Արմինֆո. Հայկ Մարությանի նկատմամբ քաղաքական ահաբեկչությունը կարող է հիմք ծառայել որակապես նոր քաղաքական ուժերի ստեղծման համար։ ԱրմԻնֆո-ին այդպիսի կարծիք է հայտնել հասարակական-քաղաքական գործիչ Գարեգին Միսկարյանը' մեկնաբանելով Երեւանի քաղաքապետ Հայկ Մարությանի պաշտոնանկությունը՝ նրա նկատմամբ անվստահություն արտահայտելու արդյունքում:
"Մենք նախադրյալներ ենք տեսնում նման սցենարի իրականացման օգտին։ Տեսնում ենք մարդկանց, ովքեր բավականին ակտիվ աշխատանք են տանում այդ ուղղությամբ։ Եվ ես մեծ հույս ունեմ, որ արդեն գալիք տարում այդ աշխատանքը նոր թափ կստանա, իսկ դրա արդյունքները չեն ստիպի երկար սպասել։ Քաղաքական դաշտի առողջացումը՝ համապատասխան որակի և բովանդակության նոր քաղաքական ուժերի ձևավորման միջոցով, կենսական անհրաժեշտություն է թվում։ Այդ սցենարի իրագործումն անձամբ ես կապում եմ հասարակական նախաձեռնությունների հետ", - նշել է նա։
Այդ առնչությամբ Միսկարյանն ընդգծել է, որ Հայաստանում ժողովրդավարական քաղաքական ուժերի ձեւավորումը բացառապես հայ հասարակության գործն է, քանի որ ոչ ոք չի արտահանելու ժողովրդավարություն եւ նման ուժեր դրսից: Այս լույսի ներքո նա կարևոր է համարել հայ հասարակության կողմից այդ ճանապարհի անայլընտրանք լինելու գիտակցումը։ Այս ֆոնին քաղաքական գործիչը նաեւ կարևորել է առաջիկա տարիներին առնվազն երկու առողջ քաղաքական ուժերի ստեղծումը։ ուժեր, որոնք ի զորու են ստաննձնել քաղաքական պատասխանատվություն և երկիրը տանել զարգացման ժողովրդավարական ճանապարհով։
Վերադառնալով Երևանի արդեն նախկին քաղաքապետի նկատմամբ քաղաքական ահաբեկչությանը՝ Միսկարյանն այն գնահատել է որպես տեղական ինքնակառավարման մարմինների ընտրովի ղեկավարների նկատմամբ ահաբեկկչության շարունակություն։ Երկրի գործող վարչակազմին այդ նախաձեռնության նպատակը քաղաքական գործիչը համարում է մինչեւ հաջորդ ընտրությունները սեփական դիրքերը հնարավորինս ամրապնդելու ձգտումը: Վերջինը "Քաղաքացիական պայմանագրին" թույլ կտա գործի դնել վարչական ռեսուրսն՝ ապագայում սեփական վերարտադրության համար։
"Փաշինյանն ու իր շրջապատը հիանալի են տեսնում իրենց օրեցօր ընկնող վարկանիշը և հասարակության աջակցության կտրուկ նվազումը, ինչն անհնար է դարձնում կառավարող կուսակցության հաղթանակը հաջորդ ընտրություններում։ Այստեղից էլ՝ Մարությանի հետ ամեն գնով հաշվեհարդար տեսնելու ձգտումը, քանի որ տեղական անկախ իշխանությունն ինքնին ժողովրդավարական հասարակության ձևավորման գրավականներից մեկն է։ Մինչդեռ, Հայաստանում անկախ դատարանների, Ընտրական օրենսգրքի արմատական բարեփոխման բացակայությունը, տեղական իշխանության մարմինների շուրջ առկա իրավիճակը խոսում է ժողովրդավարության սկզբունքներից Հայաստանի նահանջի մասին։ Ավելին, երկրում ավտորիտարիզմի հաստատման ուղղությամբ իշխանության քայլերի մասին", - նշել է նա։
Հայաստանում կառավարող ուժի նման փոխակերպման հիմքը քաղաքական գործիչը համարում է Նիկոլ Փաշինյանի պոպուլիստական և դեմագոգիկ բովանդակությունը, որն ի սկզբանե ժողովրդավարական պետության ստեղծման ջատագով քաղաքական գործիչ չէր։ Միսկարյանը նաև համոզմունք է հայտնել, որ Փաշինյանը երբեք գաղափարական սկզբի կրող չի եղել, ինչի մասին, ըստ էության, հայտարարել է անձամբ՝ մերժելով ցանկացած "իզմեր"։ Վերջինս, ըստ նրա կանխատեսումների, հասարակությանն իսպառ զրկում է Հայաստանում որևէ գաղափարական փոփոխության հույսից, պարզապես, այն պատճառով, որ փաշինյանական Հայաստանում գաղափարախոսություն գոյություն չունի։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
