Կրեմլ. Պուտինը երբեք չի ցանկացել հրաժարվել Հայաստան այցելելուց

Արմինֆո.Միջազգային քրեական դատարանի (ՄՔԴ) Հռոմի ստատուտը հաստատելու մասին Հայաստանի որոշումը կոռեկտ չէ: Այդ մասին հաղորդել է ՌԴ նախագահի մամուլի քարտուղար Դմիտրի Պեսկովը։

Նրա ասելով՝ ՌԴ-ն համաձայն չէ ՀՀ վարչապետ Նիկոլ Փաշինյանի այն հայտարարությունների հետ, թե ՀԱՊԿ-ը բավարար գործիքներ չի ունեցել երկրի անվտանգությունն ապահովելու համար: "Մենք ի սկզբանե կասկածել ենք եւ կասկածում ենք, որ երկկողմ հարաբերությունների տեսանկյունից կոռեկտ է Հայաստանի միացումը Հռոմի ստատուտին։ Մենք նախկինի պես կարծում ենք, որ դա ոչ կոռեկտ որոշում է", - ասել Է Պեսկովը, հավելելով, որ երկրի գործող ղեկավարությանը լրացուցիչ հարցեր են ի հայտ եկել։

Նրա խոսքով ՝ Փաշինյանը ճիշտ չէ այն հայտարարություններում, թե Հայաստանի անդամակցումը ՄՔԴ-ին ընդունվել է երկրի անվտանգության ապահովման համար՝ ՀԱՊԿ-ի գործիքների անբավարարության պատճառով:

Պեսկովը նշել է, որ ՌԴ նախագահ Վլադիմիր Պուտինը երբեք չի ցանկացել հրաժարվել Հայաստան այցելելուց: ՌԴ նախագահի մամուլի քարտուղարը հայտարարել է, որ ՄՔԴ-ը Ռուսաստանի համար չճանաչված կառույց է: Պեսկովի խոսքով ՝ ՌԴ-ում անօրինական և առոչինչ են համարում ՌԴ նախագահին կալանավորելու ՄՔԴ որոշումը, հաղորդում է URA.ru-ն:

ՀՀ Ազգային ժողովը հոկտեմբերի 3-ի նիստում վավերացրել է Միջազգային քրեական դատարանի Հռոմի ստատուտը: Խորհրդարանի կողմից փաստաթղթի վավերացումից հետո այն պետք է ստորագրի երկրի նախագահը, և ուժի մեջ կմտնի ներպետական ընթացակարգերի ավարտից 60 օր հետո:

Հիշեցնենք, որ ընթացիկ տարվա մարտի 17-ին ՄՔԴ-ը ՌԴ նախագահ Վլադիմիր Պուտինին ձերբակալելու օրդեր էր տվել: Սակայն հայկական կողմը նշում է, որ փաստաթղթի վավերացումն ուղղված չԷ Ռուսաստանի դեմ ։ Ավելի ուշ ՌԴ ԱԳՆ աղբյուրը հաղորդել էր, որ ռուսական կողմը հայ գործընկերներին նախազգուշացրել է Ռուսաստանի հետ հարաբերությունների համար խիստ բացասական հետևանքների մասին՝ Հռոմի ստատուտին միանալու դեպքում: Ռուսաստանի ԱԳՆ-ում նաև հավելել են, որ Մոսկվան անընդունելի է համարում ՄՔԴ-ի Հռոմի ստատուտին միանալու Երևանի ծրագրերը՝ ՌԴ ղեկավարության նկատմամբ օրդերների ֆոնին: