Արմինֆո. Ազատ Արցախը երբեք չի եղել և չի կարող լինել ցեղասպան Ադրբեջանի կազմում: Այդ մասին ասվում է Վանկուվերի հայ համայնքի հայտարարությունում, որի տեքստը զետեղված է Այլընտրանքային նախագծեր խմբի ֆեյսբբության էջում:
«Արցախի (Լեռնային Ղարաբաղ) Հանրապետությունն արդեն 160 օրից ավելի գտնվում է լիակատար շրջափակման ﬔջ: 120 000 արցախահայերի, այդ թվում՝ 30 000 երեխաների իրավունքներն անօրինաբար ոտնահարված են Ադրբեջանի ցեղասպանական քայլերի, ﬕջազգային հանրության լուռ համաձայնության ու Հայաստանի ներկայիս կառավարության հանցավոր անգործության արդյունքում:
Հայաստանի Հանրապետության վարչապետի աթոռը զբաղեցնող Նիկոլ Փաշինյանն անվրդով հայտարարում է, թե Հայաստանը ճանաչում է Ադրբեջանի տարածքային ամբողջականությունը 86 600 քառ. կմ տարածքով, որն ըստ նրա և իր ղեկավարած Քաղաքացիական Պայմանագիր կուսակցության, ներառում է Ղարաբաղը: Ավելին, Փաշինյանը բաց տեքստով խոսում է ՀՀ տարածքում գտնվող հայկական գյուղերի ադրբեջանապատկան լինելու մասին և պատրաստակամություն հայտնում զիջել այս կարևոր ռազմավարական սահմանային բնակավայրերը թշնամուն: Սա ոչ այլ ինչ է, քան՝ վտանգել Հայաստանի կապը Իրանի և Վրաստանի հետ, ինչի հետևանքով Հայաստանը կհայտնվի շրջափակման ﬔջ` անդառնալի հետևանքներով հայության համար և իսպառ կզրկի ﬔզ` հայերիս, ﬔր պատմական հայրենիքում ապահով ապրելու հնարավորությունից:
Արցախի օտարումը հակասում է Հայաստանի Անկախության Հռչակագրի և Սահմանադրության հիﬓարար դրույթներին: Մայիսի 22-ին Արցախի Ազգային ժողովը (ԱԺ) արցախահայության անունից իր զայրույթը հայտնեց ՀՀ վարչապետի անընդունելի հայտարարությունների նկատմամբ և վերահաստատեց արցախահայության անդրդվելի կամքը՝ ապրելու իր պապերի հողում, պաշտպանելու իր սուրբ հայրենիքը: Հայտարարության ﬔջ մասնավորապես ասված է. «Նիկոլ Փաշինյանը, փաստորեն, իր այդ հանձնառությամբ կոպտորեն խախտում է Հայաստանի Հանրապետության Անկախության հռչակագրի և Սահմանադրության ամրագրուﬓերն Արցախի մասին, առանձնապես՝ Հայաստանի Հանրապետության Գերագույն խորհրդի 1992 թվականի հուլիսի 8-ի որոշման հրամայական հիﬓադրույթը՝ «Հայաստանի Հանրապետության համար անընդունելի համարել ﬕջազգային կամ ներպետական ցանկացած փաստաթուղթ, որտեղ Լեռնային Ղարաբաղի Հանրապետությունը նշված կլինի Ադրբեջանի կազմում»»:
Վանկուվերի հայկական համայնքը նույնպես խստորեն դատապարտում է Նիկոլ Փաշինյանի Արցախն Ադրբեջանի կազմ ներառելու ցանկացած փորձ: Մասնավորապես, Հայաստանի ներկայիս իշխանություններից և Նիկոլ Փաշինյանից ակընկալում ենք անհապաղ դադարեցնել Արցախի, Հայաստանի և համայն հայության գոյությունը վտանգող ազգադավ գործողությունները: Ակնհայտորեն նրա կառավարությունը անկարող է գտնել Արցախյան հակամարտության հայանպաստ լուծուﬓեր. նա տապալել է բանակցությունները և ﬔր երկու հայկական պետությունները տանում է կործանարար ուղիով:
Նիկոլ Փաշինյանը չունի իրավունք՝ կայացնելու ﬕանձնյա որոշուﬓեր ﬔր հայրենիքի համար այս ճակատագրական պահին, քանզի աշխարհասփյուռ հայությունը դեմ է Արցախի և Հայաստանի կապիտուլյացիային և անվերապահորեն սատարում է Արցախի ազատ ինքնորոշման իրավունքին:
Նիկոլ Փաշինյանը և ցանկացած ﬔկ այլ իշխանավոր, ով կհամարձակվի քայլեր ձեռնարկել ընդդեմ ազատ
Արցախի պետք է հասկանա, որ պատասխանատվությունից խուսափելն այլևս անկարելի է լինելու. պետք է հրաժարվել հակասահմանադրական և հակահայ բոլոր գործողություններից:
Վանկուվերի հայ համայնքը կոչ է անում համայն աշխարհի հայկական համայնքներին ﬕանալ այս հայտրարությանը և հստակ արտահայտել իրենց դիրքորոշումը՝ Հայաստանի ներկայիս ղեկավարի հայադավ խոսքերի և գործողությունների վերաբերյալ: Արցախը երբեք չի' եղել և չի' կարող լինել Ադրեբեջանի հպատակության տակ», - ասվում է հայտարարությունում:
Ուկրաինայի հայերի միությունը երկու հայրենիք ունի. Դավիթ Մկրտչյան
Եվրապատգամավոր. Արցախահայության իրավունքների հարցը չի կարող սակարկության առարկա լինել ԵՄ համար
Փորձագետ. Ռուսաստանի սխալն այն էր, որ նա կարծել է, թե Հայաստանը գնալու տեղ չունի, եւ ձգձգել է բազմաթիվ խնդիրների լուծումը
Շուշանիկ Ասատրյան. "Այն, ինչ բառերով չեմ կարող ասել, վերածում եմ կադրի, այն, ինչ դուրս է տեսողականից, դառնում է գրականություն"
Փորձագետ. Հայաստանի և Ադրբեջանի ղեկավարների հանդիպումների մոսկովյան հարթակն իրեն սպառել է
Լեռնային Ղարաբաղում ստեղծված իրավիճակի շուրջ լսումները տեղի կունենան սեպտեմբերի 14-ին
ՄՔԴ նախկին դատախազ. Բայդենի վարչակազմը կարող է դառնալ Արցախում ցեղասպանության համար պատասխանատու
Իրինա Խակամադան Հայաստանում վարպետության դաս կանցկացնի Հուզական կապիտալ. Ինչպես հույզերը վերածել եկամտի
Միգուցե, եկե՞լ է ժամանակը համազգային մոբիլիզացիայի համար. Դավիթ Անանյան
Դ.Պեսկով. Ռուսաստանը չի կարող հեռանալ Հայաստանից
Հայաստանի և Ադրբեջանի միջև մարտական գործողությունների վերսկսման ռիսկը զգալիորեն աճել է. փորձագետ
ԿԸՀ-ն ընդունել է քաղաքացիների ստորագրությունների լրացված ձևաթղթերի 5 տուփ
Գեներալ. Արցախը կարող է պայքարել և մնալ հայկական միայն մեկ պարագայում
Երևանի բնակիչները, հիմնականում, անտարբեր են ավագանու ընտրությունների նկատմամբ
Իրավապաշտպանը պատահական չի համարում այնպիսի հայամետ գործիչների մուտքի արգելումը Հայաստան, ինչպիսիք են Վիկտոր Կրիվոպուսկովը և Կոնստանտին Զատուլինը
Քաղաքապետի թեկնածու. Կառավարությունն ու խորհրդարանական ընդդիմությունը քաղաքական պինգ-պոնգ են խաղում
Արցախի նախագահը հրատապ ուղերձ է հղել միջազգային հանրությանը ՝ խնդրելով կասեցնել Արցախի ժողովրդի ցեղասպանությունը
Անպատժելիությունը կանաչ լույս է վառում նոր հանցագործությունների համար. ՀՀ ԱԳ փոխնախարարն արձագանքել է Ալիևի հայտարարությանը
