Արմինֆո. Այն պահին, երբ Ռուսաստանը Արցախը հանձնի Ադրբեջանին, նա անմիջապես ավելորդ կդառնա Հայաստանում։ ԱրմԻնֆո-ին այդպիսի կարծիք է հայտնել Պահպանողական կուսակցության նախագահ Միքայել Հայրապետյանը։
"Կարծում եմ, որ Մոսկվայում նույնպես դա հիանալի գիտակցում են։ Հենց Արցախի, Արցախի հիմնախնդրի շնորհիվ է, որ ՌԴ-ն վերջին տասնամյակներում ապահովում է սեփական ներկայությունը Հայաստանում։ Համապատասխանաբար, ՌԴ-ն այսուհետ ևս կփորձի պահպանել իր ռազմական ներկայությունն Արցախում։ Ընդ որում, այս առումով բնավ ամեն ինչ չի կախված Մոսկվայից ։ ՌԴ-ի հետագա ներկայությունն իսկ Հարավային Կովկասում մեծապես պայմանավորված կլինի Արեւմուտքի դիրքորոշմամբ։ Եվ, իհարկե, ուկրաինական պատերազմի ելքով", - նշել է նա։
Աշխարհաքաղաքականությունից զատ՝ քաղաքական գործիչը Կովկասում եւ Հայաստանում ռուսական հետագա հեռանկարները պայմանավորում է, մասնավորապես, Հայաստանի ղեկավարության պետական մտածողության բովանդակությամբ եւ քաղաքական կամքի աստիճանավորմամբ: Նրա կարծիքով ՝ արդեն հայ հասարակության շրջանում այն գիտակցման ի հայտ գալն իսկ, որ Փառուխի և Քարագլուխի շուրջ տեղի է ունեցել գործարք, շատ բանի մասին է խոսում։ Ինքը՝ Հայրապետյանը, Արցախում տիրող իրավիճակը համարում է նախկին պայմանավորվածությունների շարունակություն, որոնց շրջանակներում Հայաստանում տեղի է ունեցել իշխանափոխություն և պատերազմի 44-օրյա արյունահեղ իմիտացիա։
"Այլ բան է, որ թուրքերն ու նրանց ապշերոնյան արբանյակները, հիանալի տեսնելով Ուկրաինայում խրված Ռուսաստանի ներկայիս վիճակը, ակտիվորեն փորձում են արագացնել, առաջ մղել այդ նույն պայմանավորվածությունների իրականացման ժամանակացույցը։ Ամեն ինչ տառացիորեն տեսանելի է: "Շոյգուի, "փայլուն գործողությունը", Պուտինի "Ղարաբաղի անքակտելիությունը Ադրբեջանի հետ", չէ որ այդ ամենն ասվել է միանգամայն բացահայտ։ Իսկ Արցախում այդ գործողության շարունակմանը Երևանից խաղաղապահներին ուղղված վերջին արձագանքները առավելագույնն է, որ կարող են անել այս ՌԴ-ից նշանակվածները։ Ինչպես, ի դեպ, նաեւ բոլոր նախորդները: Ավելին նրանց տրված չէ", - նշել է նա։
Փառուխ գյուղի շուրջ իրավիճակի վերաբերյալ ՌԴ-ի եւ Ադրբեջանի պաշտպանության նախարարությունների հայտարարությունների միջեւ վերջին հակասությունները Հայրապետյանը պայմանավորում է Մոսկվային եւ Բաքվին ուղղված ԱՄՆ-ի եւ Ֆրանսիայի հայտարարություններով: Մասնավորապես, Բաքվի հասցեին Մոսկվայի մեղադրանքները նա դիտարկում է որպես հարկադրված հետքայլ ծրագրված եւ համաձայնեցված գործարքից եւ Փառուխի ոչ մեծ գործողությունից: "Գործող իշխանությանն ինչ-որ խորհուրդներ եւ հանձնարարականներ տալը Հայաստանի եւ Արցախի համար այս բավականին անմխիթար իրավիճակից ելք գտնելու ուղղությամբ, կարծում եմ, միանգամայն ավելորդ է։ Առաջին հերթին, նկատի ունենալով հենց այդ իշխանության բովանդակությունն ու ձեւավորման բնույթը։ Նրա նախորդները "գիտեին ամեն ինչ", այս իշխանությունը "չգիտի եւ չի ուզում իմանալ ոչինչ"։ Իսկ ես գիտեմ, որ քաղաքական առումով ոչ ստանդարտ այս իրավիճակը հնարավոր է և պետք է փոխել բացառապես ոչ ստանդարտ եղանակներով։ Ինչի համար գործող իշխանությունը պետք է, առնվազն, մոռանա սեփական ստամոքսի մասին և հիշի հայրենիքի, պետականության ու խղճի մասին։ Այլ մանրամասներ բացահայտելն առայժմ վաղաժամ եմ համարում", - ամփոփել է քաղաքական գործիչը։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
