Արմինֆո.Հայաստանում Սուրբ Աթոռի առաքելական նվիրակության բացումը մեծ խորհուրդ ունեցող իրադարձություն է, որը նոր էջ է բացում Հայաստանի և Սուրբ Աթոռի միջև դիվանագիտական հարաբերությունների պատմության մեջ։
Այդ մասին հոկտեմբերի 27-ին Երեւանում հայտարարել է Հայաստանի ԱԳ նախարար Արարատ Միրզոյանը մամուլի համար հայտարարությունում՝ ամփոփելով Սուրբ Աթոռի պետքարտուղարի ընդհանուր հարցերով փոխանորդ (փոխպետքարտուղար) Էդգար Պենյա Պառայի հետ հանդիպման արդյունքները։
«Իսկ այսoր մեր հանդիպման ընթացքում գործընկերոջս հետ մտքեր ենք փոխանակել երկկողմ հարաբերությունների շուրջ և պատրաստակամություն հայտնել՝ խորացնելու մեր պետությունների միջև հարաբերությունները՝ խարսխված նույնակունք քրիոստոնեական արժեհամակարգի, պատմական և մշակութային կապերի, ինչպես նաև միջազգային հարաբերությունների խնդիրների վերաբերյալ համընկնող մոտեցումների վրա։ Անդրադարձել ենք Հայաստանի Հանրապետության նախագահի՝ օրեր առաջ Սուրբ Աթոռ կատարած այցին։ Կարևորել ենք նաև հայ ժողովրդի մեծ զավակ, Տիեզերական եկեղեցու վարդապետ հռչակված Սուրբ Գրիգոր Նարեկացու հիշատակի օրը՝ փետրվարի 27-ը, Հռոմեական գլխավոր օրացույցում ամրագրումը, որը ևս մեկ անգամ ընդգծում է Հայաստանի և Սուրբ Աթոռի միջև հոգևոր կապը», - ասել է արտգործնախարարը։
Նա նաեւ նշել է, որ Սուրբ Աթոռը մշտապես Հայաստանի կողքին է եղել հայ ժողովրդի համար դժվարին ժամանակներում, և անցյալ տարին ևս բացառություն չէր: «Մեզ համար հատկանշական և կարևոր է Վատիկանի հետևողական դիրքորոշումը Լեռնային Ղարաբաղի հակամարտության խաղաղ կարգավորման, ինչպես նաև տարածաշրջանում երկարատև խաղաղության և կայունության պահպանման հարցում: Մասնավորապես` Ադրբեջանի կողմից Արցախի դեմ ագրեսիայի օրերին և դրան հաջորդած ժամանակահատվածում Սրբազան քահանայապետի հղած ուղերձները, ինչպես նաև ռազմագերիների անհապաղ ազատ արձակմանն ուղղված կոչերը մեծ նշանակություն են ունեցել։ Ինչպես գիտեք, մինչ այժմ էլ Ադրբեջանը, խախտելով միջազգային մարդասիրական իրավունքը, ինչպես նաև նոյեմբերի 9-ի եռակողմ հայտարարությամբ իր ստանձնած պարտավորությունները, շարունակում է պատանդառության մեջ պահել հայ ռազմագերիներին ու քաղաքացիական անձանց։ Մենք խնդրում ենք, որպեսզի սրբազան քահանայապետն իր աղոթքներում և հրապարակային ուղերձներում մշտապես շարունակի հիշել հայ ռազմագերիներին և շեշտադրել նրանց անհապաղ ազատ արձակման անհրաժեշտությունը։ Նշեմ, որ 44-օրյա պատերազմից հետո Ադրբեջանի վերահսկողության տակ անցած տարածքներում Արցախի հայկական պատմամշակութային և կրոնական ժառանգությունն այժմ գտնվում է ոչնչացման վտանգի առջև։ Այս առումով մենք կարևորել ենք ինչպես ՅՈՒՆԵՍԿՕ-ի, այնպես էլ Սուրբ Աթոռի հետաքրքրությունը այս հարցում․ ժողովուրդների մշակութային ու հոգևոր ժառանգություն հանդիսացող պատմամշակութային հուշարձանների և պաշտամունքի վայրերի դեմ ուղղված վայրագությունները կոպտորեն խախտում են միջազգային իրավունքը, և մենք պետք է քայլեր ձեռնարկենք այդ դեպքերը կանխելու ուղղությամբ։
Ցանկանում եմ շեշտել նաև, որ հայ ժողովուրդը շնորհակալ է Հռոմի Սրբազան Քահանայապետի՝ Հայոց ցեղասպանության ճանաչման սկզբունքային ու միանշանակ ուղերձի համար: Մարդկության դեմ այս հանցագործության դատապարտումը չափազանց կարևոր է ապագայում աշխարհի այլ վայրերում նմանատիպ հանցագործությունների կրկնությունը կանխելու առումով», - հայտարարել է Արարատ Միրզոյանը։
Էդգար Պենյա Պառան նույնպես բարձր է գնահատել Երևանում Սուրբ Աթոռի առաքելական նվիրակության բացումը՝ շնորհակալություն հայտնելով ՀՀ նախագահին և կառավարությանը այդ հարցն առաջ մղելու համար: "Վստահ եմ, որ Երեւանում Սուրբ Աթոռի առաքելական նվիրակության բացումը Հայաստանի եւ, ընդհանուր առմամբ, միջազգային հանրության համար կդառնա տարածաշրջանում կամուրջներ կառուցելու, արդար եւ հարատեւ խաղաղություն հաստատելու խորհրդանիշ", - նշել է Պառան, հավելելով, որ հաջորդ տարի Հայաստանն ու Վատիկանը կնշեն դիվանագիտական հարաբերությունների հաստատման 30-ամյակը: Նա հույս է հայտնել, որ նվիրակությունը թույլ կտա հետագայում եւս խորացնել երկու երկրների միջեւ քաղաքական-կրոնական համագործակցությունը: Նա, միաժամանակ, տեղեկացրել է, որ Կաթոլիկ եկեղեցին սոցիալ-մարդասիրական տարբեր նախագծերի միջոցով ներկա է Հայաստանում։ Վերջում նա համոզմունք է հայտնել, որ նվիրակության ներկայությունն օգտակար կլինի հնարավոր խնդիրների վերացման եւ իրավաբանական գործիքների միջոցով գոհացուցիչ լուծումներ գտնելու տեսանկյունից: "Կցանկանայի վերահաստատել Սուրբ Աթոռի աջակցությունը Հայաստանի կառավարության օրակարգի արդիական հարցերին և միջազգային օրակարգի հարցերին ՝ ուղղված խաղաղությանն ու զինաթափմանը, մարդու իրավունքներին, կրոնական ազատություններին, մարդկային և մշակութային կապիտալի պաշտպանությանը, ինչպես նաև բնապահպանական հարցերին", - ամփոփել է Սուրբ Աթոռի պետքարտուղարի փոխանորդը:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
