Արեւելագետ. Էրդողանն իրենը բաց չի թողնի Հայաստանին առնչվող իրավիճակում. նա դեռ պետք է Թյուրքական պետությունների կազմակերպությունը վերածի նոր օտոմանյան  կայսրության

Արմինֆո. Եթե չլիներ ռուսական բանակը, հայերի հետքն էլ չէր մնա Լեռնային Ղարաբաղում։ Մերձավոր Արևելքի ինստիտուտի նախագահ Եվգենի Սատանովսկին այդպես է արձագանքել ՌԴ Պետդումայի պատգամավոր Կոնստանտին Զատուլինի և "Ռոսիա սեգոդնյա" - ի գլխավոր խմբագիր Մարգարիտա Սիմոնյանի մուտքի արգելմանը Հայաստան։

"Հայաստանի ներկայիս ղեկավարությունն արգելել է Կոնստանտին Զատուլինի և Մարգարիտա Սիմոնյանի մուտքը Հայաստան։ Ինչը տրամաբանական է, քանի որ նրանք վարկաբեկում են հենց իրեն՝ այդ ղեկավարությանը, քանի որ, անկեղծ ասած, հենց Փաշինյանն ու իր թիմն են մեղավոր, որ Երևանը պարտություն է կրել ղարաբաղյան երկրորդ պատերազմում, կորցնելով այն ամենը, ինչ հայերը 90 - ականներից հետ էին նվաճել ադրբեջանցիներից։ Բայց ու՞մ դուր կգա նման բան լսել: Եվ եթե չլիներ ռուսական բանակը, ապա հայերի հետքն էլ չէր մնա Ղարաբաղում, էլ չենք խոսում այն մասին, որ Հայաստանը հեշտությամբ կարող էր կորցնել, առնվազն, Սյունիքի մարզը, և ոչ ոք հիմա Զանգեզուրի միջանցքով տարանցման մասին որևէ խոսակցություն չէր վարի։ Բայց ու՞մ է դա, ընդհանրապես, հետաքրքրում",- կարծում է ռուս քաղաքագետը։ "Ոչ մի պետ չի սիրում, հատկապես, բարդույթավոր ու իշխանության կորստի եզրին հավասարակշռողը, երբ և եթե նա ինչ-որ տեղ խոշոր կեղտոտել է և, գլխավորը, մտադիր է շարունակել նույն կերպ (իսկ Փաշինյանը մտադիր է դա անել նաև այսուհետ. նրան չի հուզում ոչինչ, բացի անձնական իշխանությունից,  Ղարաբաղը նա հանձնելու է փորոտիքով, և՝ ոչ միայն Ղարաբաղը), որպեսզի նրան հիշեցնեն այդ մասին։ Առավել ևս՝ կապեր ու հեղինակություն ունեցող մարդիկ, այն էլ ՝ անձամբ իր վերահսկողությունից դուրս։ Չի կարող փոքր ու վատ բնավորությամբ բռնապետ-պոպուլիստը նրանց ոչինչ անել, իր իրավասության տակ չեն, այնպես որ, գոնե կարգելի մուտքը երկիր, որը, ի դժբախտություն նրա համար, նա ղեկավարում է։ Այո, դա մանր է եւ տմարդի, բայց ով ասաց, որ այս աշխարհում այլ կերպ է լինում", - հարց է տվել Ստաանովսկին: Միևնույն ժամանակ, պրոֆեսորը կարծում է, որ Փաշինյանն այժմ տիտանական խնդիրներ ունի, որոնք նրան ուղղակիորեն "ամերիկյան վերադասների կողմից են առաջադրված"։ Սատանովսկին կարծում է, որ Փաշինյանին խնդիր է դրված խզել հարաբերությունները Ռուսաստանի հետ, հացնել ռուսական ռազմաբազան Գյումրիից, առավելագույնս վիճել Իրանի հետ և առավելագույն քանակով արևմտամետներ գործարկել տարածաշրջանում, ընդ որում, կարևոր չէ, թե՝ որ երկրից։

"Նրան դեռ ինչ - որ կերպ պետք է տանը զիջումներ վաճառել թուրքերին, իսկ դրանք կլինեն, այն էլ ինչպպպիսի զիջումներ։ Ռեջեփ Թայիփ Էրդողանն իրենը բաց չի թողնում և բաց չի թողնի Հայաստանին առնչվող իրավիճակը ճիշտ այնպես, ինչպես Վրաստանի ու Ադրբեջանի պարագայում։ Նա դեռ պետք է Թյուրքական պետությունների կազմակերպությունը վերածի նոր օտոմանյան կայսրության, քանի դեռ մեր բյուրոկրատները հազիվ են շրջվում ՝ փորձելով, նույնիսկ, չխանգարել նրան, այլ ոչ շատ արագ դուրս թռչել Անդրկովկասից, Ղազախստանից և Միջին Ասիայից ՝ կորցնելով այնտեղ վաստակածը, վերջին 300 տարվա ընթացքում աշխատած ամեն ինչ", - կարծում է արևելագետը։

Ինչ վերաբերում է հայ ժողովրդին, հայկական տնտեսությանը, որն առանց Ռուսաստանի չի լինի, ինչպես հիմա չկա Ուկրաինայում, Բալթյան երկրներում և Մոլդովայում, շարունակել է Սատանովսկին, ապա Փաշինյանը թքած ուներ դրա վրա։ «Մարդու տեսակ է դա: Անձամբ նրա համար այնքան էլ վատ չի լինի, որքան՝ անձամբ Զելենսկիի, Սանդուի և բոլոր նրանց համար, ովքեր ղեկավարում են Բալթյան պետությունների եռյակը։ Եվ, գլխավորը, լավ կլինի այն ամերիկացիների համար, որոնք նրան աճեցրել են, դարձրել են այնպիսին, ինչպիսին նա հիմա է և ամուր կկառավարեն, մինչև իրենք քանդվեն, ինչն ակնհայտորեն տեղի կունենա ոչ շուտ, քան նրանք վերջնականապես վերջ կտան Եվրամիությանն ու այն ամենին, ինչ կարող են  հետխորհրդային տարածքում։ Ինչ վերաբերում է այն բանին, որ Զատուլինի և Սիմոնյանի համար Հայաստան մուտք գործելու արգելքը չափազանց անարդար է, ապա հին ճշմարտությունն աշխատում է. բարություն մի արա, չարիք չես ստանա։ Առավել եւս. նրանք ու՞մ համար են ջանք թափել։ Հայաստանի և հայերի համար։ Դե, իհրակե, ոչ  Փաշինյանի համար",- եզրափակել է պրոֆեսորը: