Փորձագետ. Հայաստանի նկատմամբ վերաբերմունքը որոշում է նրա աշխարհաքաղաքական վեկտորը

Արմինֆո.Հայաստանի նկատմամբ վերաբերմունքը թելադրվում է Երեւանի աշխարհաքաղաքական վեկտորով։ Գոյություն ունեցող եւ այն վեկտորով, որը կարող է լինել ապագայում: ԱրմԻնֆո-ին նման կարծիք է հայտնել Երևանի մամուլի ակումբի նախագահ Բորիս Նավասարդյանը։

"Մեզ շրջապատող արտաքին աշխարհի համար բոլորովին միեւնույն է, թե ինչ քաղաքական կարգեր են մեր երկրում գործում հիմա, եւ այն, թե ինչպպիսին դրանք կլինեն ապագայում: Եվ միայն շատ քչերին է հետաքրքրում մեր երկրի ժողովրդավարացման աստիճանը, ինչը, ընդհանուր առմամբ, հարցեր չի հարուցում։ Դա պետք է հետաքրքրի միայն մեզ, մյուսներին դա բոլորովին հետաքրքիր չէ", - նշել է նա։

Նույն կերպ՝ Հայաստանի արտաքին քաղաքական կողմնորոշման լույսի ներքո, ըստ Նավասարդյանի, արտաքին ուժերի և ուժի կենտրոնների վերաբերմունքը շաղկապվում է նաև Արցախին։ Այս համատեքստում նա ցավով նշել է, որ արցախահայության ճակատագիրը, մեծ հաշվով, ոչ ոքի աշխարհում չի հուզում։

Աշխարհում Հայաստանի և Արցախի նման ընկալման ֆոնին Հայաստանը, ըստ փորձագետի, միանշանակ դիտարկվում է որպես ՌԴ ուղեծրում գտնվող երկիր։ Որպես երկիր, որը, գործնականում, թույլ չի տալիս որևէ շեղում այդ ուղեծրից։ Նույնիսկ, հաշվի առնելով ՄԱԿ-ում եւ այլ միջազգային կառույցներում Երեւանի վերջին չեզոք քվեարկությունները՝ Ուկրաինա ռուսական ռազմական ներխուժման լույսի ներքո։ "Խնդիրն այստեղ ոչ միայն և ոչ այնքան առկա իրողություններն են, որքան Հայաստանի հեռանկարները։ Վերջինները, ցավոք, քիչ մխիթարական են.  գնալով՝ մենք ավելի բարդ իրավիճակում ենք հայտնվում։ Վերադառնանք թեկուզ նույն արցախյան խնդրին։ Ո՞րն է, օրինակ, հավաքական Արևմուտքի հետաքրքրությունը Արցախի կողմից Հայաստանի համար շահավետ կարգավիճակ ձեռք բերելու հարցում, եթե Հայաստանը մնում Է ՌԴ-ի արբանյակը։ Ինչու՞ Արևմուտքը պետք է շահագրգռված լինի հենց Արցախի անկախ կարգավիճակով, այլ ոչ թե այն բանով, որ Արցախը հայտնվի Ադրբեջանում, եթե դա բոլորովին չեն պահանջում և չեն ենթադրում նրա աշխարհաքաղաքական շահերը", - ամփոփել է Նավասարդյանը։ --