ՄԱԿ Անվտանգության խորհուրդը փակ ռեժիմով կքննարկի Արցախում ստեղծված իրավիճակը

Արմինֆո. Արցախի իրավիճակը կքննարկվի ՄԱԿ Անվտանգության խորհրդում ։

"Այսօր առավոտյան (դեկտեմբերի 16-ին) Լիբիայի հարցով խորհրդատվություններից հետո ՄԱԿ  Անվտանգության խորհրդի անդամները կքննարկեն Լեռնային Ղարաբաղի (Հայաստան-Ադրբեջան) իրավիճակը' ի թիվս "այլ գործերի", - ասվում է Twitter-ում Security Council Report միկրոբլոգում: Հարցի քննարկումը տեղի կունենա ՄԱԿ-ում Ֆրանսիայի մշտական ներկայացուցչության առաջարկով:

"Ուրախալի է, որ Արցախի հարցը քննարկվելու է այսօր ՄԱԿ Անվտանգության խորհրդում", - Facebook-ի իր էջում գրել է Արցախի Հանրապետության նախկին պետնախարար, պետնախարարի խորհրդական Արտակ Բեգլարյանը: Նրա խոսքով, չնայած այն հանգամանքին, որ քննարկումը տեղի կունենա փակ ռեժիմով, սակայն փաստն իսկ արդեն նշանակում է հարցը միջազգային մակարդակի հասցնել: "Հուսով եմ, որ ՄԱԿ-ն ավելի մեծ ուշադրություն կդարձնի խնդրի ինչպես կարճաժամկետ, այնպես էլ երկարաժամկետ լուծումներին՝ կատարելով իր պարտավորությունները եւ կիրառելով բոլոր հնարավոր մեխանիզմները", - նշել է նա:

Նշենք, որ դեկտեմբերի 12-ին, առավոտյան ժամը 10:30-ին քաղաքացիական հագուստով մի խումբ ադրբեջանցիներ հերթական սադրանքի արդյունքում "էկոլոգիական պատճառներով" փակել են Ստեփանակերտ-Գորիս մայրուղին, որը Արցախը Հայաստանին և արտաքին աշխարհին կապող միակ ճանապարհն է: Հայկական թելեգրամյան ալիքները, այսպես կոչված, բնապահպանների շրջանում նույնականացրել են ԱՀ հատուկ ծառայության աշխատակիցներին։ Դեկտեմբերի 13-ի երեկոյան Ադրբեջանը փակել է նաեւ գազատարի փականը, որով գազ է մատակարարվում Լեռնային Ղարաբաղի բնակչությանը ։ Մոտ 120 հազար մարդ ոչ միայն հայտնվել էր շրջափակման մեջ և, փաստացի, պատանդների կարգավիճակում, այլև զրկվել էր ջեռուցումից, որը վերականգնվել է միայն դեկտեմբերի 16-ին։