Արմինֆո. "Ի պաշտպանություն Արցախի" հասարակական նախաձեռնությունը խստորեն դատապարտում է Ադրբեջանի ագրեսիվ և սադրիչ գործողությունները, կոչ է անում Արցախի և Հայաստանի իշխանություններին հետևողական քայլեր ձեռնարկել հարցի լուծման ուղղությամբ:
ԱրմԻնֆո-ին տրամադրված նախաձեռնության հայտարարությունում ասվում է. «Արցախի Հանրապետությունում ստեղծված վտանգավոր իրավիճակն արդեն հայտնի է Հայաստանում, և դրա արդյունքը ԱՀ ԱԳՆ մարտի 10- հայտարարությունն է. «Մարտի 8-ի գիշերը վնասվել է Արցախի Հանրապետություն եկող միակ գազատարը՝ գազամատակարարումից զրկելով Արցախի ամբողջ տարածքը։
Վնասված հատվածը գտնվում է ադրբեջանական ԶՈՒ վերահսկողության տակ հայտնված տարածքում։ Առ այսօր ադրբեջանական կողմը խոչընդոտում է գազատարի վերանորոգմանը, ինչի պատճառով Արցախի ողջ բնակչությունը առերեսվում է հումանիտար մի շարք խնդիրների, որոնք հատկապես ծանր են եղանակային ցուրտ պայմանների պատճառով»։ Այս հումանիտար աղետին գումարվում ենադրբեջանական ԶՈՒ արդեն կանոնավոր դարձած գնդակոծությունները և հրթիռակոծությունները Մարտունու և Ասկերանի շրջանի գյուղերի խաղաղ բնակչության դեմ, որի հետևանքով ունենք մեկ վիրավոր, գյուղատնտեսական տեխնիկայի և բնակելի տարածքների ու դպրոցի վնասում:
«Ի պաշտպանություն Արցախի» հասարակական նախաձեռնությունը խստորեն դատապարտում է Ադրբեջանի հարձակողական, սադրիչ գործողությունները և կոչ անում ԱՀ և ՀՀ իշխանություններին հետևողական քայլեր ձեռնարկել խնդիրների կարգավորման ուղղությամբ: Համոզված ենք, որ Ադրբեջանը, օգտվելովՈւկրաինայում ծավալվող գործողություններից, փորձում է միջազգային հանրության և հատկապես Ռուսաստանի խաղարարար առաքելության թիկունքում իրականացնել Արցախի պահպանված տարածքներում հայ բնակչության բռնագաղթ և էթնիկ զտումներ:
«Ի պաշտպանություն Արցախի» հասարակական նախաձեռնությունը պահանջում է, որ ՀՀ պատկան մարմինները դիմեն ԵԱՀԿ Մինսկի խմբի եռանախագահությանը՝Արցախում հակամարտության կարգավորմանն ուղղված գործողություններն ակտիվացնելու համար, այլև ՄԱԿ-ին՝ գումարելու Անվտանգության խորհրդի նիստ, որտեղ կքննարկվի ստեղծված իրավիճակը և կընդունվեն Ադրբեջանի ցեղասպան քաղաքականության զսպման քայլեր:
Անհրաժեշտ ենք համարում զուգահեռաբար դիմել ՌԴ նախագահ Վլադիմիր Պուտինին՝ որպես Արցախում խաղաղապահ ուժերի գործողությունների երաշխավոր, վերանայելու նրանց տրված մանդատը և իրավունք տալու բոլոր հնարավոր միջոցներով կանխել սադրիչ և հանցավոր քայլերը, որոնք իրականացնում են Ադրբեջանի զինված ուժերը»։
Նշենք, որ մարտի 4-ից հակառակորդը պարբերաբար խախտում է հրադադարի ռեժիմը, այդ թվում ՝ ականանետերից: Ադրբեջանական ագրեսիայի թիրախը խաղաղ բնակիչներն են։ Մարտի 10-ին Խրամորթ գյուղի բնակիչը վիրավորվել է սեփական տան այգում ՝ գյուղատնտեսական աշխատանքներ իրականացնելիս։ Ավելին, Ադրբեջանի զինված ուժերի սադրիչ գործողությունների արդյունքում Արցախի բնակիչներն արդեն մեկ շաբաթ է ՝ զրկված են գազից, ցանցի գերծանրաբեռնվածության պատճառով էլեկտրամատակարարման խափանումներ են դիտվում։ Ադրբեջանի ԶՈՒ-ն խոչընդոտներ է ստեղծում գազատարի վերանորոգման հարցում։ Կարծիք կա, որ հակառակորդը միտումնավոր պայթեցրել է գազատարը, որի վերանորոգման շուրջ բանակցություններն առայժմ հաջողությամբ չեն պսակվել: Միեւնույն ժամանակ, Արցախի Պաշտպանության բանակի այսօրվա հաղորդագրության համաձայն, մարտի 13-ի ցերեկը եւ լույս 14-ի գիշերը օպերատիվ-մարտավարական իրադրությունը համեմատաբար կայուն է եղել: Գերատեսչության տվյալներով ՝ ադրբեջանական զինուժի կողմից հրադադարի էական խախտումներ չեն արձանագրվել:
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Արդարադատության նախկին նախարարն ընդդիմությանը կոչ է արել նոր խոստումների փոխարեն ազնվորեն և հիմնավորված պատասխանել Հայաստանի քաղաքացիներին հուզող մի շարք հարցերի
Իրավաբան. Նախնական արդյունքների համաձայն՝ Փաշինյանի կուսակցությունը չունի երկրի Սահմանադրությունը փոփոխելու համար անհրաժեշտ 2/3 մեծամասնությունը
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
