Արմինֆո. Արցախում առայժմ Ադրբեջանի հետ խաղաղ հարաբերությունների հաստատման նախադրյալներ չեն տեսնում: ԱրմԻնֆո-ի թղթակցի հետ զրույցում այդպիսի կարծիք է հայտնել Արցախի ԱԳՆ ղեկավար Դավիթ Բաբայանը՝ անդրադառնալով Ադրբեջանի հետ խաղաղ պայմանագիր ստորագրելու Հայաստանի իշխանությունների ձգտման նկատմամբ Ստեփանակերտի վերաբերմունքն արտահայտելու խնդրանքին, ինչի մասին օրերս հայտարարել է պաշտոնական Երեւանը:
"Իսկ ո՞վ խաղաղություն չի ուզում, բայց, իմ կարծիքով, դրա համար պետք է լինի հաշվեկշիռ, այդ թվում ՝ աշխարհաքաղաքական։ Մենք առայժմ մեր նկատմամբ Ադրբեջանի քաղաքականության փոփոխություն չենք տեսնում։ Մենք ամեն օր բախվում ենք տարբեր սադրանքների, բնակավայրերի գնդակոծության և այլ բացասական երևույթների։ Եթե Ադրբեջանն, այնուամենայնիվ, փոխի իր հայատյաց քաղաքականությունը, տեղի կունենա հրաշք, այն ժամանակ, գուցե, հնարավոր լինի խոսել խաղաղության մասին։ Սակայն, առայժմ մենք շատ հեռու ենք խաղաղությունից", - ասել է Արցախի գլխավոր դիվանագետը։ Նրա համոզմամբ՝ խաղաղության ապահովման համար, առաջին հերթին, անհրաժեշտ է կայունություն եւ հավասարակշռություն, ինչը դեռ չկա։
Անդրադառնալով Արցախի կողմից Ուկրաինայի բնակիչներին ուղարկված մարդասիրական օգնությանը և այն կարծիքին, որ Ադրբեջանի ԶՈւ սադրանքները հաճախացել են հենց այդ հաղորդագրություններից հետո, Բաբայանը համոզմունք է հայտնել, որ Լեռնային Ղարաբաղը ճիշտ է վարվել՝ իրականացնելով այդ մարդասիրական քայլը: "Ես կարծում եմ, որ մենք շատ ճիշտ ենք վարվել, դա, պարզապես, այլ քաղաքակրթական աշխարհ է։ Չէ որ դուք հիշում եք, թե 44-օրյա պատերազմի ժամանակ քանի վարձկան էր եկել Ուկրաինայից, որոնք սպանում էին մեր տղաներին, ուկրաինական պետության կողմից որքան զենք էր փոխանցվել Ադրբեջանին, այդ թվում՝ արգելված։ Իսկ ինչո՞վ ենք մենք պատասխանում։ Մարդասիրական օգնությամբ։ Մենք միշտ ասել և ասում ենք, որ չկան վատ ժողովուրդներ, կան վատ պետություններ։ Ժողովուրդները մեղավոր չեն, այդ թվում ՝ ադրբեջանցիները մեղավոր չեն, որ իրենք այդպիսի ղեկավարություն ունեն", - նշել է ԼՂՀ ԱԳՆ ղեկավարը։
Ընդ որում, նա կարծում է, որ այն խոչընդոտները, որոնք այսօր ադրբեջանական կողմը ստեղծում է Արցախը գազով ապահովող գազատարի վերանորոգման հարցում, իր ասածի վառ օրինակն է: Նրա խոսքով՝ հայերը երբեք չպետք է մոռանան, թե ում հետ գործ ունեն։ "Դա պետություն է, որն ամենօրյա ռեժիմով իր հասարակությանը սնուցում է հայատյացությամբ, ֆաշիզմի յուրատեսակ դրսևորում։ Նրանք ատում են մեզ, նրանք ատում են Ռուսաստանին։ Դրա հետևանքով մենք այսօր ունենք այն, ինչ ունենք։ Մենք բանակցություններ ենք վարում գազամատակարարումը վերականգնելու ուղղությամբ, հուսանք, որ ավելի լավ կլինի", - ամփոփել է նախարարը։
Նշենք, որ Ադրբեջանի զինված ուժերն արդեն մի քանի օր է՝ ահաբեկում են Արցախի բնակչությանը, կրակում են գյուղատնտեսական աշխատանքներ իրականացնող խաղաղ բնակիչների, գերեզմանների ուղղությամբ, բարձրախոսներով ստիպում են սահմանամերձ գյուղերի բնակիչներին լքել իրենց բնակավայրերը ՝ սպառնալով ուժ կիրառել: Բացի այդ, մարտի 8-ի գիշերը հայտնի է դարձել Արցախը գազով ապահովող գազատարի վնասման մասին։ Վնասվել է Ադրբեջանի ԶՈւ վերահսկողության տակ գտնվող խողովակի հատվածը։ Հակառակորդը հայ մասնագետներին թույլ չի տալիս իրականացնել վերանորոգման աշխատանքներ: Կարծիք կա, որ հակառակորդը միտումնավոր կերպով շարքից հանել է գազամուղը։
Նշենք նաև, որ մարտի 7-ին հայ-ադրբեջանական սահմանին՝ Երասխի ուղղությամբ, հակառակորդի սադրանքի արդյունքում զոհվել է ՀՀ ԶՈՒ 36-ամյա պայմանագրային զինծառայող, որը երկու անչափահաս երեխա ուներ։
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
