասել է Երևանի նորընտիր քաղաքապետ Տիգրան Ավինյանը: Նա նույնպես խուսափել է պատասխանել հարցին, թե արդյոք Զեյնալյանը կնշանակվի Երևանի փոխքաղաքապետ, հորդորելով սպասել ավագանու հաջորդ նիստին, որի ժամանակ, ինչպես սպասվում է, համապատասխան որոշում կկայացվի: