Լեռնային Ղարաբաղի շուրջ բանակցային գործընթացում եղել է ենթադրություն այն մասին, որ հակամարտության գոտում խաղաղապահները չպետք է ներկայացնեն ԵԱՀԿ երկրները. Փաշինյան

Արմինֆո. Լեռնային Ղարաբաղի շուրջ բանակցային գործընթացում կար ըմբռնում, ենթադրություն, որ հակամարտության կարգավորման սկզբունքների ստորագրումից հետո տեղակայվող խաղաղապահները չպետք է ներկայացնեն ԵԱՀԿ երկրները։ Այդ մասին հունիսի 27-ին 44-օրյա պատերազմի հանգամանքներն ուսումնասիրող հանձնաժողովի նիստում հայտարարել է վարչապետ Նիկոլ Փաշինյանը։

<Բայց դա ոչ մի տեղ հստակ ամրագրված չէր: Սակայն նման համատեքստ միշտ առկա է եղել>, - ասել է նա։

Նա հիշեցրել է, որ 44-օրյա պատերազմի ընթացքում խոսակցություններ են եղել հակամարտության գոտում սկանդինավյան երկրներից, մասնավորապես Շվեդիայից խաղաղապահներ տեղակայելու մասին, ինչը, գործնականում, շատ խնդրահարույց է: "Թե՝ ինչ լեզվով են նրանք շփվելու տեղի բնակչության հետ, ինչ ձևով, շատ այլ հարցեր կան։ Հարցը չի շոշափվում նաեւ ռուսական առաջարկություններում, որոնք պայմանականորեն կոչվում են "Լավրովի պլան", սակայն քննարկումներն ընթացել են այն տրամաբանությամբ, որ պետք է տեղակայվեն ռուս խաղաղապահներ", - նշել է նա։

Միևնույն ժամանակ, վարչապետն ուշադրություն է հրավիրում այն հանգամանքին, որ այս ամենը չի վերացնում այն հնարավորությունը, որ եթե հարցը լիներ ՄԱԿ Անվտանգության խորհրդի օրակարգում, մարմինը չէր կարող որոշում կայացնել ղարաբաղյան հակամարտության գոտի որևէ երկրի կամ երկրների խմբի խաղաղապահներ գործուղելու մասին: