Արմինֆո.Հայաստանի, Վրաստանի եւ Ադրբեջանի կողմից ընդհանուր շահերի որոնումը թվում է անայլընտրանք։ Քանզի միայն այդ կերպ մենք բոլորս միասին կկարողանանք զարգացնել մեր տարածաշրջանը՝ Հարավային Կովկասը, ընդհանուր շահով եւ ընդհանուր շահերից ելնելով։ ԱրմԻնֆո-ին այդպիսի կարծիք է հայտնել "Հասարակական հետազոտությունների Թբիլիսիի կենտրոնի" ղեկավար, պրոֆեսոր Մարինա Մուսհեիշվիլին։
"Մենք չենք կարող մեզ թույլ տալ այն վիճակում, զարգացման այն տրամաբանության մեջ մնալու շքեղություն, որում մենք գտնվում ենք վերջին 30 տարիներին։ Քանի որ, այդպիսով, սեփական ձեռքով միայն ուժեղացնում ենք արտաքին ազդեցությունը մեզ վրա։ Արտաքին ուժերի ազդեցությունը, որն ուղղված է մեր երկրների միջև պառակտման ուժեղացմանը, իհարկե, ելնելով հենց այդ ուժերի շահերից։ Կարծում եմ, որ անհրաժեշտ է սկսել Վրաստանի, Հայաստանի եւ Ադրբեջանի ընդհանուր տնտեսական շահերի քննարկումից", - նշել է նա։
Ըստ պրոֆեսորի, այսօր Հարավային Կովկասի երկրները պետք է նայեն բացառապես ապագային և հասկանան, որ տարածաշրջանի զարգացման տրամաբանությունը նախորդ և ներկա սերնդի շրջանակներում մնացել է անցյալում:
Նշելով աշխարհում սրընթաց փոփոխությունները՝ Մուսհեիշվիլին ընդգծել է միջազգային քաղաքականության վերջին աշխարհաքաղաքական փոխակերպումները՝ սկսած Աֆղանստանից եւ վերջացրած ԱՄՆ-ի դերով այդ բոլոր գործընթացներում։ Քաղաքագետը հատկապես առանձնացրել է վերջին ազդակները Ռուսաստանի և Թուրքիայի հարաբերություններում։
Վրացի քաղաքագետը համոզված է, որ անհրաժեշտ է հաշվի առնել գլոբալ քաղաքականության այս եւ այլ աշխարհաքաղաքական միտումները զարգացման ընդհանուր ուղիների որոնման գործընթացում: Ընդհանուր՝ Հարավային Կովկասի բոլոր երեք երկրների բնակչության բավականին անմխիթար իրավիճակում գտնվելու պատճառով։ Տնտեսական խնդիրները, ժողովրդավարությանը, գործազրկությանն ու աղքատությանն առնչվող խնդիրները, նրա կարծիքով, թելադրում են Հայաստանի, Վրաստանի և Ադրբեջանի համագործակցության անհրաժեշտություն։ Քաջ գիտակցելով այդ խոսքերի ուտոպիական լինելը, հաշվի առնելով դեռևս մեկ տարի առաջ Հայաստանի ստացած չսպիացող վերքը, այնուամենայնիվ, ես այլընտրանք չեմ տեսնում բոլորովին այլ մտածողության ձևավորմանը՝ մեր ժողովուրդներին բոլորովին այլ նպատակների և զարգացման փուլ դուրս բերելու նպատակով։ Հարավային Կովկասի երկրները պետք է գտնեն, պարտավոր են դուրս գալ ընդհանուր շահերի և զարգանալ այդ հայեցակարգին համապատասխան և դրա հիման վրա։ Զարգացման այլ ճանապարհ մենք, պարզապես, չունենք, մենք պետք է ձերբազատվենք մեզ պարտադրված կարծրատիպերից։ Դա շատ դժվար է, բայց անայլընտրանք չունի, քանի որ հակառակ դեպքում մենք այդպես էլ կմնանք երրորդ աշխարհի հետամնաց պետություններ", - ամփոփել է Մուսհեիշվիլին։