Արմինֆո. Արցախի Հանրապետության մայրաքաղաք Ստեփանակերտում The FUTURE ARMENIAN զարգացման հիմնադրամը կազմակերպել է The FUTURE ARMENIAN նախաձեռնության Արցախյան ֆորում՝ նվիրված "Բնակչության թվաքանակի աճն Արցախում" թեմային:
Արցախյան ֆորումին մասնակցել են նախաձեռնության ավելի քան 60 համահեղինակներ՝ Արցախի հասարակության տարբեր ներկայացուցիչներ, որոնք ընտրվել են կամայական կերպով: Վերջիններս համակողմանիորեն դիտարկել են երկրի առջև ծառացած ժողովրդագրական խնդիրները, իրենց կարծիքն արտահայտել երկարաժամկետ հեռանկարում այդ խնդիրների կայուն և արդյունավետ լուծման վերաբերյալ:
Ֆորումի նախապատրաստման շրջանակներում տեղի են ունեցել ժողովրդագրության հայ առաջատար փորձագետների մի քանի հանդիպումներ և քննարկումներ, որոնց ընթացքում մշակվել և ձևակերպվել են մի քանի առաջարկություններ ՝ ժողովրդագրական խնդիրների լուծմանն ուղղված տարբեր սցենարների հիման վրա: Գործողությունների այդ ծրագիրը ներկայացվել է նաև արցախյան ֆորումի մասնակիցների քննարկմանը եւ վերջնական որոշմանը։
Մեկօրյա քննարկման ընթացքում The FUTURE ARMENIAN նախաձեռնության արցախցի համահեղինակների կողմից ընդունված առաջարկությունները մոտ ժամանակներս կներկայացվեն Հայաստանի Հանրապետությունում, Արցախում եւ Սփյուռքում համապատասխան պետական մարմիններին, հայկական կազմակերպություններին եւ հաստատություններին, գործարար շրջանակներին գործողությունների համալիր փաթեթի տեսքով ' դրանք համատեղ համակարգված ջանքերով իրականացնելու համար:
The FUTURE ARMENIAN զարգացման հիմնադրամի գործադիր տնօրեն Արտակ Ապիտոնյանը ներկայացրել է քննարկման մեթոդաբանությունն ու առաջարկությունների շուրջ քվեարկությունը: Իր ելույթում նա ընդգծել է. "Սա հարթակ է հասարակության տարբեր շերտերի միջեւ երկխոսության առաջ մղման համար, որտեղ չկա բաժանում ըստ կրթության, տարիքի եւ բնակության վայրի հատկանիշի: Բոլորը՝ մեկի նման, կբարձրացնեն առկա հարցերը և համատեղ կորոշեն այն քայլերը, որոնք անհրաժեշտ է ձեռնարկել այդ խնդիրների լուծման համար"։
Համաժողովին ներկա են եղել Արցախի Հանրապետության նախագահ Արայիկ Հարությունյանը, պետնախարար Արտակ Բեգլարյանը, The FUTURE ARMENIAN շարժման համանախաձեռնողներ
Ռիչարդ Ազարնիան, Արթուր Ալավերդյանը, Արամ Բեքչյանը և Ռուբեն Վարդանյանը: Շարժման համահիմնադիր Նուբար Աֆեյանը հանդես է եկել հատուկ տեսաուղերձով:
Տեղեկատվություն. The FUTURE ARMENIAN-ը հասարակական նախաձեռնություն է, որը ստեղծվել է մասնավոր աաանձանց կողմից՝ ինչպես Հայաստանում, այնպես էլ ողջ աշխարհում, որը կարողացել է ներգրավել ավելի քան 100 000 համահեղինակների 108 երկրներից: Մեծ անորոշության և անհետաձգելի խնդիրների այս ժամանակներում նախաձեռնությունն ուղղված է նախաձեռնության շրջանակներում մշակված 15 նպատակների շուրջ հասարակության ավելի լայն շերտերի մասնակցությամբ երկխոսությանն աջակցմանը: Քննարկումների արդյունքում նախատեսվում է ընդունել հանձնարարականների փաթեթ' այդ նպատակներին հասնելու և հայ ժողովրդի առջև ծառացած խնդիրները լուծելու համար: