Արմինֆո.Վաշինգտոնում Թուրքիայի նախկին դեսպան Սերդար Քըլըչը կնշանակվի Հայաստանի հետ հարաբերությունների կարգավորման գծով հատուկ ներկայացուցիչ։ Այդ մասին հաղորդել Է Թուրքիայի արտգործնախարար Մևլութ Չավուշօղլուն ԱՄԷ այցի ընթացքում։
"Մեր նախագահի հավանությամբ մենք Վաշինգտոնում մեր նախկին դեսպան Սերդար Քըլըչին կնշանակենք Հայաստանի հետ հարաբերությունների կարգավորման գծով հատուկ ներկայացուցիչ", - ասել է Չավուշօղլուն՝ պատասխանելով լրագրողների հարցերին:
Թուրք դիվանագետը հիշեցրել է, որ վերջերս երկու կողմերից դրական հայտարարություններ են հնչել հարաբերությունների կարգավորման վերաբերյալ: Նախարարը նշել է կողմերի միջեւ վստահության ամրապնդման միջոցներ ձեռնարկելու անհրաժեշտությունը: Չավուշօղլուն կրկին ընդգծել է, որ Անկարան կգործի Ադրբեջանի հետ համակարգմամբ՝ Հայաստանի հետ երկխոսության առնչությամբ: Ընդ որում, նա վստահություն է հայտնել, որ Անկարայի եւ Երեւանի միջեւ հարաբերությունների կարգավորման գործընթացը օգտակար կլինի ողջ տարածաշրջանի համար: "Մենք խորհրդակցում ենք Ադրբեջանի հետ յուրաքանչյուր հարցի շուրջ, որից հետո նման քայլեր ենք ձեռնարկում։ Ոչ ոք չպետք է կասկածի, թե արդյոք մենք կարող ենք գործել անկախ կամ Ադրբեջանից առանձին։ Մենք մեկ ազգ ենք՝ երկու պետություն։ Դրանք դրական բաներ են, որոնք օգուտ կբերեն բոլորիս", - ասել է Չավուշօղլուն, հաղորդում է «Անադոլուն»։
Դեկտեմբերի 13-ին Թուրքիայի արտգործնախարար Մևլութ Չավուշօղլուն հայտարարել է, որ Անկարան և Երևանը հատուկ ներկայացուցիչներ կնշանակեն երկու երկրների միջև հարաբերությունների կարգավորման քայլերը քննարկելու համար: Թուրքիայի ԱԳ նախարարը նաեւ հայտարարել է Ստամբուլի եւ Երեւանի միջեւ առաջիկայում չարտերային չվերթների վերսկսման մասին: Չավուշօղլուն ընդգծել է, որ Անկարան Ադրբեջանի հետ կհամակարգի Հայաստանի հետ հարաբերությունների կարգավորման ուղղությամբ քայլերը:
Երեւանում դրական են գնահատել Թուրքիայի արտգործնախարարի հայտարարությունը։ "Հայաստանը, ինչպես մշտապես նախկինում, այնպես էլ այժմ, պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին, ինչն արձանագրված է ՀՀ կառավարության ծրագրում։ Այս առումով դրական ենք գնահատում Թուրքիայի ԱԳ նախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը, և հաստատում, որ հայկական կողմը ևս երկխոսության համար հատուկ ներկայացուցիչ կնշանակի», - հայտարարել է ԱԳՆ մամուլի քարտուղար Վահան Հունանյանը՝ պատասխանելով լրագրողների հարցին:
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Իսկանդարյան. Աբխազիայի քաղաքականությանը Թուրքիայի միջամտությունը միֆ է և նախընտրական PR-ի արդյունք
Հայ փորձագետը կանխատեսում է USAID-ի գործունեության մոտալուտ վերսկսում
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
