Վրաստանի ԱԳ նախարար. Բաքուն եւ Թբիլիսին պաշտպանում են միմյանց տարածքային ամբողջականությունը

Արմինֆո. Բաքուն եւ Թբիլիսին պաշտպանում են միմյանց տարածքային ամբողջականությունը։ Այդ մասին Ադրբեջանի արտգործնախարար Ջեյհուն Բայրամովի հետ համատեղ մամուլի ասուլիսի ժամանակ հայտարարել է Վրաստանի ԱԳ նախարար Իլյա Դարչիաշվիլին։

Նշելով, որ Ադրբեջանի նախագահ Իլհամ Ալիեւն առանձնահատուկ դեր է խաղում ադրբեջանա-վրացական բարեկամության հետագա ամրապնդման գործում, Դարչիաշվիլին հավաստիացրել է, որ երկու երկրների միջեւ համագործակցությունը հետագայում եւս կամրապնդվի՝ հանուն բարեկեցության: "Իմ գործընկերոջ հետ հանդիպմանը հատուկ ուշադրություն է դարձվել երկկողմ հարաբերությունների զարգացմանը ՝ տարածաշրջանի կայուն զարգացման համար։ Մենք բարձր են գնահատել միջազգային նշանակության Բաքու-Թբիլիսի-Կարս երկաթուղու կառուցման և այլ նախագծեր, որոնք բարձրացնում են մեր երկրների գրավչությունը: Բարձր մակարդակի վրա են նաեւ երկկողմ առեւտրային կապերը", - նշել է Վրաստանի ԱԳ նախարարը։

Դարչիաշվիլին հավելել է, որ շարունակվում են խաղաղ բանակցությունները տարածաշրջանի զարգացման համար: "Այցի ընթացքում ունեցած հանդիպումները կարևոր են մեր երկրների միջև ռազմավարական համագործակցության համար։ Վրաստանը պատրաստ է աջակցել խաղաղության վերականգնմանը։ Դա չի հակասում այլ հարթակներին", - ամփոփել է նա, հաղորդում է APA-ն։