Արմինֆո.Միշել-Փաշինյան-Ալիև ի բրյուսելյան հանդիպումը՝ որպես Արևմուտքի աշխարհաքաղաքականության շղթա, տանում է Հարավային Կովկասը երկրորդ Ուկրաինայի վերածման ուղղությամբ։ Արմաինֆո-ին նման կարծիք է հայտնել քաղաքագետ Ստեփան Դանիելյանը։
"Իրականում Հայաստանի եւ Ադրբեջանի առաջնորդների բրյուսելյան հանդիպման նախաձեռնողները ոչ թե խաղաղության պայմանագիր էին պատրաստում երկու երկրների միջեւ, այլ դրդում էին նրանց նոր մեծ պատերազմի։ Տեխնոլոգիաներով՝ շատ նման նրանց, որոնց շնորհիվ այսօր պատերազմ է ընթանում Ուկրաինայում։ Պարզեցված լեզվով ասած՝ ԵՄ-ն այսօր կարիք ունի այնպիսի իրավիճակի ձևավորման, որում ռուս զինվորականները կլքեն սկզբում Արցախը, իսկ հետո՝ Հայաստանը։ Ինչը նրանց հնարավորություն կտա ՆԱՏՕ-ական Թուրքիայի միջոցով առաջ շարժվել դեպի Կենտրոնական Ասիա", - նշել է նա։ Քաղաքագետի կանխատեսմամբ՝ նման սցենարը, անկասկած, սվիններով կընդունվի Ռուսաստանի և Իրանի կողմից։ Վերջինս, ըստ նրա, արդեն այսօր թույլ է տալիս լրջորեն դիտարկել Հարավային Կովկասը հերթական Ուկրաինայի վերածման հեռանկարը։ Դանիելյանը համոզված է, որ Հարավային Կովկասում Ռուսաստանի, Իրանի և Թուրքիայի մասնակցությամբ "երկրորդ ճակատի" կազմակերպումը, ընդհանուր առմամբ, Արևմուտքի համար ցանկալի սցենար է: Որի իրագործումը, ի թիվս այլ հանգամանքների, թույլ կտա Թուրքիային հետ մղել սեփական ազդեցության գոտի։ Եվ, իհարկե, ավելի թուլացնել Մոսկվայի և Թեհրանի հավակնությունները։
Քաղաքագետն օրինաչափ է համարում Արևմուտքի նման ձգտումը՝ հաշվի առնելով այդ սցենարի իրականացմամբ մեծ շահագրգռվածությունը։ Նրա գնահատմամբ՝ կոնկրետ Կովկասում ռուսական ազդեցության գոտիները սեղմելու Արեւմուտքի ձգտումը հենվում է Արցախում եւ Հայաստանում ռուսական ռազմական ներկայության վրա։ Ինչի լույսի ներքո՝ նրան հեռացնելու միակ հնարավորությունը Արցախի ճանաչումն է Ադրբեջանի կազմում՝ արցախահայության հետագա արտաքսմամբ։ Ինչն ակնհայտորեն ՌԴ-ին կզրկի Արցախում սեփական ռազմական ներկայության հիմնավորումից։
"Այս լույսի ներքո միանգամայն տրամաբանական և սպասելի են թվում նաև ՌԴ-ին ԵԱՀԿ Մինսկի խմբի համանախագահությունից դուրս մղելու Արևմուտքի փորձերը։ Մինսկի խմբի խնդիրը ղարաբաղյան հակամարտությունը սառեցված վիճակում պահելն էր մինչև Ուկրաինայում Արևմուտքի և ՌԴ միջև աշխարհաքաղաքական մրցակցության սուր փուլն սկսվելը։ Եվ մենք տեսնում ենք, որ այդ մրցակցությունն արդեն ընթանում է նաև դեպի Հարավային Կովկաս։ Եկեք արձանագրենք մի պարզ փաստ. Արևմուտքը բնավ հայ ժողովրդի թշնամին չէ։ Պարզապես, այնպես է ստացվել, որ այս փուլում մեր շահերը չեն համընկնում։ Իր գոյությամբ իսսկ Արցախը խանգարում է Ռուսաստանի դուրս մղմանը Հարավային Կովկասից։ Ըստ այդմ, Բրյուսելում Արևմուտքի խնդիրն էր ստիպել Երևանին ճանաչել Արցախի նկատմամբ Բաքվի իրավազորությունը։ Այստեղից բխող եւ Վաշինգտոնում ու Բրյուսելում ծրագրված բոլոր աշխարհաքաղաքական հետևանքներով", - ամփոփել է քաղաքագետը։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
