Արմինֆո.Հայաստանը Արցախի հետ կապող միջանցքի երթուղու փոփոխությունը բնավ չի ենթադրում Արցախի մեկուսացում Հայաստանից։ Իմ կարծիքով, այս խնդիրն, ավելի շատ, գոյություն ունի ներքաղաքական դաշտում, քան՝ իրականում։ ԱրմԻնֆո-ին նման կարծիք է հայտնել Հայաստանի կառուցողական կուսակցության նախագահ Անդրիաս Ղուկասյանը։
Այդուհանդերձ, քաղաքական գործիչն այս ամենում տեսնում է մեկ այլ, ոչ պակաս կարևոր խնդիր։ Նրա կարծիքով՝ Բերձորում այսօր կրկնվում է Հայաստանի իշխանությունների մոտեցումը, որոնք, ըստ էության, ոչ այնքան վաղուց են աջակցեցին Քարվաճառում էթնիկ զտումներին։ Ինչի արդյունքում նրա բնակիչներն ապօրինաբար զրկվել են սեփական գույքից։ Նրա գնահատմամբ, այդ մոտեցումն ընդհանուր ոչինչ չունի Երեւանի հռչակած ժողովրդավարության, մարդու իրավունքների եւ ազատությունների պաշտպանության հռչակագրային ձգտման հետ։
"Երևանի կեցվածքն Արցախի հարցում բավականին խնդրահարույց է՝ ընդհանուր առմամբ։ Եվ ԱՄՆ Սենատի արտաքին գործերի կոմիտեի՝ Լեռնային Ղարաբաղի տարածքից ադրբեջանցի զինվորականների դուրս բերման պահանջով հայտարարության ֆոնին, առնվազն, անհասկանալի է թվում։ Արցախի հարցում Հայաստանի դիրքորոշումը ոչ միայն համարժեք չէ արցախցիների օրինական իրավունքների պաշտպանության ուղղությամբ ԱՄՆ-ի եւ Ֆրանսիայի ջանքերին, այլեւ նպաստում է Ադրբեջանի կողմից դրանց խախտմանը", - ընդգծել է նա:
Բերձորի և Աղավնոյի ընթացիկ հայաթափումը Ղուկասյանը գնահատում է որպես Փաշինյանի կառավարության ՝ 2020 թվականի նոյեմբերի 9-ի պայմանավորվածությունների կատարման հանձնառության վկայություն։ Եվ այսօր, նրա կարծիքով, Հայաստանի իշխանությունները խնդիր ունեն տեղի ունեցողի իրավաբանական ձևակերպման հետ կապված, քանի որ "միջանցքի" բնակիչների գույքը իրավական տեսանկյունից չի կարող օտարվել Փաշինյանի, Ալիևի և Պուտինի համատեղ որոշմամբ։
Մինչդեռ, Հայաստանն ու Ադրբեջանը, ի տարբերություն ՌԴ-ի, շարունակում են մնալ Եվրոպայի խորհրդի անդամներ, ինչը, ըստ քաղաքական գործչի, նրանց վրա դնում է ցանկացած մարդու սեփականության իրավունքը պաշտպանելու համապատասխան պարտավորություններ։ Ըստ այդմ, հենց նույն բերձորցիների սեփականության օտարումը կարող է տեղի ունենալ բացառապես օրենքի շրջանակներում, այլ ոչ թե այնպես, ինչպես դա արվում է հիմա։
"Տեղի է ունենում մարդու իրավունքների անվիճելի խախտում։ Ինչը Հայաստանին լուրջ հիմքեր է տալիս կասեցնելու Բերձորի և Աղավնոյի բնակիչների նկատմամբ ընթացիկ գործընթացները։ Սակայն, մենք տեսնում ենք, որ ոչ Հայաստանի կառավարությունը, ոչ էլ ընդդիմությունը նման ցանկություն չունեն։ Համապատասխանաբար, առաջին հերթին, հենց այդ բնակավայրերի բնակիչները պետք է հավաքական բողոքով դիմեն ՄԻԵԴ՝ խնդրելով միջանկյալ միջոց կիրառել իրենց գույքը վտանգի ենթարկողների գործողությունների նկատմամբ՝ մինչեւ բողոքի քննությունը։ Համոզված եմ, որ իշխանության կողմից քաղաքական ճնշման բացակայության դեպքում Հայաստանի և Սփյուռքի իրավապաշտպանները բավարար ռեսուրսներ ունեն այդ խնդիրը լուծելու համար", - ամփոփել է քաղաքական գործիչը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
